Mateu 13:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã Zezusi hã ma tô duré ãne na tãma ãma romnhimiré'é za'ra, isiré 're inomro mono norĩ ma: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Pi'õ hã te za i'u'ẽtẽ wapu duptobzé hã suru na sa'wa, trigu 'rã zu pese wazari, trigu zub'a si, sa'ẽtẽ uptabi wa. Tawamhã te te wazari pese wamhã, te za tidupto, i'u'ẽne hã. Duré te te mapu wamhã, te za oto tiza'ẽtẽ. Ãhã sine duré, 'Re ihâimana u'âsi mono, da'ãma 're isib'a'uwẽ mono zé hã.

Mateu 13:33 ပူးပေါင်းရင်းမြစ်များ

Zenezi 18:6

Tawamhã Abra'ãhã ma tô si'aba'ré na 'ri para u hã ãzé, Saraha tẽme. Sébré wamhã, ma tô ãne tãma tinha: — Ma'ãpé, ai'aba'ré na 10 kilu na ipire pibuzém na trigu 'mai'âri, i'u'ẽtẽ wapu waptu na 'ma'manharĩ da.

Provébiu 4:18

I'uwaibaba na si 're inomro mono norĩ nhibâdâdi hã te tãma 're hâimana za'ra, bâtâ ro te te 're irowapré mono wim ne, te te 're irowa'a pese mono zéb u hã.

Mateu 13:24

Tawamhã Zezusi hã ma tô duré tãma ãma romnhimiré'é za'ra, ãne: — 'Re ihâimana u'âsi mono, da'ãma 're isib'a'uwẽ mono zém na hã, wa za oto aima ãma romnhimiré'é za'ra wa'wa, ãne. Aibâ hã ma tô tiburu na amnho iwẽ hã te te a're, tãma 'rã da.

Marcu 13:20

'Re ihâimana u'âsi mono hã ma tô sima pisutu, bâdâ hã za da te 're irobzépata za'ra mono zéb da hã, te te dama wãtari da, rowasété ré da'ãma romhâimana pahâ tõ da. Ãne hã te te sima pisutu õ 'wa'âhã, te aré uburé dasi'utõrĩ pese, za da'ãma irob'rãsutuzém na hã. 'Re ihâimana u'âsi mono hã ãma 're sib'a'uwẽ za'ra mono da, te te sima 're i'apisutu mono norĩ zawi te, te za ãne hã 'manha.

Luca 13:21

I'u'ẽtẽ wapuzém na, wa za ãma simiré'é. Pi'õ hã te za i'u'ẽtẽ wapuzé hã suru na sa'wa, trigu 'rã zu pese wazari. Trigu zup si, sa'ẽtẽ uptabi di. Tawamhã te te wazari pese wamhã, te za tidupto, i'u'ẽne hã. Sa'ẽtẽ uptabi di za oto. Ãne duré, 'Re ihâimana u'âsi mono, da'ãma 're isib'a'uwẽ mono zé hã.

Zuwã 15:2

Uwa 'ru panhipti sisa'ridi hã wẽ õ di, 're i'rã za'ra mono õ hã. Tahawa, uwa 'ru 'madâ'â'wa hã te za ipanhipti hã te te 're anhihâri i'rãi'õ hã, te te 're anhamra mono da. Tane te za Ĩmama hã ĩzazei'õ'wa norĩ hã te te 're azatõrĩ, ĩnhiti 're hâimana za'ra mono da. Uwa 'ru panhipti sisa'riti amo hã wẽ di, 're 'rã za'ra mono wa, ta norĩ hã. Tahawa, wa za 're i'rã za'ra mono na simiré'é, ĩzazei'wa norĩ ãma 're nomro wẽ mono wa. I'wanhipré te te 're i'anhihâri mono hã, wa za ãma simiré'é, ĩzazei'wa norĩ te te 're i'manharĩ wasété za'ra mono zém na. 'Re i'rã za'ra mono hã ipanhipti wãi wa, i'wanhipré ahâ wamhã, te za misi si te te 're anhihâri i'madâ'â'wa hã, 're 'rãi pese za'ra mono da. Tane te za Ĩmama hã ĩzazei'wa norĩ wi iwasédé hã te te 're anhihâri, 're nomro wẽ uptabi mono da oto.

