Mateu 13:57 - ꞌRe Ihâimana Uꞌâsi Mono Zadawa Wasuꞌu

⁵⁷ Ãne para, ma tô Zezusi hã dasiwi wẽ'õ ni. Tahawa, te Zezusi hã ãne dama tinha: — 'Re ihâimana u'âsi mono zadawa 'mahârâ'wa norĩ daro mono bâ datẽme 're nomro mono wamhã, isimiroti na wazép sina, te za sô 're datob'uzu za'ra. Isipti'ai 're, 're idahâimana za'ra mono norĩ si hã sô 're datob'uzu za'ra mono õ di za, isipti'ai 're wa, ta norĩ hã. Duré isisãnawã norĩ zama, isõrõwa ãma 're isi'ubumroi mono norĩ hã te te duré siwi 're hâiba wazé mono õ di za.

Mateu 13:57 ပူးပေါင်းရင်းမြစ်များ

Mateu 11:6

Ni'wam norĩ hã, wa hã 'Re ihâimana u'âsi mono zadawa para we ĩmorĩ na, 'râwi ĩ'ãma 're siwawã za'ra mono õ wamhã, ta norĩ ma si tãma 're rowẽ uptabi za'ra mono di za.

Mateu 13:58

Tawamhã isimipawaptobzém na da te dasina 're umnhasi za'ra mono õ wa, marĩ dama i'manharĩ waihu'u'õ hã ahâ na te te dama 'manharĩ õ di, tamemhã.

Marcu 6:1

Tawamhã Zezusi norĩ hã Nazaré u, ma tô apâ ai'aba'ré, Zezusi hã aré 're ihâimana mono zéb u.

Marcu 6:14

Tawamhã apito Erodi hã ma tô Zezusihi wasu'u hã wapa, iwasu'uwẽ hã daro mono bâ waptã'ã mono wa. Ãne te ni'wam norĩ hã Zezusihi wasu'u na taré te te sima 're romnomri za'ra: — Õ hã, Zuwã Batista apâ ihâiwa'udu. Tahawa, te marĩ hã dama i'manharĩ waihu'u'õ hã te te dama 're ab'manharĩ, tiwaihu'u pese na.

Luca 4:24

Te duré tãma nharĩ za'ra, ãne: — 'Re ihâimana u'âsi mono zadawa 'mahârâ'wa norĩ zô hã, 're datob'uzu za'ra mono õ di, isipti'ai ãma wa. Mare di. Sô 're datob'uzu za'ra mono õ di za.

Luca 7:23

Ni'wam norĩ hã, wa hã 'Re ihâimana u'âsi mono zadawa para we ĩmorĩ na, 'râwi ĩ'ãma 're siwawã za'ra mono õ wamhã, ta norĩ ma si tãma 're rowẽ uptabi za'ra mono di za.

Zuwã 4:44

Ta hã ma tô ãne nasi rowasu'u aré: “'Re ihâimana u'âsi mono zadawa 'mahârâ'wa norĩ hã isipti'ai ãma 're isi'ubumroi mono norĩ si, isimiroti na wazép sina sô 're datob'uzu za'ra mono õ di.” Ãne Zezusi hã ma tô sina wasu'u aré, iwana ré. Tahawa, te apâ mo, Galiléa u. Apâ morĩ wamhã, ma tô dasima wẽ za'ra ni, da'rata 're sãmra mono da. E marĩ wa. Ta norĩ hã ma tô aihutu Zeruzalẽ u, Pascowa na datoi wa, dame si'rã'õtõ da. Tame ma tô ãma 'madâ'â za'ra, Zezusi hã tiwaihu'u pese na te te idapawaptobzém na. Tahawa, ma tô sô tatob'uzu za'ra ni, Galiléa ãma 're idasi'ubumroi mono norĩ hã.

Zuwã 6:61

Ta norĩ hã sima si te te rowasu'u za'ra nherẽ, ma tô imreme hã sina waihu'u za'ra, Zezusi hã. Tahawa, te tãma nharĩ za'ra, ãne: — E ĩmreme hã asiwi wẽ'õ za'ra wa'aba wa, te za ĩrẽme za'ra wa'wa.