Mateu 13:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã Zezusi hã ma tô dawi mo. Dawi morĩ wamhã, ma tô 'ri para u ãzé. Tawamhã isiré 're inomro mono norĩ hã ma tô 'râwi itẽme ubumro, te te siwi sadanharĩ da, ãne: — Ma'ãpé wama waihu'u za'ra na. E marĩ na ma tô wab'ru na hã ãma iromnhimiré. E marĩ te wasu'u.

Mateu 13:36 ပူးပေါင်းရင်းမြစ်များ

Mateu 13:1

Tawamhã tô taha bâtâ na ma tô Zezusi hã watobro 'ri hawi, isõ'ui u morĩ da. Taha wamhã, tame ma tô nhamra, isõ'u zaihâ na, te te dama rowahutu da.

Mateu 13:11

Tawamhã Zezusi hã te asa tãma nharĩ za'ra, ãne: — 'Re ihâimana u'âsi mono hã a norĩ wa'aba ma si, ma tô dama iwaihu'u'õ hã aima waihu'u za'ra wa'wa, da'ãma 're isib'a'uwẽ mono zém na hã, sõ'awimhã te te dama hâi'ré õ nherẽ.

Mateu 13:18

— Ma'ãpé, ĩwapari pese za'ra wa'aba. Ãhã na wa za oto aima waihu'u za'ra wa'wa, amnho potozém na te ãma isimiré'ézé hã waihu'u za'ra wa'aba da.

Mateu 13:25

Tawamhã nimahã na bara na danhotõ mono ré, ma tô isitob'ru hã iburu u mo. Taha wamhã, ta hã ma tô amnho trigu iwẽ wazari wab'ru hã te te a're. Duré te te a're mono parimhã, ma tô apâ mo.

Mateu 14:22

Tawamhã Zezusi hã ma tô tãma 'ru za'ra, tisiré 're inomro mono norĩ ma, uba're wa, sisisi da, iwana zara u isõ'u na te te saprĩ za'ra da, isa'u za'ra te te dama rob'rui pibui pese da, darob u apâ da te ropéi mono da.

Mateu 15:39

Tawamhã Zezusi hã te oto dama rob'ru, apâ dasi'aba'ré da, darob u. Taha pari, ma tô uba're 're ãzé, Madadã na danhipti'a nho'õmo nhisi u te te saprĩ da hã.

Mateu 9:28

Tawamhã 'ri para u ma tô ãzé, Zezusi hã. Sébré wi, ma tô itob'a norĩ hã itẽme aimasisi zahuré. Tawamhã Zezusi hã te sadanharĩ zahuré ãne: — E te asina ĩ'umnhasi 'wa, te ato pese aba da hã. Tawamhã asa ma te ãma tãma wa'rãmi zahuré ãne: — Ĩhe, wa tô wasina ai'umnhasi ni, apito.

Marcu 4:34

Tinhimiromnhimiré'é na si, ma tô te te dama 're rowasu'u. Tisiré 're inomro mono norĩ ma si, ma tô hâiba pisutu za'ra, te te tãma 're awaihu'u pese, sõ'awi.

Marcu 6:45

Taha pari, ma tô Zezusi hã tãma rob'ru za'ra, tisiré 're inomro mono norĩ ma, uba're wa sisisi da, iwana te te saprĩ za'ra da zara u, Besada na 'ri wa'õtõ nhisi u, si'aba'ré da, iwana. Tawamhã Zezusi hã te a'â isa'u tizab za'ra, te te dama rob'ru da, danhorõwa u, da te ropéi mono da.

Marcu 7:17

Tawamhã te te dama rowasu'u pari, te oto ai'aba'ré, 'ri tẽme, tisiré 're inomro mono norĩ me. Tawamhã 'ri tẽme sihutu wapsi, te oto siwi sadanha, isiré 're inomro mono norĩ hã, marĩ na te te dama irowasu'uzém na hã te te tãma waihu'u za'ra da, 'râwi 're idasiwasété za'ra mono zém na hã.

Marcu 8:9

Idasaihuri za'ra norĩ hâiba za'ratazé hã, 4 miu u, ma watobro, ãté. Taha pari, te oto Zezusi hã dama rob'ru, apâ darob u, da te ropéi mono da.