Mateu 14:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Zezusi hã Zuwãhã wasu'u te te wapari wamhã, ma tô danhiti uba're na siwaprosi hã mo, romnhiwasi sãmra da. Tane nherẽ, nimomo romnhiwasi siwaprosi isãmra na iwasu'u da te wapari za'ra wamhã, ma tô darom hawimhã tawairébé ni da'ahâ na, isarina dasi'aba'ré da isõ'rãmi, ti'ai baba.

Mateu 14:13 ပူးပေါင်းရင်းမြစ်များ

Mateu 10:23

Tawamhã nima hã 'ri nho'õmo ãma da te 're ai'ruiwapari za'ra wa'aba mono wa, da te aima 're 'manharĩ wasété za'ra wa'aba mono wamhã, ta hawi te za 're aimani za'ra wa'aba mo, 'ri nho'õmo amoi u 're anomro aba mono da hã. Tô sena wa aima waihu'u za'ra wa'wa. Izaraéu nhihudu norĩ nhipti'ai 're, 'ri wa'õtõ mono bâ asimiromhuri 'rãsutu za'ra wa'aba õ ré, te za we dama sihâi'ré apâ, Dasiré Ipodo hã.

Mateu 12:15

Tawamhã Zezusi hã ma tô sina waihu'u, farizeu norĩ te te sima ãma iroti za'ra zé hã te te siwi wĩrĩ da. Tahawa, ma tô ihawi timorĩ za'ra. Ihawi morĩ za'ra wamhã, da'ahâ na ma tô isarina ai'aba'ré ni. Tawamhã daro mono bâ 're morĩ ré, ma tô uburé dahâzé ré idahâimana za'ra hã da'apese, Zezusi hã.

Mateu 14:12

Tawamhã Zuwãhã siré 're inomro mono norĩ hã ma tô ihâiba zô hã sô ai'aba'ré, te te siwi âri da, duré te te siwi sẽrẽ da, ab're 're. Taha pari, ma tô duré oto ai'aba'ré Zezusihi u, te te tãma rowasu'u za'ra da hã.

Marcu 1:35

Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Luca 4:42

Tawamhã awẽ ma tô watobro, 'ri nho'õmo hawi, a'ubuni u morĩ da, Zezusi hã. Tahawa, ma tô sô danhopré. Da te sõpẽtẽ za'ra wamhã, ma tô ãma ropti za'ra ni, nimomo danhiti morĩ tõ da oto.