Mateu 17:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã 6 na bâdâ ãma si'utõrĩ pari, ma tô Zezusi hã Pedru norĩ, Tiagu, duré Zuwã isisãnawã norĩ me hã te te siré simro, ẽtẽ 'rãihâ u hã.

Mateu 17:1 ပူးပေါင်းရင်းမြစ်များ

Mateu 17:2

Tawamhã tame si'ubumroi ré, ma tô Zezusi hã isõ'a za'ra aimawi tihâiba na hã saprĩ. Ma tô ti'uburã pese, bâtâ ro'o ne. Duré i'uza hã hâ zarob'a uptabi di, bâtâ ro te te 're irowa'a pese mono ne.

Mateu 26:37

Tawamhã Pedru hã te siré saprõ, Zebedehe 'ra norĩ me. Ãhã wamhã ma tô Zezusihi wi, tiwi tirobzei'õ pese. Za te te irobzépatazé hã ma tô sima simimnhasi.

Marcu 13:3

Tawamhã Zezusi hã te oto nhamra, Oriwera na ẽtẽ 'rãihâ nhisi ãma, tisiré 're inomro mono norĩ me. Sisõ're u, te 'ri 'madâ, 'Re ihâimana u'âsi mono nhorõwa hã. Te te 'madâ'â ré, te siwi sadanha, hâiba pisutu Pedru norĩ hã, Tiagu, Zuwã, Ãdré:

Luca 8:51

Tawamhã Zezusi hã Zairuhu nhorõwa u oto wisi wamhã, ma tô pisutu za'ra, Pedru norĩ si isiré sisisi da, Zuwã, duré Tiagu, azaruture mama norĩ siré hã.

2 Corĩtu 13:1

Si'ubdatõ, ãma atẽme za'ra wa'aba ĩmorĩ na hã wa za oto sahu, te asabu za'ra wa'aba da. Duréihã Mozési hã ma tô ãne na ibaihâ na rob'ui'éré, 'Re ihâimana u'âsi mono nhimiroti na hã: “Ni'wam norĩ da, 're dawasété za'ra mono wamhã, maparane dahâiba ma, te za 're siwasu'u za'ra, ta norĩ hã danho'a te te 're sadawa waptob za'ra mono da, tãma 're isiwasu'u za'ra mono zém na hã.” Ãne duréihã 'Re ihâimana u'âsi mono nhimiroti na rob'ui'éré hã. Tawamhã wa hã ãma atẽme ĩmorĩ aba wamhã, taha zarina, wa za tô sena zarina, aiwasété za'ra wa'aba na hã aiwaihu'u za'ra wa'wa.

2 Pedru 1:16

Wa norĩ hã wa tô Wanhib'apito hã wa te aima 're wasu'u za'ra wa'wa, iwaihu'u pese uptabi na, duré za apâ we imorĩ na zama. E tawamhã taré danhimirosa'rata nhipese zarina, wa tô Wanhib'apito wasu'uwẽ hã wa te aima 're wasu'u za'ra wa'wa. Mare di. Wa norĩ hã Wanhib'apito Zezu Cristu hã rowa'a za'ẽtẽ ré, isab ré, wa tô watõmo na hã 'madâ'â za'ra ni.