Mateu 15:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã isiré 're inomro mono norĩ, ma tô Zezusihi u hã itẽme ubumro, te te ãma siwi sadanharĩ da, ãne: — E ma tô asina iwaihu'u za'ra. Farizeu norĩ hã ma tô siwi aimreme wẽ'õ pese.

Mateu 15:12 ပူးပေါင်းရင်းမြစ်များ

Mateu 11:6

Ni'wam norĩ hã, wa hã 'Re ihâimana u'âsi mono zadawa para we ĩmorĩ na, 'râwi ĩ'ãma 're siwawã za'ra mono õ wamhã, ta norĩ ma si tãma 're rowẽ uptabi za'ra mono di za.

Mateu 15:11

Uburé marĩ na 're dasaihuri mono wa, dapẽ'ẽ 're, 're isisisi mono na 'râwi dapẽ'ẽ 'remhã 're dasiwasété za'ra mono õ di za. Dapẽ'ẽ hawim na danhimirosa'rata wasété zarina, da te dasima 're nharĩ wasété za'ra mono wapsi, te za 'râwi dapẽ'ẽ 'remhã 're dasiwasété za'ra.

Mateu 15:13

Tawamhã Zezusi hã, ãne ma te asa ãma sada'âbâ za'ra, farizeu norĩ ãma te te iromnhimiré'ézém na hã: — Ĩmama hã hâiwa ãma 're isãmra mono hã rob're te te i'a're'õ si hã te za uburé te te 're aza'o'o.

Mateu 17:27

Tane nherẽ, wawasédé, da te wa'ãma 're sa'ra mono õ'umnhasite, wa za wa'âbâ za'ra ni, ãhã na hã. Ma'ãpé ai'maimorĩ aba isõ'ui u, tepe zô 'maimei wa'aba da. Tawamhã imorĩ'rada 'mai'âri aba wamhã, te za asiwi i'maiwazere waré wa'wa, rob u. Tawamhã isadai'ré 're, te za i'manhopẽtẽ 'wa, rob'uiprazé isapotore hã. Ta hã iwabre za, rowahutuzé 'madâ'âzéb da, te ãma iwa'âbâzéb da hã, duré ãma iwa'âbâ za'ra wa'aba zéb da hã. Tahawa, rob'uiprazé isapotore hã 'mai'âri aba wamhã, te za asiwi i'mai'âri 'wa, rowahutuzé ma, rob'uiprazé arĩ ubumroi'wa norĩ u, ãma wa'âbâ za'ra wa'aba da.

2 Corĩtu 6:3

Wa norĩ hã wa tô 'râwi 're wasi'madâ'â za'ra, 're iwanomro wẽ mono zéb zô, ni'wam norĩ hã wahâimanazém na te te 're wa'madâ'â za'ra mono wa, taha zarina, tiwasété na oto 're si'marõpãrĩ za'ra mono tõ da, Cristuhu wasu'uwẽ hã duré te te siwi 're wẽ'õ za'ra mono tõ da. Wa te dama 're iromhuri za'ra mono zé hã, da te dasiwi 're wẽ'õ za'ra mono tõ da, wa ãne na 'râwi wapẽ'ẽ 'remhã 're wasi'madâ'â za'ra, wa norĩ hã.

Galata 2:5

Tane nherẽ, ta norĩ nhimirosa'rata na hã, wa te ãma saze za'ra õ di. Mare uptabi di. Wa tô wasima wẽ za'ra ni, Zezu Cristuhu wasu'uwẽ uptabi si, aima 're hâimana za'ra wa'aba mono da. Tahawa, ta norĩ nhimirosa'rata na hã wa te ãma saze za'ra õ di.

Tiagu 3:17

Hâiwa hawi dahâimanazém na rowaihu'u ré, 're dahâimana za'ra mono wamhã, te za dawasété ãna 're danomro. Roti wẽ na te za da te 're dapawaptob za'ra, rowẽ na dasiré 're dahâimana za'ra mono da. Duré danhimizawi pese na, te za 're danomro. Duré danhimipari pese na, te za 're danomro. Duré te za da'ãma 're dapẽ'ẽzé za'ra. Te za duré dasina 're dapẽ'ẽzé za'ra. Duré marĩ iwẽ na te za 're dasipawaptob za'ra. Duré danhimizawizé hã da te dama 're ba'a za'ra mono õ di za. Duré dahâimana zadawa nhipese na 're dahâimana za'ra mono õ di za.