Mateu 13:53 - ꞌRe Ihâimana Uꞌâsi Mono Zadawa Wasuꞌu53-56 Tawamhã Zezusi hã marĩ nhimiré'é na te te dama arowasu'u pari, ma tô mo, aré 're ihâimana mono zéb u. Tamomo wisi wamhã, te oto dama rowahutu, zudeu norĩ te, rowahutuzéb ãma. Tawamhã isimiroti hã da te wapari za'ra wamhã, ma tô ãma tatob'uzu za'ra ni. Te duré dasima ãma nharĩ za'ra ni, ãne: — Õ hã wede'é'wa na romhuri'wai 'ra. Ina nhisi hã, Maria na. Duré ino norĩ nhisi hã Tiagu na, duré Zuzé na, duré Sima na, duré Zuda na. Ihidiba norĩ hã te duré wa'rata 're hâimana za'ra. E niha ma te bété õhõ si uburé marĩ hã awaihu'u, tiwaihu'u pese na te te dama 're irowasu'u mono zéb da hã, duré marĩ dama i'manharĩ waihu'u'õ te te dama 're i'ab'manharĩ wẽ mono zéb da hã. အခန်းကိုကြည့်ပါ။ |
Mateu 13:53
4 ပူးပေါင်းရင်းမြစ်များ
Tawamhã ãne te duré tãma rowasu'u za'ra, Zezusi hã: — Wa za duré aima ãma romnhimiré'é za'ra wa'wa, ãne. Ãté 'ri tede'wa te za marĩ iwẽ hã te te 're azani, 'ri 're wa'wa ãma 're iromnhimi'wara mono zém hawi, te te dama 're anhomri mono da. E tawamhã marĩ i'ratare si te za te te dama 're azani. Mare di. Marĩ itéb zama te za duré te te dama 're azani, te te dama 're anhomri mono da. Tane duré, ni'wam norĩ hã 'Re ihâimana u'âsi mono nhimiroti waihu'u pese 'wa norĩ hã da'ãma 're isib'a'uwẽ mono zé wasu'u te te waihu'u pese za'ra wamhã, ta norĩ hã te za isimiroti itéb zama te te dama 're waihu'u za'ra, isimiroti 'rata me.
ကြော်ငြာတွေ