Mateu 16:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã Zezusi te duré tãma nharĩ za'ra, tisiré 're inomro mono norĩ ma, ãne: — Ni'wam norĩ hã ĩsiré 're nomro u'âsi mono da, te te sima 're ĩwẽ za'ra mono wamhã, tihâimanazém na hã te te 're rosa'rata za'ra mono õ di za. Tiza'ozéb ré, ĩzarina 're inomro mono ne, te za ĩsiré 're nomro, da te 're simroi mono da nherẽ hã.

Mateu 16:24 ပူးပေါင်းရင်းမြစ်များ

Mateu 10:38

Wedepo'o nhonhi'rãmi hã, daza'ozéb da, da te dasisada 're i'wasari mono ne, ni'wam norĩ hã da te 're simroi mono da nherẽ, sisawi ãna ĩzarina 're nomro mono wapsi, te za ĩ'ãma 're hâimana u'âsi za'ra. Duré ãne na 're hâimana za'ra mono õ wamhã, ĩ'ãma 're nomro waihu'u mono õ di za.

Mateu 27:32

'Ri nho'õmo nhiti Zezusi hã te te oto siwi wazere wamhã, aibâ hã ma tô siwi tisã, Sima na isisi hã. Sireni na isa'ru nhisi hã. Te te siwi sãmri wamhã, ma tô tãma 'ru za'ra da'wapéi'wa norĩ hã, wedepo'o nhonhi'rãmi hã tinhisé te te tãma âri da, Zezusi te te sisada i'âri hã.

Marcu 10:21

Tawamhã Zezusi hã te aibâ 'madâ, isawi hã tãma hâimana sina. Ãne te tãma tinha: — Zahadu te misi aiwi sô rowaptâ, tãma ãma i'uwaimrami'õ hã. Mo oto aimorĩ apâ, asibro hã uburé dama wede mono da, iwa'âbâ zô, isibrob'õ norĩ ma, sõmri mono da. Ãne wamhã, duré asibro pese di za, hâiwa ãma. Taha parip si, te za we apâ aimo ĩtẽme, ĩsiré 're aimorĩ da hã oto.

Marcu 15:21

Tawamhã bâdâdi na te te siwi saprõni ré, ma tô aibâ hã siwi sõpẽtẽ, Sima na isisi hã, tirom hawi we imorĩ hã, 'ri ahâ u. Isa'ru nhisi hã, Sireni na. Sima hã Alesãdri norĩ mama, Rufuhu me. Tawamhã da'wapéi'wa norĩ hã, Simahã ma, ma tô 'ru za'ra, wedepo'o nhonhi'rãmi hã te te tãma âri da, Zezusihi ma.

Marcu 8:34

Taha pari, Zezusi te duré sima dazô hâ, uburé itẽme dasi'rã'õtõ mono da. Tisiré 're inomro mono norĩ zô zama, te duré tihârâ za'ra sima. Tawamhã ãne ma si'ãma dama rowaihu'u: — Ni'wam norĩ hã ĩsiré 're nomro u'âsi mono da, te te sima 're ĩwẽ za'ra mono wamhã, tihâimanazém na te te 're rosa'rata za'ra mono õ di za. Tiza'ozéb ré, ĩzarina 're inomro mono ne, da te dasiwi uprosi da nherẽ, te za ĩsiré 're nomro.

Luca 14:27

Tiza'ozéb ré, ĩzarina 're inomro mono ne, da te 're uprosi za'ra mono da nherẽ, te za ĩsiré 're nomro. Ãnei õ wamhã, ĩzazei'wa na te 're waihu'u za'ra mono õ di za.

Luca 23:26

Tawamhã Zezusi hã te oto siwi saprõ, idâ'âzéb u. Te te siwi saprõni ré, ma tô buru hawimhã aibâ hã da'razâ. Aibâ nhisi hã, Sima na. Simahã za'ru nhisi hã, Sireni na. Te te da'razâri wa, ma tô siwi pa'â, da'wapéi'wa norĩ hã. Isisé ma tô tãma hiri za'ra wedepo'o nhonhi'rãmi hã, Zezusihi zarina te te âri da. Tahawa, te isarina ti'â.

