Tawamhã te oto dama tinha, duiroi wa, dasi'ubumroi mono da. Taha pari, ma tô i'u'ẽtẽ wapu 5 na ihâiba hã oto waibu. Duré pe'a maparane ihâimana zahuré hã ma tô timra. Tawamhã hâiwa u te iré rob'madâ, Timama ãma wata da, sõpru wa. Taha pari, ma tô i'u'ẽtẽ wapu hã te te si'ẽ. Duré ãhã wamhã, tisiré 're inomro mono norĩ ma hã, ma tô tãma sõmri za'ra, te te dama sõmri za'ra mono da.
Mateu 15:36 - ꞌRe Ihâimana Uꞌâsi Mono Zadawa Wasuꞌu36 Taha pari, ma tô duré 7 na i'u'ẽtẽ wapu hã waibu. Duré pe'a zama ma tô timra, 'Re ihâimana u'âsi mono ãma wata da, sõpru wa. Tawamhã ãma wata pari, ma tô i'u'ẽtẽ wapu norĩ hã, pe'a me hã te te si'ẽ. Duré tisiré 're inomro mono norĩ ma, ma tô te te sõmri, te te dama sõmri za'ra mono da hã. အခန်းကိုကြည့်ပါ။ |
Mateu 15:36
14 ပူးပေါင်းရင်းမြစ်များ
I'u'ẽne hã ma duré ti'â. 'Re ihâimana u'âsi mono ãma te duré iré ãma tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, ma tô te te tãma sõmri, tisiré 're inomro mono norĩ ma. Te duré tãma nharĩ za'ra, ãne: — Ã, i'u'ẽne hã huri aba. Ã hã ĩhâiba, te wasu'u, za asada ĩsisõmri aba zé. Ã hã te za 're ihuri aba mo, ĩ'ãma 're asipo're pu'u u'âsi za'ra wa'aba mono zéb da hã.
Tawamhã Zezusi ma tô waibu, i'u'ẽtẽ wapu hã. 'Re ihâimana u'âsi mono ãma te tiwata, sõpru wa. Taha pari, ma tô tisiré 're inomro mono norĩ ma sõmri za'ra, te te dama sõmri za'ra mono da. Pe'a zama ma duré tãma sõmri za'ra, te te dama sõmri za'ra mono da. Tawamhã i'u'ẽtẽ wapu hã umrore nherẽ, da'ãma si'utõrĩ õ di. Pe'a zama maparane nherẽ, duré da'ãma si'utõrĩ õ di. Tahawa, ma tô aihĩni dasa hã huri ni. Ma tô da te 'mahâpãrĩ, da'ãma si'utõrĩ ãna.
Ta norĩ hã nimahã bâdâ hã romhuri'õzé hã dama 're ipire za'ra mono zém na te te si'ãma 're irosa'rata za'ra mono norĩ hã, Wanhib'apito ãma 're wata za'ra mono da, te ãne te te 're 'manharĩ za'ra. Duré ni'wam norĩ hã uburé siwa'ru romnhi te te 're ihuri mono norĩ hã te ãne te te 're 'manharĩ za'ra, Wanhib'apito 'Re ihâimana u'âsi mono ãma 're wata za'ra mono da, dasa na dama 're sõpru mono wa. Duré ni'wam norĩ hã romnhi na dame 're isaihuri mono õ norĩ hã, te ãne duré te te 're 'manharĩ za'ra aiwa, 'Re ihâimana u'âsi mono ãma 're wata za'ra mono da, waihu'u pese wa, duré sõprub uptabi wa.
Ãne, wa za duré aima ãma 'rãsutu za'ra wa'wa, ã ĩnhimirowasu'u na hã. Uburé marĩ hã te za 're i'manharĩ wẽ u'âsi za'ra wa'aba mo, 're asaihuri aba mono wamhã, duré 're âhuri aba mono wamhã, duré marĩ aimawi hã 're 'manharĩ za'ra wa'aba mono wamhã, taha zarina si, 'Re ihâimana u'âsi mono ãma 're dawata za'ra mono da.
A norĩ wa'wa hã asiré 're asi'rã'õtõ aba mono wamhã, ãté te za aipẽ'ẽ na si 'Re ihâimana u'âsi mono ãma 're aiwata za'ra wa'aba mo, damreme dama iwaihu'u'õ na si, tãma 're aimreme zusi aba mono ré. Ãne wamhã, e niha te za aiwapari'wa norĩ hã ãma 're aiwata za'ra wa'aba mono zém na, te te 're ai'uzei pese za'ra wa'wa, aimreme na te te 're asadaihu'u za'ra wa'aba mono õ nherẽ, ta norĩ hã.
Tawamhã 'ri nho'õmo u azasi aba wi, te za isõpẽtẽ 'wa, sa da, sõ'a na zahadu morĩ õ ré, ẽtẽ nhisi u hã. Duré zahadu datẽme wisi õ ré, dasa na da te sãna'rata za'ra õ di. E tihai wa. Imorĩ'rata na za a'â danhimizama zata na 'Re ihâimana u'âsi mono ma, mreme wa. Taha parip si te za tisaihu, sô idahãsi norĩ hã. Tahawa, sa'ẽtẽ anep su'u aba, sõpẽtẽ aba hâ.
ကြော်ငြာတွေ