Mateu 13:34 - ꞌRe Ihâimana Uꞌâsi Mono Zadawa Wasuꞌu

³⁴ Marĩ na te te dama ãma 're romnhimiré'é mono nherẽ, te te dama ãma 're arowasu'u mono õ di, Zezusi hã. Romnhimiré'é na si ma tô te te dama ãma 're rowasu'u.

Mateu 13:34 ပူးပေါင်းရင်းမြစ်များ

Mateu 13:13

Ĩnhimiromhuri hã datõmo na da te 're 'madâ'â za'ra mono nherẽ, te taré da te 're 'madâ'â za'ra, da te ãma 're waihu'u za'ra mono ãna. Duré ĩnhimiroti hã dapo're na da te 're wapari za'ra mono nherẽ, te taré da te 're wapari za'ra, da te ãma 're waihu'u za'ra mono ãna. Tahawa, wa romnhimiré'é na si te dama 're rowasu'u.

Mateu 13:3

Tahawa, te Zezusi hã tinhimiromnhimiré'é na dama rowahutu, ãne: — Aibâ hã ma tô buru u mo, ti'ai hâibâdâ wa, amnho hã te te anhamra mono da, poto mono da.

Zuwã 10:6

Tane nherẽ, marĩ te te iwasu'uzém na hã da te waihu'u za'ra õ di.

Zuwã 16:25

— Ãhã na sõ'awi, Ĩmama hã te aima wasu'u za'ra wa'aba õ di. Romnhimiré'é na si wa tô te aima 're rowasu'u za'ra wa'wa. Niwapsi, wa za sõ'awi te aima 're rowasu'u za'ra wa'wa, romnhimiré'é ãna.

Zuwã 16:29

Tahawa, te tãma nharĩ za'ra, ãne: — Sõ'awi ma tô oto wama asiwasu'u za'ra, romnhimiré'é ãna. Wanhimirosa'rata za'ra hã ma tô asina iwaihu'u siro. Tahawa, wa te wasiwi asadanharĩ da, asina wazô asimipari õ di. Ãne wama waihu'u pese za'ra di oto. Tahawa, wa tô asaze za'ra ni, tô sena 'Re ihâimana u'âsi mono hawi we aimorĩ na.