Zuwã 19:17

Tawamhã 'ri nhiti te oto siwi saprõ, Zezusi hã. Wedepo'o nhonhi'rãmi hã te sisada ti'â, Da'rãihi na romnhisi u. Hebreu norĩ mreme na Gogota na romnhisi hã. Tamomo te te siwi ãwisi za'ra wamhã, wedepo'o nhonhi'rãmi na ma tô oto siwi sasõ, da'wapéi'wa norĩ hã. Aibâ norĩ wa'wa, ma tô siwi sasõ. Aibâ maparane te ãma aiwa'aba zahuré, da te dasiwi isasõmri zahuré hã.

Zuwã 21:19

Ãne sõ'awib õ nherẽ, ma tô tãma waihu'u siro, idâ'âzém na hã, za tãma iromhâimanazém na hã. Sihâiba zawi ãna, za dâ'â wa, te za 'Re ihâimana u'âsi mono ãma 're dawata za'ra. Tawamhã Zezusi te duré Pedruhu ma tinha, ãne: — 'Re ĩmorĩzém na te za 're aimo, ĩzarina.

Zuwã 21:22

Tawamhã Zezusi asa te tãma tinha, ãne: — Apâ we ĩmorĩ õ ré, idâ'â'õzé te tãma pisutu wamhã, taha si ãma 're 'madâ'â mono õ di za, 're aimorĩ da, ĩzarina. Asi'ãma si te za 're irosa'rata mo, 're ĩmorĩzém na si 're aimorĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:22

'Ri nho'õmo wa'wai baba neb zahuré wamhã, ma tô isazei'wa norĩ hã pawaptob za'ra, hâimana nhiptete na 're nomro mono da, 'Re ihâimana u'âsi mono ãma te te 're sasõmri u'âsi za'ra mono da. Ãne te duré tãma nharĩ za'ra: — A norĩ wa'wa hã Zezusihi zazei'wai wa, marĩ iwasédé hã da te aima 're 'manharĩ za'ra wa'aba mono wamhã, tãma 're aipahi za'ra wa'aba mono õ di za. Ãne na hã te za tô 're irobzépata za'ra wa'aba mo. Tane nherẽ, 'Re ihâimana u'âsi mono nhib'a'uwẽ oto 're anomro aba mono wa, te za niwapsi hâiwa ãma i'rata 're aihâimana u'âsi za'ra wa'aba mo, rowẽ na. — Ãne te tãma nharĩ za'ra.

Colosu 1:24

Wa hã ai'udâna za'ra wa'aba, te ai'ãma 're robzépata za'ra wa'aba mono nherẽ, wa ĩto sina 're ĩhâimana. Cristuhu ma si, te 're romhuri mono wa, wa tô te 're robzépata za'ẽtẽ tô, ta hã ti'ai ãma 're morĩ ré, dazada te te irobzépata ne. Tane nherẽ, Cristuhu nhib'a'uwẽ norĩ ma, ĩnhimiromhuri na te tãma ãma 're uwaimrami mono da, wa za tô taha na te 're robzépata u'âsi.

2 Timotiu 3:12

Cristu Zezusihi ãma 're dahâimana wẽ za'ra mono da, da te dasima 're wẽ za'ra mono 'ru te, dasi'uihâ na te za tô isazei'wa norĩ ma, da te 're rob'manharĩ wasété za'ra.

1 Pedru 2:21

Cristu hã ma tô robzépata, asada za'ra wa'aba. Ta hã ma tô ãne na aima ãma asanho za'ra wa'wa, isirã zarina si ari'iwi 're robzépata za'ra wa'aba mono da hã. Taha da, ma tô sitẽme asô tihârâ za'ra wa'wa, 'Re ihâimana u'âsi mono hã.