Mateu 16:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã farizeu norĩ hã duré saduseu norĩ hã ma tô Zezusihi u ai'aba'ré, te te tãma 'ru za'ra da, marĩ dama i'manharĩ waihu'u'õ hã te te 'manharĩ da, isõ'a za'ra, 'Re ihâimana u'âsi mono zadawa para di pâ, marĩ hã sena hã te te tô 'manharĩ zô. Ãne ma tô tãma 'ru za'ra, te te siwi pibu da, Zezusi hã.

Mateu 16:1 ပူးပေါင်းရင်းမြစ်များ

Provébiu 26:5

Ihâimana nhimiza'rese'õ nhimirobzanhamri wa'rãmip si ãma sada'âbâ, ti'rãi waihu'u pese na te te sina rosa'rata upa tõ da.

Mateu 12:14

Tawamhã te te pese pari, ma tô farizeu norĩ hã wairé, te te sima ãma roti za'ra da, Zezusihi ãma, da te dasiwi wĩrĩ da, isadawa parab za'ra.

Mateu 15:1

Tawamhã farizeu norĩ hã, duré 'Re ihâimana u'âsi mono nhimiroti na rob'ui'éré na dama rowahutu'wa norĩ hã ma tô ai'aba'ré Zeruzalẽ hawi, Zezusi hã te te siwi ãma sadanharĩ da, zudeu norĩ hi'rata nhimiroti na. Ãne te taha wamhã ãma siwi sadanha:

Mateu 16:6

Tawamhã Zezusi hã ma tô tãma nharĩ za'ra, tisiré 're inomro mono norĩ ma, ãne: — Ma'ãpé 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, duré saduseu norĩ nhimi'manharĩzém nhiti.

Mateu 19:3

Tawamhã farizeu norĩ ni'wam norĩ hã ma tô itẽme aihutu Zezusihi u, te te siwi sadawa pibu da, timreme na te te upai wa, te te siwi mreme wẽ'õ da. Ãne ma tô taha wamhã siwi sadanha: — E aibâ hã te za timro marĩ ipire te te tiwi 're 'manharĩ za'ra mono õ nherẽ, te te 're rẽme za'ra. E wahi'rata norĩ nhimiroti zarina hã, ãne hã.

Mateu 22:15

Tawamhã farizeu norĩ hã ma tô ai'aba'ré Zezusihi nhiti, si'rã'õtõ da, a'â. Si'rã'õtõ wamhã, ma tô sima ãma roti za'ra, Zezusi hã te te siwi pibu da, tinhimirowasu'u na te te tãma ãma upa za'ra zô, te te tãma ãma upa za'ra wa, da te dasiwi wẽ'õ da, duré da te dasiwi âri da.

Mateu 22:18

Tawamhã tinhimirosa'rata wasété zarina te te sima ãma iroti za'ra zé hã ma tô sina waihu'u, Zezusi hã. Tahawa, ma ãne tizadawa na ãma tãma wa'rãmi za'ra: — A norĩ wa'wa hã te asadawa nhipese na 're aihâimana za'ra wa'aba mo. E marĩ da, te ãne na asiwi ĩzadanharĩ 'wa, ĩmreme na te ãma aima upa za'ra wa'aba wa, asiwi ĩwẽ'õ za'ra wa'aba da.

Mateu 22:23

Tawamhã saduseu norĩ hã ma duré itẽme aihutu Zezusihi u, te te siwi sadanharĩ da, tinhimirowasu'u na te te tãma ãma upa za'ra zô. Ta norĩ hã 're dadâ'â za'ra mono wamhã, ab're hawi apâ 're idahâiwa'utu za'ra mono õ na te te dama 're iroti za'ra mono.

Mateu 23:2

— 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã duré farizeu norĩ hã dama pire za'ra di, 'Re ihâimana u'âsi mono nhimiroti zarina Mozési te te ãma irob'ui'érézém na te te dama 're irowasu'u za'ra mono zéb da hã.

Mateu 27:62

Tawamhã oto ãma awẽ wamhã, sasedoti ipire norĩ hã, duré farizeu norĩ hã ma tô Pilatuhu nhorõwa u si'rã'õtõ, sabadu na romhuri zahârizém na.

Mateu 5:20

Ãne wa za duré aima waihu'u za'ra wa'wa. Farizeu norĩ hâimanazém nhipai u, duré 'Re ihâimana u'âsi mono nhimiroti na rob'ui'éré na dama rowahutu'wa norĩ hâimanazém nhipai u, Wamama te te sima 're i'aiwẽ za'ra wa'aba mono zéb zarina si, 're aihâimana wẽ za'ra wa'aba mono wamhã, tawapsi, te za dame 're asisisi aba mo, 'Re ihâimana u'âsi mono, da'ãma 're isib'a'uwẽ mono zéb u hã.

Mateu 9:11

Tawamhã farizeu norĩ hã ãne hã te te 'madâ'â za'ra wamhã, ma tô Zezusihi siré 're inomro mono norĩ hã sadanharĩ za'ra, ãne: — E niha bâ, te asib'apito za'ra wa'wa hã rob'uiprazé arĩ ubumroi'wa norĩ siré tisa, dawasété na 're idahâimana za'ra mono norĩ siré zama.

