Mateu 15:29 - ꞌRe Ihâimana Uꞌâsi Mono Zadawa Wasuꞌu

²⁹ Tawamhã ta hawi te oto mo Zezusi hã, Galiléa na isõ'u zapoto nhisi u. Ta hawi te duré sa'a u mo, sa'a nhisi ãma sãmra da.

Mateu 15:29 ပူးပေါင်းရင်းမြစ်များ

Mateu 13:2

Tawamhã da'ahâ uptabi na ma tô itẽme dasito, da te wapari za'ra da. Duré da'ahâ uptabi na da te dasiwi uirĩ wa, ma tô uba're wa dawi ãzé, Zezusi hã. Uba're wa, te oto nhamra. Tawamhã isõ'u zaihâ na te hâiwi dapara na i'ratamhã aimasam ni.

Mateu 4:18

Tawamhã Zezusi hã Galiléa na isõ'u nhisi zaihâi baba 're morĩ wamhã, ma tô aibâ norĩ hã sãmri zahuré, tepe mrami na romhuri'wa norĩ hã, tisisãnawãi me: Sima na isisi hã, Pedru na isisi amo hã. Duré ino hã Ãdré na isisi hã. Isõ'ui wa, te nasi ta norĩ hã abazipara hã wabzuri zahuré, tepe zô.

Mateu 5:1

Tawamhã Zezusi hã da'ahâ uptabi na te te da'madâ'â wamhã, ẽtẽ 'rãihâ na ma tô sai'u, tame a'â sãmra da. Tawamhã isiré 're inomro mono norĩ hã ma tô 'râwi itẽme ubumro.

Marcu 1:16

Tawamhã â zaihâ u ma tô wi, Zezusi hã, Galiléa na isõ'u nhisi u hã. Wisi wamhã, â zababa 're morĩ ré, ma tô tepe mrami na romhuri'wa norĩ hã sõpẽtẽ zahuré. Sima Pedru norĩ, isisãnawã Ãdréhé me. Ta norĩ hã tepe zô, te nasi abazipara hã wabzuri zahuré.

Luca 5:1

Tawamhã Zezusi hã te nhamra, isõ'u zaihâ na, Zenezaré na isõ'u nhisi ãma, 'Re ihâimana u'âsi mono te te dama sadawa wasu'u da. Da'ahâ uptabi na ma tô itẽme hã dasito, da te wapari za'ra da hã.

Zuwã 21:1

Tawamhã Zezusi hã ma tô duré tãma sihâi'ré za'ra, tisiré 're inomro mono norĩ u. Isõ'u zaihâ u ma tô itẽme sihâi'ré za'ra. Tiberiadi na 'ri nho'õmo nhisi 'rata, isõ'u hã te 're hâimana. Ãne duré itẽme isihâi'ré za'ra zé wasu'u hã.

Zuwã 6:1

Tawamhã Zezusi hã ma tô uba're na saprĩ, isõ'õmo na. Galiléa ãma, isõ'u te 're hâimana. Tiberiadi na isõ'õmo nhisi hâiba amo nhisi hã.

Zuwã 6:23

Tawamhã ni'wam norĩ hã ma tô uba're na datẽme saprĩ za'ra, zara u. Tiberiadi hawi ma tô datẽme saprĩ za'ra, 'ri nho'õmo hawi. Wanhib'apito hã 'Re ihâimana u'âsi mono ãma iwatazéb u, ma tô ãma roptob za'ra, dasa hã da te ihurizéb u.

Zozué 12:3

Tawamhã Zodã na romharé nhisi niwĩ bâtâ pusizém niwĩmhã, Galiléa na pu'u nhisi hawi Bete-Zesimote u hã, ma tô Seõ isi'i'rãnho'õmozé hã tihâiba, Â warĩrĩ na pu'u nhisi ãma bâtâ pusizém niwĩmhã, hâiwa nhimire niwĩ, Pisga na ẽtẽ nhisi zahâpâ u.