Mateu 15:23 - ꞌRe Ihâimana Uꞌâsi Mono Zadawa Wasuꞌu

²³ Tawamhã ãne na pi'õ te te 'mahârâ nherẽ, te te sada'âbâ õ di asa, Zezusi hã. Tawamhã isiré 're inomro mono norĩ hã ma tô Zezusihi u itẽme ai'ré za'ra. Taha wamhã, ma tô ãne tãma 'ru za'ra: — Ma'ãpé pi'õ satõrĩ apâ, wahawib za'ra morĩ da. Wazarina te we 're mo. Te we te te duré wa'ab'mahârâ, mreme 'rãihâ na.

Mateu 15:23 ပူးပေါင်းရင်းမြစ်များ

Zenezi 42:7

Tawamhã Zuzé tisisãnawã norĩ te te 'madâ'â za'ra wi, ma tô waihu'u za'ra. Tane nherẽ, te te iwaihu'u za'ra õ ne, te mreme tete na hã sadanharĩ za'ra ãne: — E ma hawimhã bété, a norĩ wa'wa hã. — Cana'ã hawimhã wa norĩ wa we ai'aba'ré ni. Wa tô wasima wẽ za'ra ni, mra wa te 'mai'uipra za'ra da. — Ãne ma tô asa ãma tãma wa'rãmi za'ra, timreme na hã.

Mateu 14:15

Tawamhã hâiwahâ pesere, ma tô isiré 're inomro mono norĩ hã itẽme ubumro, Zezusihi u. Ãne ma tô taha wamhã tãma nharĩ za'ra: — Ma tô tihâiwahâ. Duré ãme a'ubuni wi, wa wahâimana za'ra ni, 'ri nhiti. Tahawa, ma'ãpé dama rob'ru na, 'ri wa'õtõ u dasi'aba'ré da, dasa hã da te dasima uipra za'ra da.

Mateu 15:22

Tame sãmra ré, ma tô pi'õ zudeu'õ hã itẽme wi, cananeu norĩ siré, ta niwĩ 're isãmra mono hã. Itẽme wisi wamhã, ma tô 'mahâ, ãne: — Apito, Dawihi nhihudu, ma'ãpé ĩ'ãma aipẽ'ẽzé na. Ĩ'ra sipi'õ, wa'uburé ré 're hâimana u'âsi mono wa, ma tô te te 're robzépata za'ẽtẽ u'âsi.

Mateu 15:24

Tawamhã Zezusi te tãma nharĩ za'ra, ãne asa: — Pone'ẽrebâ 're isimani za'ra mono norĩ zô si, ma tô we Ĩmama hã ĩzatõ, Izaraéu nhihudu norĩ zô si.