Itob'a norĩ hã to pese za'ra wa, ma tô apâ te te 're rob'madâ'â za'ra. Imorĩ'õ norĩ hã te duré oto para na 're nomro. Duré i'wa're ré norĩ hã ma tô 're pese za'ra. Tahawa te oto duré hâiba wẽ na hã 're nomro. Duré ipo'reptõ norĩ hã te oto po're 'repu'u wa 're simipari za'ra. Duré 're idâ'â za'ra mono norĩ hã ma tô duré apâ 're hâiwa'utu za'ra. Ĩwasu'uwẽ hã ma tô duré isibrob'õ norĩ hã te te 're wapari za'ra. Ãne na te za tãma irowasu'u za'ra wa'wa, Zuwãhã ma.
Mateu 16:3 - ꞌRe Ihâimana Uꞌâsi Mono Zadawa Wasuꞌu3 Duré nimahã bâtâ na awẽm na hã te za ãne asima inharĩ za'ra wa'wa: “Ãhã na hã tã te za we tita'a. E marĩ wa. Hâiwa 'rãdâ'â pré mono di.” Ãne hã aima waihu'u pese za'ra wa'aba di, hâiwa u 're asimizawẽrẽ za'ra wa'aba mono wa, tã 're ita'a mono zéb da hã duré 're ihâiwa pese mono zéb da hã. Tane nherẽ, ãhã na uburé 're iromhâimana mono zé 'madâ'â za'ra wa'aba nherẽ, za 're iromhâimana mono zéb da hã aima waihu'u za'ra wa'aba õ di. အခန်းကိုကြည့်ပါ။ |
Mateu 16:3
11 ပူးပေါင်းရင်းမြစ်များ
Tawamhã tinhimirosa'rata wasété zarina te te sima ãma iroti za'ra zé hã ma tô sina waihu'u, Zezusi hã. Tahawa, ma ãne tizadawa na ãma tãma wa'rãmi za'ra: — A norĩ wa'wa hã te asadawa nhipese na 're aihâimana za'ra wa'aba mo. E marĩ da, te ãne na asiwi ĩzadanharĩ 'wa, ĩmreme na te ãma aima upa za'ra wa'aba wa, asiwi ĩwẽ'õ za'ra wa'aba da.
— Farizeu norĩ, duré dama rowahutu'wa norĩ, aihâimana uptabi õ na dama 're aihâimana za'ra wa'aba mono wa, aima 're ropipa uptabi za'ra wa'aba mono di za. 'Ridawa hã 're danhisisi tõ mono da, da te dawi 're isitob za'ra mono ne, te a norĩ wa'wa hã dawi 're isawi za'ra wa'aba mo, 'Re ihâimana u'âsi mono, da'ãma 're isib'a'uwẽ mono zéb u 're danomro tõ mono da hã. A norĩ wa'aba zama te 'Re ihâimana u'âsi mono wi 're asihâiba zawi za'ra wa'aba mo, ai'ãma 're sib'a'uwẽ za'ra wa'aba mono tõ da.
Tawamhã daza'rui mono bâ te 're mo Zezusi hã, Galiléa ãma hã. zudeu norĩ te, rowahutuzé mono bâ, ma tô te te dama 're rowahutu. 'Re ihâimana u'âsi mono, da'ãma 're isib'a'uwẽ mono zé wasu'u na te duré te te dama 're rowasu'u, iwasu'uwẽ na. Duré dahâzé da te 're isépata za'ra mono bâ hã ma da'apese. Hâzé u'âsi wa, sib'uware na 're inomro mono norĩ zama ma duré apese, Zezusi hã.
— A norĩ wa'aba ma, aima 're ropipa uptabi za'ra wa'aba mono di za. Tahawa, wa za aima ãma romnhimiré'é za'ra wa'wa, ãne. Ãté ni'wa hã adâ'â 'ru uwaibaba te za mo, sisa'rese ãna, ti'ai haré newa. Tahawa, te za siwasété. Tane aiwẽ za'ra wa'aba newa, asirã za'ra wa'aba zarina 're danomro mono wamhã, te za 're dasiwasété za'ra. Tahawa, aiwẽ prã za'ra wa'aba wa, aima 're robze za'ra wa'aba mono õ di za.
Tawamhã Wanhib'apito te tãma tinha, ãne: — Oro sabadu na te dapese wa, ĩma nharĩ za, te za powawẽ hã awaru po'repore zama, 're iwasihu za'ra wa'aba mo, âi ba, 're simroi wa'aba mono da, te te 're âhuri mono da. Ãhãta pi'õ hã, Abra'ãhã nhihudu hã. Satanasi hã te te 're pibui mono ré hã, ma tô 18 na ãma tiwahu. Sabadu na nherẽ, wa tô pese, hâzé ãna oto 're hâimana mono da. E niha bâ bété, aima wẽ za'ra wa'aba õ di, sabadu na te ipesezé hã rowẽ na pi'õ hã oto 're imorĩ da hã.
Iprédum norĩ si te tisai uptabi na hã 're saihuri. Tane duré, 'Re ihâimana u'âsi mono nhimiroti ipire hã tãma iwaihu'u pese za'ra norĩ si te za waihu'u za'ra, 'Re ihâimana u'âsi mono ma, iwẽ si da te 're i'manharĩ za'ra mono zé hã, duré tãma iwẽ'õ hã da te 're i'manharĩ za'ra mono õ zé hã. Uburé marĩ hã niha iwẽ zô, duré niha iwasété zô, te te 're ipibu za'ra mono zéb zarina si, te za te te 're waihu'u pese za'ra, ta norĩ ma si waihu'u pese wa.
ကြော်ငြာတွေ