Mateu 15:4 - ꞌRe Ihâimana Uꞌâsi Mono Zadawa Wasuꞌu

⁴ Duréihã 'Re ihâimana u'âsi mono hã ma tô ãne dama roti: “Aimama norĩ hã, te za ana me hã 're iwazéb za'ra wa'aba mo.” Ãne isimiroti amo hã duré: “Ni'wam norĩ hã timama nherẽ, duré tina nherẽ, te te ãma 're wasété za'ra mono wamhã, te za da te 're simro.” Ãne isimiroti hã duréihã te 're hâimana.

Mateu 15:4 ပူးပေါင်းရင်းမြစ်များ

Ezodu 20:12

— Aimama hã, duré ana te za 're iwazé pese za'ra wa'aba mo, ti'a te aima isõmri za'ra wa'aba 're, 're aihâimana hâ za'ra wa'aba mono da.

Provébiu 20:20

Ni'wa timama ãma, duré tina ãma te te dama ãma wasété zahuré wamhã, te za ihâimanazé hã tiwi ai'utõ, rob'uiwẽzé hã da te 're simroi mono wa, robra uptabi si oto ihâimana mono ne.

Provébiu 23:22

Aimama hã 're wapari pese mono, õ hã te te tô aipoto wa. Ana zama niwa si'ihi wamhã, 're iwazé mono õ na hã 're aihâimana mono õ di za.

Provébiu 30:17

Ni'wa timama ãma 're wa'ẽi mono wamhã, duré ina si'ihi wa, te te 're wazé mono õ wamhã, te za sipahudu hã siwi ti'rẽ. Niha wamhã, te za duré sitoro corvo na isisi hã siwi tõmo zani.

Mateu 15:3

Tawamhã asa te Zezusi hã tãma nharĩ za'ra, ãne: — E niha bâ bété, a norĩ wa'wa hã 'Re ihâimana u'âsi mono nhimiroti si hã 're 'madâ'â za'ra wa'aba mono õ di, te bété asimiroti na si 'râwimhã 're asi'madâ'â za'ra wa'aba mo.

Mateu 15:5

Tane nherẽ, te aimawi nasi dama 're iroti za'ra wa'aba mo, ãne: “Ãté ni'wa hã te za sima rosa'rata, marĩ hã timama norĩ ma, te te sõmri da, te te ãma pawaptob zahuré da. Tane nherẽ, te za tipẽ'ẽ na sima tinha, ãne: ‘Ã hã 'Re ihâimana u'âsi mono te hã.’ Ãne wamhã, timama norĩ ma, te te sõmri õ di za, te te ãma pawaptob zahuré da hã.” Ãne te dama 're iroti wasété za'ra wa'aba mo. 'Râwi asimiroti na si 're anomro aba mono da, ma tô 'Re ihâimana u'âsi mono nhimiroti hã asiwi 're iwẽ'õ za'ra wa'aba mo.

Mateu 19:19

Duré aimama norĩ hã, ana me te za 're iwazé pese za'ra wa'aba mo. Te za duré uburé 're idazawi pese za'ra wa'aba mo. Marĩ iwẽ zô asima 're asõpré wa'aba mono ne, te za duré uburé dama hã sô 're asõpré wa'aba mo, iwẽ zô.”

Mateu 4:10

Tawamhã Zezusi te asa tãma tinha ãne: — Satanasi, mo oto ĩnhiti aimorĩ. 'Re ihâimana u'âsi mono zadawa 'mahârâ'wa, ma tô ãne rob'ui'éré: “Uburé Danhib'apito uptabi ãma si, te za 're aiwata za'ra wa'aba mo, 'Re ihâimana u'âsi mono ãma si. Taha ma si te za 're iromhuri za'ra wa'aba mo, Asib'apito za'ra wa'aba ma si.” Ãne imreme na rob'ui'éré, ibaihâ na hã. — Ãne te rob'ui'éré 'rada hã tãma 'rãzarõtõ Zezusi hã, Satanasihi ma.

Roma 3:31

Zezusi hã da te dasina 're i'umnhasi za'ra mono zém na si, 'Re ihâimana u'âsi mono hã dawasédé hã te te oto da'ãma 're ab'madâ'â tõ mono da, te te sima da'ãma 're aroti mono wamhã, e tawamhã, 'Re ihâimana u'âsi mono nhimiroti 'rata na rob'ui'éré hã, wama za'ra hã taré hã. E wa te 're 'madâ'â pese za'ra mono õ di za bété. Wa za tô taha zama, wa te 're 'madâ'â pese za'ra, tô sena wa.

Éfézu 6:1

Da'ra norĩ, Wanhib'apito nhimiroti 're iwapari pese za'ra wa'aba mono zarina, te za aimama nhimiroti hã duré ana wa'aba nhimiroti zama hã 're iwapari pese za'ra wa'aba mo.