Mateu 17:12 - ꞌRe Ihâimana Uꞌâsi Mono Zadawa Wasuꞌu

¹² Tane nherẽ, wa za aima waihu'u za'ra wa'wa. Eliasi hã ma tô wei morĩ pa. Tane nherẽ, ta hã da te dasiwi waihu'u õ wa, ma tô tãma rob'manharĩ wasété ni, da te dasima iwẽ za'ra zéb zarina. Tane te za duré da te ĩma 're rob'manharĩ wasété za'ra, ti'ai ãma dasiré ĩpoto ma.

Mateu 17:12 ပူးပေါင်းရင်းမြစ်များ

Mateu 11:2

Tawamhã Zuwã Batista, dazazéb 're sãmra ré, ma tô Cristuhu wasu'u hã wapa, marĩ te te dama 're i'ab'manharĩ wẽ mono zém na hã. Te te wapari wamhã, ma tô isiré 're inomro mono norĩ hã 'mazatõrĩ za'ra, Zezusi hã te te siwi 'mazadanharĩ da.

Mateu 16:21

Tawamhã ta hawim haré te oto Zezusi hã tidâ'âzém na, duré tihâiwa'utuzém na zama tãma 're siwasu'u u'âsi za'ra sõ'awi, tisiré 're inomro mono norĩ ma. Ãne ma tô tãma 're siwasu'u za'ra: — Ĩmama te te ĩma ipisutuzéb zarina wa za mo, Zeruzalẽ u. Tamemhã zudeu norĩ ma roti'wa norĩ hã, duré 'Re ihâimana u'âsi mono ma da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã te za ĩma rob'manharĩ wasété za'ra. Taha zarina, wa za robzépata za'ẽtẽ. Te za duré dasiwi ĩwĩrĩ ni. Taha wamhã, maparane bâdâ ĩ'ãma si'utõrĩ õ ré, wa za duré apâ hã hâiwa'udu.

Mateu 17:11

Tawamhã Zezusi hã ma te ãma sada'âbâ za'ra, ãne: — Duréihã 'Re ihâimana u'âsi mono zadawa 'mahârâ'wa hã ma tô i'uwaibaba na hã ãma rob'ui'éré, Eliasi za we apâ imorĩzém na hã te te ropese mono da.

Mateu 17:13

Tawamhã Pedru norĩ ma tô siwi sadaihu'u, Eliasihi upana Zuwã Batista te te iwasu'u na, Zezusi te te tãma irowasu'u za'ra zém na hã.

Mateu 17:22

Tawamhã Zezusihi siré 're inomro mono norĩ hã ma tô isiré asimro, Galiléa ãma. Isiré si'ubumroi wamhã, ma tô Zezusi hã tãma siwasu'u za'ra, ãne: — Ti'ai ãma Dasiré Ipodo hã te za dasima hâiba nhomri za'ra ni.

Mateu 17:9

Tawamhã ẽtẽ 'rãihâ hawi, ma tô si'ra za'ra, Zezusi norĩ hã. Si'aba'réi ré, ma tô Zezusi hã Pedru norĩ hã sadawa uwati za'ra, ãne: — Ẽtẽ 'rãihâ ãma i'madâ'â za'ra wa'wa hã dama wasu'u za'ra wa'aba õ di za a'â. Ti'ai ãma Dasiré Ipodo hã ab're hawi, Imama te te hâiwa'utu parip si, te za dama ãma 're irowasu'u za'ra wa'aba mo.

Mateu 21:32

Zuwã Batista hã ma tô aré atẽme timorĩ za'ra wa'wa, 'Re ihâimana u'âsi mono te te sima 're i'aiwẽ za'ra wa'aba mono zéb zarina 're anomro wẽ wa'aba mono zéb da hã, te te aima 're wasu'u za'ra wa'aba mono da. Tane nherẽ, isimirowasu'u na hã ãma 're saze za'ra wa'aba mono õ di. Rob'uiprazé arĩ ubumroi'wa norĩ si ma tô ãma saze za'ra isimirowasu'u na hã, pi'õ hã aibâ zô si siwa'ru 're ihâimana za'ra mono norĩ zama. Tawamhã ta norĩ hã atõmo na 're 'madâ'â za'ra wa'aba mono nherẽ, a norĩ wa'aba zama asimirosa'rata na 're saprĩ za'ra wa'aba mono õ di, isimirowasu'u na ãma 're isaze za'ra wa'aba mono zéb da hã.

Mateu 8:20

Tawamhã Zezusi te asa tãma tinha ãne: — Wapsã wawẽre ma, te ab're na isõrõwa hã tãma 're hâimana zara. Duré si norĩ te tizasi hã te te sima 're 'manharĩ za'ra, isõrõwa na tãma 're hâimana za'ra mono da. Tazahã, ti'ai ãma Dasiré Ipodo hã sõrõwa õ di, ãma 're iwa'utu mono zéb da hã. Hâiwi si te datẽmemhã 're morĩ u'â.

Luca 7:33

Tane a norĩ wa'wa hã. Zuwã Batista hã te sai ãna nasi aimasisi. Duré uwa 'rãi wa'u isé hã te te 're hâsi mono õ di. Tazahã, ãne 're hâimana mono wa, ma tô tãma 're inharĩ wasété za'ra wa'aba mo, wa'uburé ré 're imorĩ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:23

'Re ihâimana u'âsi mono hã ma tô tiwaihu'u pese na waihu'u siro romhâ ré, Zezusihi dâ'âzé hã. Te te iwaihu'u siromo zéb uwaibaba, duré te te sima iwẽzéb uwaibaba, ma tô aima pisutu za'ra wa'wa, Zezusi hã dama 'ru za'ra wa'aba da, 'Re ihâimana u'âsi mono nhimiroti waihu'u'õ'wa norĩ ma, ai'upana za'ra wa'aba, te te siwi wĩrĩ da. Tahawa, ma tô siwi sasõ, wedepo'o nhonhi'rãmi na. Taha na ma siwi tiwĩ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:10

Tawamhã a norĩ wa'wa hã te za iwaihu'u pese za'ra wa'wa, aihâiba mono bâ wa'aba. Uburé wasiré Izaraéu nhihudu norĩ zama te za duré waihu'u pese za'ra za. Zezu Cristuhu zadawa para, wa tô pese ni, ihi'ré hã. Zezusi hã Nazaré ãma aré 're isãmra mono hã asiwi wĩrĩ aba da, ma tô dama i'ru za'ra wa'wa. Taha paramhã ma tô dasiwi sasõmri ni, wedepo'o nhonhi'rãmi na. Ãhã wa, ma tô duré dârâ. Dâ'â nherẽ, 'Re ihâimana u'âsi mono, ma tô apâ hâiwa'utu. Taha zadawa para, te aibâ ihi'ré hã ãme za, rowẽ na. Ma tô tipese oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:52

Aihi'rata norĩ wa'wa hã ma tô sada 're sib'ru za'ra, 'Re ihâimana u'âsi mono zadawa 'mahârâ 'rata 'wa norĩ zada. 'Re imorĩ wẽ uptabi hã za we iwisi wana, ma tô aré te te dama 're wasu'u za'ra, isadawa wasu'u'wa norĩ hã. Tane nherẽ, ma tô aihi'rata norĩ wa'wa hã te te 're simro, ta norĩ hã. Aihi'rata norĩ wa'wa hã ãne te te 're i'manharĩ za'ra mono ne, ma tô duré a norĩ wa'aba zama dama isa'ré za'ra wa'wa, 're imorĩ wẽ uptabi hã da te dasiwi wĩrĩ da.