Mateu 15:22 - ꞌRe Ihâimana Uꞌâsi Mono Zadawa Wasuꞌu

²² Tame sãmra ré, ma tô pi'õ zudeu'õ hã itẽme wi, cananeu norĩ siré, ta niwĩ 're isãmra mono hã. Itẽme wisi wamhã, ma tô 'mahâ, ãne: — Apito, Dawihi nhihudu, ma'ãpé ĩ'ãma aipẽ'ẽzé na. Ĩ'ra sipi'õ, wa'uburé ré 're hâimana u'âsi mono wa, ma tô te te 're robzépata za'ẽtẽ u'âsi.

Mateu 15:22 ပူးပေါင်းရင်းမြစ်များ

Salmu 4:1

'Re ihâimana u'âsi mono, ĩ'wawi 're i'aimapa mono, ma'ãpé te ãma i'ai'mahârâzém na we ĩzada'âbâ! Ropire na ĩhâimanazém na, we ĩpawapto na. Duré ĩ'ãma aiwamri wamhã, ma'ãpé ãma aima ĩmremezé hã wapari!

Salmu 45:12

Apito siwẽ, 'ri nho'u Tiru na isisi hawi a'uwẽ hã te za aima tinhoprubzé hã we 'wasa. Tame isimarĩ pese norĩ, te za iwẽsãmri za'ra zéb zô hã te te sina 're ai'madâ'â za'ra.”

Mateu 1:1

à hã rob'ui'éré hã Zezu Cristuhu hi'rata norĩ za'ratazé. Ta hã Dawihi nhihudu, duré Abra'ãhã nhihudu.

Mateu 15:23

Tawamhã ãne na pi'õ te te 'mahârâ nherẽ, te te sada'âbâ õ di asa, Zezusi hã. Tawamhã isiré 're inomro mono norĩ hã ma tô Zezusihi u itẽme ai'ré za'ra. Taha wamhã, ma tô ãne tãma 'ru za'ra: — Ma'ãpé pi'õ satõrĩ apâ, wahawib za'ra morĩ da. Wazarina te we 're mo. Te we te te duré wa'ab'mahârâ, mreme 'rãihâ na.

Mateu 17:15

Tawamhã te Zezusihi ma hã tãma tinha ãne: — Apito, ma'ãpé ĩ'ra ãma aipẽ'ẽzé na. Te 're sitete u'âsi. 'Re sitete u'âsi mono wa, te unhama u hã 're waptã'ã. Duré â u zama hã te 're waptã'ã.

Mateu 4:24

Tawamhã Zezusi te te ida'apesezém na, ma tô rowasu'u hã te te ropé, Siria na danhipti'a nho'õmo nhisi ãma. Tahawa, ma tô itẽme da te 're 'wasari dahâzé mono bâ, uburé aimawi hã dahâzé da te 're isépata za'ra mono norĩ hã, wa'uburé te te 're iwamnarĩ za'ra mono norĩ hã, duré da'rã siwamnarĩ wa, 're idahâiba popo'o za'ra mono norĩ hã, duré imorĩ'õ norĩ hã. Uburé ma tô taha wamhã da'apese, Zezusi hã.

Mateu 9:27

Tawamhã 'ri para hawi watobro wamhã, morĩ ré, ma tô aibâ norĩ hã isarina tineb zahuré, itob'a zahuré hã. Tawamhã te 'mahârâ zahuré, ãne: — Dawihi nhihudu, ma'ãpé wa'ãma aipẽ'ẽzé na.

Luca 17:13

Taha wamhã, tame ma tô sina 'mahârâ za'ra, ãne: — Zezusi, rowahutu'wa, wa'ãma aipẽ'ẽzé za'ra na, wapese za'ra da.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Luca 6:18

Zezusihi mreme hã da te wapari za'ra da, ma tô itẽme dasito. Duré te te da'apese da zama, ma tô itẽme ai'aba'ré ni, duré wa'uburé te te dama anhamra da. Tawamhã ma tô dama anhamra.