Galata 5:9

I'rada hã wa za aima sadawa wahutu za'ra wa'wa, ãne: “I'u'ẽtẽ wapuzé hã surure na da te ahiri nherẽ, te za ãma timapu, i'u'ẽtẽ wapu hã.” Tane duré aimawi na, da te dama 're rowasu'u za'ra mono wamhã, te za da te ãma 're ropé, rowasu'u senai'õ na hã.

Filipu 1:6

Ta hã te te asõ'reptu za'ra wa'aba zém na, iwẽ na te te ai'ãma isãna'rata za'ra wa'aba zéb zarina, te za te te 're aipawaptob u'âsi za'ra wa'wa õne u'â, ti'ai u apâ we imorĩzéb u, Cristu Zezusi hã. Taha õ ré, te te aiwi sazâri waihu'u za'ra wa'aba õ di za, te te 're aipawaptob za'ra wa'aba mono zé hã. Iwẽ si te za tô te te aima 're 'manharĩ u'âsi za'ra wa'wa, ãma 're anomro wẽ u'âsi aba mono da. Ãne wa tô ai'ãma waihu'u za'ra wa'wa, tô sena na.

Filipu 1:9

'Re ihâimana u'âsi mono ma, wa duré ai'ãma 're ĩmreme u'âsi za'ra wa'wa, te te 're aipawaptob u'âsi za'ra wa'aba mono da, 're idazawi za'ra wa'aba mono zé hã aima 're sa'ẽtẽ u'âsi za'ra wa'aba mono da, duré 'Re ihâimana u'âsi mono nhimirowaihu hã 're waihu'u pese za'ra wa'aba mono da. Duré uburé marĩ hã iwẽ na ãma 're waihu'u za'ra wa'aba mono da, wa ai'ãma 're ĩmreme u'âsi za'ra wa'wa, duré iwasété na ãma 're waihu'u za'ra wa'aba mono da, asiwi 're wẽ'õ za'ra wa'aba mono da.

2 Pedru 3:18

Ma'ãpé, 're aihâimana wẽ u'âsi za'ra wa'aba mono, aihâimana wẽ hã asima 're sa'ẽtẽ za'ra wa'aba mono da, Wanhib'apito Zezu Cristu te te 're iwa'apawapto mono zém na. Duré Wanho'reptui'wa Zezu Cristuhu ãma rowaihu hã, te za asima 're isa'ẽtẽ za'ra wa'aba mo. Ta hã Wanho'reptui'wai wa, wa za ãma 're wawata u'âsi za'ra. Tane tô.

Zuize 6:19

Tawamhã Gidiã 'ripara u sébré wamhã, ma tô pone'ẽrebâ zéré uzé 'ra na dasa hã 'manha. Ma tô duré i'u'ẽtẽ wapu duptoi'õ na 'manha, 10 kilu na trigu zub'a na hã. Taha pari dasa te te i'manharĩ hã, ma tô si'õtõ 're tisẽ. Ma tô duré iwa'ui ré hã piza'a 'remhã tisẽ. Tawamhã dasai ré te te oto âri wamhã, ma tô Uburé Danhib'apito ma Romhuri'wa, carvariu zahâpâ isãmra ma tãma tisõ oto.

1 Samuéu 1:24

Tawamhã tina hâ te te rẽme parip si, te oto Ãna hã subza ti'ra hã, Silo u hã. Duré powawẽ iba'õmo zapu si'ubdatõ na ãma iwahub zama ma tô siré saprõ. Duré trigu zub'a ré zama ma tô siré ti'â, 10 na ipire pibuzém na. Tawamhã ub'rẽ romhâ 'manharĩ na uwa 'rãi wa'u isé ré i'masi hã ma tô duré siré ti'â. Tawamhã Samuéu ina te te saprõni wamhã, Uburé Danhib'apito nhorõwa u hã zahadu re di.