Mateu 15:19 - ꞌRe Ihâimana Uꞌâsi Mono Zadawa Wasuꞌu

¹⁹ Dapẽ'ẽ 're, danhimirosa'rata wasété hawim na si, te za dawasédé hã uburé da te ãma 're 'manharĩ za'ra, dasipãrĩ na hã, duré dasina danhimisaihuri na hã, duré marĩ na danhimisaihuri na hã, duré dazadawa nhipese na hã, duré da te da'ãma 're iwasété za'ra mono na hã.

Mateu 15:19 ပူးပေါင်းရင်းမြစ်များ

Zenezi 6:5

Tawamhã Uburé Danhib'apito, 're idawasété pese uptabi za'ra mono zé ma tô te te 're ab'madâ'â, õne u'â dawasété si da te 're 'manharĩ za'ra mono da, da te dasima ãma 're irosa'rata za'ra mono zé hã.

Zenezi 8:21

Tawamhã Nowéhé nhibzari zadaze, Uburé Danhib'apito te te hãi wamhã, ma tô wẽsã. Tahawa te ãne rosa'rata na hã sima tinha: “Niwamhã ti'ai ma, ãne na te irob'manharĩ na isahu da hã mare di za, iwa 're idahâimana za'ra mono norĩ u'âbâmhã, daprédup tém hawim haré, marĩ iwasété na si da te dasima 're rosa'rata u'âsi za'ra mono nherẽ.

Salmu 119:113

Dahâimana si'ahâ norĩ zada, wa 're ĩnhiti'rui pusi. Tane nherẽ, asimiroti si wa tô te 're sawi pese.

Provébiu 22:15

Ai'uté norĩ iharé na te tô simiza'rese ãna marĩ hã te te 're 'manharĩ za'ra. Tane nherẽ, i'ahâri zarina te za tinhimiza'rese wẽ zé hã te te 're waihu'u za'ra.

Provébiu 24:9

Hâimana nhimiza'rese ãna 're ihâimana za'ra mono norĩ nhimirowa'õno hã ta hã dawasédé. Duré da'ãma 're iwa'ẽi za'ra mono norĩ hã, uburé dama 'ru za'ra di.

Provébiu 4:23

Ma'ãpé marĩ na asimirosa'rata na hã ãma 're pibui pese mono. E marĩ wa. Asimirosa'rada hã aihâimanazé zaprõni'wai wa.

Provébiu 6:14

Simirosa'rata wasété na 're hâimana za'ra mono wa, te õne u'âsi te te sima 're rowa'õtõ za'ra, marĩ te te 're i'manharĩ wasété za'ra mono zéb da hã. Te duré ro'wa'rutuzém na hã ropâ te te dama ãma 're ropé.

Mateu 15:20

Ãne uburé dapẽ'ẽ 're, da te 're rosa'rata wasété za'ra mono wapsi, te za dawasédé hã da te 're 'manharĩ za'ra. Tanei õ di, danhimisõi ãna 're dasaihuri mono nherẽ, ãma 're dasiwasété waihu'u za'ra mono õ di za. Mare di.

Mateu 5:28

Ãne na roti hã tô sena nherẽ, wa za oto wa hã aimawi aima roti za'ra wa'wa, tô õhõ rotizém na hã. Ni'wam norĩ hã pi'õ, titõmo na te te 're 'madâ'â ze za'ra mono wa, te te 're waibui mono da, te te sima ãma 're rosa'rata za'ra mono wamhã, taha na zama te za tiwasédé hã te te 're 'manharĩ za'ra, tinhimirosa'rata na si nherẽ.

Mateu 9:4

Tane nherẽ, ma tô Zezusi hã sina waihu'u, isimirosa'rata za'ra hã. Tahawa, te ãne tãma nharĩ za'ra: — E marĩ da, ma tô ãne ĩ'ãma irosa'rata wasété za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:22

Aiwasété wi aipi'ra na. Wanhib'apito ma, aimreme. Tãma asiwasu'u na asimirosa'rata wasédé hã te te aima pari da.

Roma 7:18

Marĩ iwẽ hã ĩpẽ'ẽ 'remhã ĩma 're hâimana mono õ di. Ãne hã ĩma waihu'u pese di. Uburé marĩ iwẽ si te 're ab'manharĩ mono da, te ĩsima 're awẽ mono nherẽ, te ĩsina 're uwaimrami waihu'u mono õ di, ĩsi'uihâ na hã.