Mateu 15:18 - ꞌRe Ihâimana Uꞌâsi Mono Zadawa Wasuꞌu

¹⁸ Tazahã oto, dapẽ'ẽ hawi da te 're isani za'ra mono na si hã, te za 'râwi ãma 're dasiwasété za'ra.

Mateu 15:18 ပူးပေါင်းရင်းမြစ်များ

Salmu 36:3

Isimirobzanhamrizé hã iwasété na si, duré isadawa nhipese na si. Ta hã simiza'rese wẽ na 're ihâimana mono zé hã ma tô tirẽ. Tahawa, marĩ te te 're i'ab'manharĩ wẽ mono da hã, te te sima 're wẽ mono õ di oto.

Provébiu 10:32

Sena na 're ihâimana za'ra mono norĩ ma hã tãma waihu'u pese di, da te 're iwapari ze za'ra mono zém na, te te dama 're inharĩ za'ra mono zé hã. Tane nherẽ, iwasété norĩ ma hã senai'õ na imreme si duré imreme wasété si tãma waihu'u pese di.

Provébiu 15:2

I'rãi waihu'u wẽ mreme hã da te 're wapari za'ra mono wamhã, te za rowaihu iwẽ hã da te dasima 're wẽ za'ra. Tazahã, isimiza'rese'õ norĩ hã te za siwa'ru timreme wasété na si 're mreme zusi.

Provébiu 15:28

I'uwaibaba na si 're ihâimana za'ra mono norĩ hã te za te te 're dazada'âbâ za'ra mono wana ré, te te sima 're rosa'rata za'ra a'â, waimri na. Tane nherẽ, iwasété norĩ zadawa hawimhã te imreme wasédé hã 're wairébé.

Provébiu 4:23

Ma'ãpé marĩ na asimirosa'rata na hã ãma 're pibui pese mono. E marĩ wa. Asimirosa'rada hã aihâimanazé zaprõni'wai wa.

Provébiu 6:12

Aibâ norĩ taré pese wasété na 're ihâimana za'ra mono norĩ hã te tizadawa nhipese na si te te dama 're rowasu'u za'ra.

Mateu 12:34

A norĩ wa'wa hã te wahi ne 're anomro aba mo. Dapẽ'ẽ 're, da te 're irosa'rata za'ra mono zéb zarina te za 're damreme zusi. Tahawa, aiwasété na 're aihâimana za'ra wa'aba mono wa, marĩ iwẽ na 're aimreme zusi waihu'u aba mono õ di. Aipẽ'ẽ 're, 're irosa'rata wasété za'ra wa'aba mono zéb zarina si, te a norĩ wa'wa hã marĩ iwasété na si hã 're aimreme zusi aba mo.

Mateu 15:11

Uburé marĩ na 're dasaihuri mono wa, dapẽ'ẽ 're, 're isisisi mono na 'râwi dapẽ'ẽ 'remhã 're dasiwasété za'ra mono õ di za. Dapẽ'ẽ hawim na danhimirosa'rata wasété zarina, da te dasima 're nharĩ wasété za'ra mono wapsi, te za 'râwi dapẽ'ẽ 'remhã 're dasiwasété za'ra.

Mateu 15:17

Dasa hã da te 're huri mono wamhã, te za taré danomo 'remhã 're sisisi. Taha pari, te za duré apâ 're wairébé, dahâiba hawimhã rob u.

Marcu 7:20

Ãne ma duré tãma waihu'u za'ra: — Dapẽ'ẽ hawi, da te 're isani za'ra mono na si, te za 'râwi 're dasiwasété za'ra. Dapẽ'ẽ 're, danhimirosa'rata wasété hawim na si, te dawasédé hã uburé da te 're 'manharĩ za'ra, marĩ na danhipsaihuri hã, duré dasipãrĩ hã, duré dasina danhipsaihuri hã, duré danhibrom na da'ruiwapari hã, duré dawasété 'manharĩ hã, duré dazadawa nhipe hã, duré marĩ na danhiminho'ru hã, duré danhisi wasédé hã, duré marĩ na 'râwi dasina dawada hã, duré 'râwi dawasété na 're idasisãmri za'ra mono õ zém na hã.

Luca 19:22

— Tawamhã isib'apito te asa tãma tinha, ãne: “A hã ĩma romhuri wasété 'wa, te 're aimo. Aimreme wẽ õ wa, wa za aimreme hã aima sizusi, aimreme zarina te aiwẽ'õ da. Ĩte na, ma tô u, ĩwaihu, da'ãma ĩpẽ'ẽzé õ na. Wa hã wa za date hã te ĩsima 're apisutu, u, ĩte da. Duré wa za, u, te ĩsima te 're a'rãihâri, ĩte da, danho hã. Ãne ma tô ĩma inha.

1 Samuéu 24:13

Duréihã wahi'rata norĩ te te sima 're inharĩ za'ra mono zé hã ãne: “Iwasété norĩ hawip si rowasété pusizé hã.” Tane nherẽ, wa hã ĩwasédé hã te aima i'manharĩ da hã mare di.