Mateu 14:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã hâiwahâ pesere, ma tô isiré 're inomro mono norĩ hã itẽme ubumro, Zezusihi u. Ãne ma tô taha wamhã tãma nharĩ za'ra: — Ma tô tihâiwahâ. Duré ãme a'ubuni wi, wa wahâimana za'ra ni, 'ri nhiti. Tahawa, ma'ãpé dama rob'ru na, 'ri wa'õtõ u dasi'aba'ré da, dasa hã da te dasima uipra za'ra da.

Mateu 14:15 ပူးပေါင်းရင်းမြစ်များ

Mateu 14:13

Tawamhã Zezusi hã Zuwãhã wasu'u te te wapari wamhã, ma tô danhiti uba're na siwaprosi hã mo, romnhiwasi sãmra da. Tane nherẽ, nimomo romnhiwasi siwaprosi isãmra na iwasu'u da te wapari za'ra wamhã, ma tô darom hawimhã tawairébé ni da'ahâ na, isarina dasi'aba'ré da isõ'rãmi, ti'ai baba.

Mateu 14:14

Tawamhã Zezusi hã uba're hawi watobro wamhã, da'ahâ uptabi na ma tô da'ab'madâ. Te te da'ab'madâ'â wamhã, ma tô da'ãma tipẽ'ẽzé, Zezusi hã. Tahawa, ihâzé ré norĩ tame isi'ubumro norĩ hã ma tô apese.

Mateu 14:16

Tawamhã Zezusi hã te asa tãma nharĩ za'ra, ãne: — Mare di. Dasi'aba'réi õ di za. A norĩ wa'wa hã te za dasa hã dama i'a za'ra wa'wa, dasaihuri da.

Mateu 15:23

Tawamhã ãne na pi'õ te te 'mahârâ nherẽ, te te sada'âbâ õ di asa, Zezusi hã. Tawamhã isiré 're inomro mono norĩ hã ma tô Zezusihi u itẽme ai'ré za'ra. Taha wamhã, ma tô ãne tãma 'ru za'ra: — Ma'ãpé pi'õ satõrĩ apâ, wahawib za'ra morĩ da. Wazarina te we 're mo. Te we te te duré wa'ab'mahârâ, mreme 'rãihâ na.

Marcu 8:3

Mram nherẽ, te dama rob'rui wamhã, te za dasi'marõpãrĩ za'ra bâdâdi na, danhib'uware mono wa, romhâ hawi we idasihutu norĩ hã.

Luca 9:12

Ãne ré, ma tô tihâiwahâ. Tahawa, ma itẽme ubumro, isiré 're inomro mono norĩ hã, 12 na ihâiba za'ra hã, te te tãma nharĩ za'ra da, ãne: — Ãmemhã robaba di, 'ri hã. Õhõta õwamhã romhuture di, 'ri wa'õtõ u hã. Duré, re na 'ri isimasa mono u hã, romhuture di. Ma'ãpé tamomo dazatõrĩ za'ra na, dasa hã da te huri da, danhotõ za'ra da zama tame.