Mateu 14:2 - ꞌRe Ihâimana Uꞌâsi Mono Zadawa Wasuꞌu

² Iwasu'u te te wapari wamhã, ma tô te te tãma 're iromhuri za'ra mono norĩ ma hã rowasu'u za'ra, ãne, Zezusihi hâiba na hã: — Zuwã Batista te dama 'rui wa, da te ĩwĩrĩ, apâ ihâiwa'udu, ta hã. Tahawa, te tiwaihu'u pese na te te dama 're arob'manharĩ, marĩ dama i'manharĩ waihu'u'õ na hã.

Mateu 14:2 ပူးပေါင်းရင်းမြစ်များ

Mateu 11:11

Tô sena wa aima waihu'u za'ra wa'wa. Uburé iwana 're inomro mono norĩ hã te te siwi ãma wabzu za'ra õ di Zuwã Batista hã, isimiromhuri pire na hã. Tane nherẽ, 'Re ihâimana u'âsi mono te te 're ida'azawi mono zéb zarina te te 're ida'apawapto mono zé hã, hâiba ré, te te waihu'u õ di za, Zuwã Batista hã. Ni'wam norĩ si, 'Re ihâimana u'âsi mono nhib'a'uwẽ norĩ si te za te te sina 're waihu'u za'ra, i'uirĩ na. Tahawa, ta norĩ hã te za pire na 're hâimana za'ra, Zuwã Batistaha nhipai u. Duré ni'wam norĩ hã 'Re ihâimana u'âsi mono nhib'a'uwẽ norĩ hã, tisiré norĩ ma, wapu na 're hâimana za'ra mono nherẽ, te za pire na 're hâimana za'ra, Zuwã Batistaha nhipai u, ta norĩ si i'uirĩ na te te sina 're waihu'u za'ra mono wa za, 'Re ihâimana u'âsi mono te te 're ida'apawapto mono zé hã.

Mateu 16:14

Tawamhã ãne ma te asa ãma sada'âbâ za'ra: — Aiwasu'u hã, ahâ di. A hã, u, Zuwã Batista, apâ aihâiwa'udu. Duré a hã, u, Eliasi apâ we i'aimorĩ. Duré a hã, u, Zeremia. Duré a hã, u, duréihã 'Re ihâimana u'âsi mono zadawa 'mahârâ 'rata 'wa ihâiba amo, apâ aihâiwa'udu.

Mateu 3:1

Tawamhã wahub ahâ na ãma wahu pari, ma tô Zuwã Batista hã mo a'ubuni u, Zudéa ãma, 'Re ihâimana u'âsi mono zadawa wasu'u na te te dama ãma sãna'rata da.

Marcu 6:14

Tawamhã apito Erodi hã ma tô Zezusihi wasu'u hã wapa, iwasu'uwẽ hã daro mono bâ waptã'ã mono wa. Ãne te ni'wam norĩ hã Zezusihi wasu'u na taré te te sima 're romnomri za'ra: — Õ hã, Zuwã Batista apâ ihâiwa'udu. Tahawa, te marĩ hã dama i'manharĩ waihu'u'õ hã te te dama 're ab'manharĩ, tiwaihu'u pese na.

Marcu 8:28

Tawamhã asa ma te ãma sada'âbâ za'ra, ãne: — Aiwasu'u hã, ahâ di. A hã, u, Zuwã Batista, apâ aihâiwa'udu. A hã, u, Eliasi apâ we i'aimorĩ. A hã, u, 'Re ihâimana u'âsi mono zadawa 'mahârâ 'rata 'wa hâiba amo, duréi pese atâ'â nherẽ, apâ aihâiwa'udu.

Luca 9:7

Tawamhã apito Erodi hã, Galiléa ãma da'madâ'â'wa hã ma tô Zezusihi wasu'u hã wapa. Ãne ma tô ni'wam norĩ hã ãma rosa'rata za'ra, Zezusihi ãma hã: — Ãté Zuwã Batista apâ ihâiwa'udu.

Zuwã 10:41

Tame sãmra ré, te da'ahâ na nasi itẽme aihutu ni. Nasi itẽme dasihutu wamhã, ãne te dasima rowasu'u za'ra ni: — Zuwã Batista hã, imreme na da te 're saze za'ra mono da, marĩ dama i'manharĩ waihu'u'õ hã te te dama 're ab'manharĩ mono õ di. Tane nherẽ, tô sena ma tô Zezusi hã te te dama 're wasu'u.