Marcu 10:2

Tawamhã ni'wam norĩ farizeu hã, timreme na te te tãma ãma upa za'ra wa, te te siwi mreme wẽ'õ da, te ãne siwi sadanha: — Aibâ norĩ hã timro me sima 're siwanhizari za'ra mono wamhã, e wahi'rata norĩ nhimiroti zarina, te za timro hã time, aibâ hã.

Marcu 12:15

Tô sena te te siwi ãma waihu'u za'ra da newa, ma tô siwi sadanha. Ãne na hã senai õ na, ma tô sina waihu'u za'ra, Zezusi hã. Tahawa, te ãne tãma nharĩ za'ra: — E marĩ da, te ãne na asiwi ĩzadanharĩ 'wa, ĩmreme na te ãma aima upa za'ra wa'aba wa, asiwi ĩwẽ'õ za'ra wa'aba da. Tane wamhã, ma'ãpé rob'uiprazé isapotore hã we ĩma 'mai'âri aba asiwi, te 'madâ'â da.

Marcu 12:18

Taha pari, ni'wam norĩ hã ma itẽme aihutu, Zezusihi u, saduseu norĩ hã. Ta norĩ hã 're dadâ'â za'ra mono wamhã, ab're hawi apâ 're idahâiwa'utu za'ra mono õ na te te dama 're iroti za'ra mono. Ta norĩ hã te tãma rowasu'u za'ra, Zezusihi ma, ãne: — Rowahutu'wa, wahi'rada Mozési hã ma tô ãne dama roti: “Aibâ imro ré hã 'ra õ ré, dâ'â wamhã, tizédé'aba mro na te za timro ino hã, ai'uté hã te te 'maipoto da, iwamhã isédé'aba 'ra ne, 're morĩ da.” Ãne wahi'rata nhimiroti na rob'ui'éré hã.

Luca 10:25

Tame ma tô aibâ hã wahudu hâiwi, 'Re ihâimana u'âsi mono nhimiroti na dama rowahutu'wa hã. Zezusi te te iroti na te te pibu da, ma tô ãne 'mahâ: — Rowahutu'wa, e marĩ, wa za te 're ab'manharĩ iwẽ hã, 're ĩhâimana u'âsi mono zéb da hã, te ĩsina uwaimrami da hã, hâiwa ãma.

Luca 11:16

Ihâiba amo norĩ hã te duré wada'uri za'ra, ãne: — Ma'ãpé wanho'a, marĩ dama i'manharĩ waihu'u'õ hã wama 'manharĩ za'ra na, aiwaihu'u pese na, 'Re ihâimana u'âsi mono zadawa para, wa'uburé, dama 're i'anhamra mono na, wa te ãma aiwaihu'u za'ra da.

Luca 20:23

Tazahã ma tô sina waihu'u, Zezusi hã. Tinhimirowasu'u na te te tãma ãma upa za'ra da newa, ma tô ãne siwi sadanharĩ za'ra. Tahawa, te tãma nharĩ za'ra, ãne aibâ norĩ ma:

Luca 20:27

Tawamhã ma we aibâ norĩ hã itẽme aimasa, Zezusihi u. Aibâ norĩ hã, saduseu. Ta norĩ hã 're dadâ'â za'ra mono wamhã, ab're hawi apâ 're idahâiwa'utu za'ra mono õ na, te te dama 're iroti za'ra mono. Zezusihi u simasa wamhã, ma tô tãma rob'rãzarõtõ za'ra, ãne: — Rowahutu'wa, wahi'rada Mozési hã ma tô ãne dama roti: “Aibâ imro ré hã 'ra õ ré, dâ'â wamhã, tizédé'aba mro na, te za timro isisãnawã hã, ai'uté hã te te 'maipoto da, iwa isédé'aba 'ra ne, 're morĩ da.”

Zuwã 8:6

Mozésihi nhimiroti zarina te te dama 'rui õ wa, te te siwi wẽ'õ za'ra da, ma tô ãne siwi ãma sadanha. Tane nherẽ, Zezusi hã asa te te ãma sada'âbâ za'ra õ di. Ti'a zô ma tô aiwẽ'ẽ, tinhiptõmo na te te ãma ui'éré da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:1

Tawamhã Pedru norĩ hã Zuwãhã me, zahadu te te dama rowasu'u zahuré ré, ma tô sasedoti norĩ hã aihutu. 'Re ihâimana u'âsi mono nhorõwa 'ri 'madâ'â'wa norĩ nhib'apito me, saduseu norĩ zama ma tô duré ãhã wamhã aihutu. Saduseu norĩ ta hã apâ dahâiwa'utuzé wasu'u wẽ'õ'wa norĩ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:17

Tawamhã sasedoti tisiré norĩ nhipai u ipire uptabi hã, duré uburé saduseu norĩ me, ma tô ta Zezusihi zadawa wasu'u'wa norĩ hã ãma sõ'ru za'ra. Tawamhã ma tô sima ãma roti za'ra, niha te te tãma rob'manharĩ za'ra da.

1 Corĩtu 1:22

Zudeu norĩ hã marĩ dama i'manharĩ waihu'u'õ hã, 'Re ihâimana u'âsi mono te te 're i'ab'manharĩ mono zéb zô si, te 're sõpré. Duré zudeu'õ norĩ hã uburé marĩ te te 're iwaihu'u pese za'ra mono zéb da si, te sima te te 're wẽ u'âsi za'ra.