Mateu 15:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã Zezusi hã ma tô mo Zenezaré hawi, Tiru na 'ri nho'õmo nhisi niwĩ, duré Sidõ na 'ri nho'õmo nhisi niwĩ.

Mateu 15:21 ပူးပေါင်းရင်းမြစ်များ

Zenezi 49:13

“Zébulõ, â poré zaihâ ãma te za 're sãmra, uba're 're isimizahâri za'ra mono zém niwĩ. Tawamhã duré isipti'a zada'ré, Sidõ na 'ri wa'õtõ nhisi u te za ti'rãsutu.

Mateu 15:20

Ãne uburé dapẽ'ẽ 're, da te 're rosa'rata wasété za'ra mono wapsi, te za dawasédé hã da te 're 'manharĩ za'ra. Tanei õ di, danhimisõi ãna 're dasaihuri mono nherẽ, ãma 're dasiwasété waihu'u za'ra mono õ di za. Mare di.

Zozué 11:8

Tawamhã Uburé Danhib'apito hã ma tô Izaraéu nhihudu norĩ ma sõmri za'ra, te te da'ãma i'ai'uté za'ra zé hã. Tinhitob'ru norĩ te te sahui wamhã, ma tô Sidõ u isarina sisa're, Misrefote-Ma'ĩ na 'ri nho'õmo nhisi u hã, duré bâtâ pusizém niwĩ ẽtẽ nhi'riti romharé ãma Mispa na ẽtẽ siwa'aba wa romharé nhisi u hã. Tame, ma tô duré 'wapé za'ra, te te uburé i'uprosizéb u.

Zuize 1:31

Tawamhã Aséhé nhihudu norĩ, 'rinho'u Aco na isisi ãma 're ihâimana za'ra mono norĩ hã te te siwi wano'õ mono õ di, Sidõ na isisi ãma, Alabe na isisi ãma, Aczibe na isisi ãma, Helba na isisi ãma, duré Afeca na isisi ãma, duré Reobe na isisi ãma hã.