Mateu 14:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã apito Erodi Galiléa na danhipti'a nho'õmo nhisi ãma te te 're da'madâ'â mono ré, ma tô Zezusihi wasu'u hã wapa.

Mateu 14:1 ပူးပေါင်းရင်းမြစ်များ

Mateu 13:58

Tawamhã isimipawaptobzém na da te dasina 're umnhasi za'ra mono õ wa, marĩ dama i'manharĩ waihu'u'õ hã ahâ na te te dama 'manharĩ õ di, tamemhã.

Mateu 9:26

Tawamhã iwasu'u hã ma tô te te ropé daro mono bâ, Galiléa 'remhã.

Mateu 9:31

Tane nherẽ, oto neb zahuré wamhã, ma tô tisiwasu'u na te te ropé zahuré ropâ, Zezusi te te ipese zahuré zém na hã.

Marcu 8:15

Tawamhã Zezusi ma ãne tãma waihu'u za'ra: — Ma'ãpé, 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, apito Erodihi me.

Luca 23:15

Erodi hã te te duré sadanharĩ wamhã, marĩ hã te te i'manharĩ wasété zé hã te te duré ãma sãmri õ di. Tahawa, ma tô we apâ watẽme satõrĩ za'ra, marĩ hã ãma hâimana õ wa. Marĩ te te 'manharĩ wasété õ nherẽ, e niha wa za dama ti'ru, da te dasiwi wĩrĩ da. Mare di.

Luca 3:1

Tawamhã 15 na ma tô ãma tiwahu, Tibériuhu ãma, danhib'apito na 're hâimana mono ré, Roma ãma hã. Isadawa para, te Põsiu Pilatu hã te te dama 're roti, Zudéa ãma. Duré Erodi hã te te dama 're roti isadawa para, Galiléa ãma. Duré Erodihi no hã Filipi hã te te dama 're roti, isadawa para, Itureza na danhipti'a nho'õmo nhisi ãma, duré Taraconiti na danhipti'a nho'õmo nhisi ãma. Duré Risãniza hã te te dama 're roti, isadawa para, Abireni na danhipti'a nho'õmo nhisi ãma.

Luca 3:19

Tawamhã apito Erodihi ma, te duré tinha, wasété na 're morĩ wa. Tinoi mro, ma tô ti'â, Erodi hã. Inoi mro nhisi hã, Erodiza na. Ma tô duré tiwasédé hã te te 're ab'manharĩ. Tahawa, te tãma tinha, Zuwã hã.

Luca 8:3

Duré, Zuãna na pi'õ nhisi hã. Cuzaha mro hã, apito Erodihi ma romhuri'wai mro hã. Duré, Suzana na pi'õ nhisi hã. Aimawi norĩ hã te duré isiré 're nomro, pi'õ norĩ hã, ahâ na. Ta norĩ hã tinhimarĩ na, te Zezusi norĩ hã te te 're pawaptob za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:1

Tawamhã apito Erodihi zadawa para ma tô isazei'wa norĩ ma, da te tãma 're rob'manharĩ wasété za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:1

Tawamhã Ãtioquia ãma 'Re ihâimana u'âsi mono zadawa 'mahârâ'wa norĩ hã duré dama rowahutu'wa norĩ hã te 're si'ubumro, isazei'wa norĩ wazari. Ãne isisi norĩ hã: Banabé, duré Simiã, isisi amo na isisi hã Ihâimana 'rã na; duré Luciu, Sireni ãma aré 're isãmra mono hã; duré Saulu, duré Manaé, apito Erodihi siwadi aré, Manaé hã, Erodihi nhorõwa ãma siré prédub zahuré wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:27

— Ãhã na, tô sena Zeruzalẽ ãma ma tô tasi'rã'õtõ ni, aima romhuri wẽ 'wa zada, Zezusihi zada, Danho'reptui'wa da ipisutu zada. Erodi norĩ hã ma tô sitẽme ubumro, Põsiu Pilatuhu me. Ta norĩ hã zudeu'õ norĩ me duré Izaraéu nhihudu norĩ me, ma tô sada si'rã'õtõ, te te siwi wĩrĩ da.