Mateu 14:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã ma tô ihâzé ré norĩ hã tiwi waptẽrẽ za'ra, i'uza nhisutu si te te tiwi upi za'ra da. Tawamhã i'uza nhisutu si te te nasi upi za'ra nherẽ, ma tô uburé ihâzé ré norĩ hã, awa'awi tizéptâ'â za'ra.

Mateu 14:36 ပူးပေါင်းရင်းမြစ်များ

Mateu 14:35

Taha wamhã, tamemhã ma tô dasiwi waihu'u ni, Zezusi hã. Tahawa, ma tô Zezusihi wasu'u na ãma dasima da te ropé, 'ri wa'õtõ mono bâ, ti'ai 're dasi'rata 're idahâimana za'ra mono norĩ hã. Tawamhã da'ahâ na ma tô ihâzé ré norĩ hã itẽme 'wasari ni.

Mateu 23:5

Taré da te 're 'madâ'â wẽ za'ra mono da, te marĩ hã te te 're 'manharĩ za'ra, danho'a. Powawẽ hâ 'manharĩ hã 'Re ihâimana u'âsi mono nhimiroti ui'éré na ibaihâ nhemezébre hã isa'ẽtẽ uptabi na si te ãma 're si'uihâ wasisi za'ra, tipaihi wib zama, 're nomro wẽ mono newa, da te 're 'madâ'â wẽ za'ra mono da. Taha da, te duré ti'uza hâpa za'ru pa ré na 're si'uza za'ra.

Marcu 6:56

Daro mono bâ te Zezusi hã datẽme 're mo, 'ri wa'õtõ u zama, duré 'ri nho'õmo u zama, duré re na 'ri isimasa mono u zama. Darob u datẽme 're simasisi mono wi, ma tô ihâzé ré norĩ hã da te tãma 're sa'ra za'ra, 'ri nhi'riti wa, da te dasina 're i'ubumroi mono zéb ãma. Tawamhã ma tô tiwi rowaptẽrẽ za'ra ni, i'uza nhisutu si ihâzé ré norĩ hã te te tiwi 're upi za'ra mono da. Tawamhã i'uza nhisutu si te te tiwi 're upi za'ra mono nherẽ, ma tô 're séptâ'â za'ra, uburé ihâzé ré norĩ hã.

Marcu 8:22

Taha pari, te oto ai'aba'ré Zezusi norĩ hã, Besada u. Tawamhã datẽme sihutu wamhã, aibâ itob'a hã ma tô itẽme dasiwi saprõni ni, Zezusihi u. Tinhib'rata na te te upi da, te te to pese da, te duré tãma 'ru za'ra, siwi isaprõni'wa norĩ hã.

Luca 6:19

Simipese waihu'u pese wa, ma tô dasima wẽ za'ra ni, danhib'rata na da te upi za'ra da, rowẽ na oto 're dasi'ubumroi mono da.

Zuwã 6:37

Ĩmama ma tô da'apisutu, ĩnhib'a'uwẽ si 're danomro mono da. Ta norĩ si te za te te 're ĩzaze za'ra, te te ipisutu za'ra norĩ hã. Te te 're ĩzaze za'ra mono nherẽ, e wa za ĩsiwi te 're awẽ'õ. Mare di. Te ĩsiwi 're awẽ'õ mono õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:16

Zezusi hã tiwaihu'u pese na ma tô ihi'ré hã pese, imreme te te sazei wa. Tahawa, ma tô aptete oto. Tahawa ma tô duré ta hã i'madâ'â za'ra wa'wa. Ma tô duré oto ta hã iwaihu'u za'ra wa'wa. Tô sena ta hã te te sazei wa, morĩ wẽ di oto wanho'a hã.