Mateu 12:7 - ꞌRe Ihâimana Uꞌâsi Mono Zadawa Wasuꞌu

⁷ Duréihã 'Re ihâimana u'âsi mono zadawa 'mahârâ'wa hã ma tô ãne na rob'ui'éré ibaihâ na hã, 'Re ihâimana u'âsi mono mreme na: “Asimizama hã ĩma 're izata za'ra wa'aba mono zô, 're ĩnhimipari mono õ di oto. Asimizawi pese zarina da'ãma 're aiwamri za'ra wa'aba mono da si, wa ĩsima te 're aiwẽ za'ra wa'wa oto.” Ãne hã ãma waihu'u za'ra wa'aba wamhã, aré iwasédé hã ãma sa'ra wa'aba õ di, ĩsiré 're inomro mono norĩ ãma hã, marĩ iwasédé hã te te 'manharĩ za'ra õ wa, ã bâtâ na ta norĩ hã.

Mateu 12:7 ပူးပေါင်းရင်းမြစ်များ

Salmu 94:21

Sena na 're ihâimana za'ra mono norĩ zada, te ta norĩ hã tinhimirowa'õno te te sima 're 'manharĩ za'ra. Te duré iharé na si 're ihâimana za'ra mono norĩ ma, te te tãma 're rowairébé za'ra, 're dâ'â za'ra mono da hã, ibâi õ nherẽ.

Provébiu 17:15

Uburé Danhib'apito ma hã maparane tãma iwẽ'õ pe hã te 're hâimana zahuré: Iwẽ norĩ ãma iwasédé hã, da te ãma 're isa'ra mono hã wẽ nherẽ, duré iwasété norĩ marĩ na te te 're upa za'ra mono nherẽ, wẽ na da te 're iwasu'u za'ra mono, marĩ 'manharĩ'õ'wa na.

Mateu 22:29

Tawamhã Zezusi hã asa te tãma nharĩ za'ra, ãne: — Ab're hawi apâ 're idahâiwa'utu za'ra mono zé wasu'u na, 'Re ihâimana u'âsi mono nhimiroti 'rata na rob'ui'éré hã aima iwaihu'u za'ra wa'aba õ zarina, ma tô ãma i'upa za'ra wa'wa, asimirosa'rata aba na hã. 'Re ihâimana u'âsi mono, tiwaihu'u pese na te te 're ida'ahâiwa'utu mono zé wasu'u na zama, aima iwaihu'u za'ra wa'aba õ zarina, ma tô asimirosa'rata na ãma i'upa za'ra wa'wa.

Mateu 9:13

Duréihã ma tô 'Re ihâimana u'âsi mono zadawa 'mahârâ'wa hã ãne na rob'ui'éré, 'Re ihâimana u'âsi mono mreme na: “Asimizama hã ĩma 're izata za'ra wa'aba mono zô hã, sô 're ĩnhimipari mono õ di oto. Asimizawi pese zarina, da'ãma 're aiwamri za'ra wa'aba mono da si, wa ĩsima te 're aiwẽ za'ra wa'wa oto.” Ãne duréihã 'Re ihâimana u'âsi mono mreme na rob'ui'éré hã sô sabu za'ra wa'aba ibaihâ hã, waihu'u pese za'ra wa'aba da. Dawẽ na 're idanomro mono norĩ zô ĩsitẽme sô 're ĩhârâ za'ra mono da, we ĩmorĩ õ di. Dawasété na 're idanomro mono norĩ zô si ĩsitẽme sô 're ĩhârâ za'ra mono da si, wa tô wei mo.

Marcu 12:33

Tahawa, wa za tô wa te 're sawi pese za'ra, 'Re ihâimana u'âsi mono hã. Taha zarina, wa za isimiroti na wa te ãma 're rosa'rata u'âsi za'ra. Wa za duré wanhimi'ẽ na wa te tãma 're romhuri u'âsi za'ra. Wa za duré wa te 're dazawi pese za'ra. Marĩ iwẽ zô wasima 're iwanhopré mono ne, wa za uburé dama zama sô 're wanhopré, iwẽ zô. Wa norĩ hã wa za wanhimizama hã duré wanhimarĩ hã wa te tãma 're sõmri za'ra, 'Re ihâimana u'âsi mono ma, da te tãma 're zata za'ra mono da, izatazém na. Ãne wamhã, tãma wẽ di, 'Re ihâimana u'âsi mono ma. Tane nherẽ, maparane isimiroti hã ipire uptabi hã wa te 're 'madâ'â pese za'ra mono wamhã, tãma wẽ uptabi di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:27

Zeruzalẽ ãma 're isi'ubumroi mono hã, duré tame dama ipire norĩ zama, Zezusi hã Danho'reptui'wa na te te waihu'u za'ra õ di. Sabadu sidâpâsi, 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã da te dasima 're sõré za'ra mono nherẽ, iwasu'u hã te te waihu'u za'ra õ di, ta norĩ hã. Tahawa, Zezusi hã dâ'â da, te te siwi ãma roti wamhã, te te waihu'u za'ra ãna, ma tô 'Re ihâimana u'âsi mono zadawa 'mahârâ 'rata 'wa norĩ nhimirowasu'u hã siwi ãma uwaimra, si'uihâ na.

Tiagu 5:6

Ni'wam norĩ hã marĩ hã te te 're 'manharĩ wasété za'ra mono õ nherẽ, ma tô a norĩ wa'wa hã taré dama 're i'ru za'ra wa'aba mo, da te 're simroi mono da. Ta norĩ ma, waihu'u za'ra õ di, 're isisõ'reptu za'ra mono zéb da hã.

Zozué 5:5

Ezitu hawi uburé aibâ norĩ iwairébé hã, sihâiwata nhihâri ré si ma tô tihâimana za'ra. Tane nherẽ, a'ubuni wi, supara 'ré si 're irosa'wari mono na dasi'aba'réi ré ipoto za'ra norĩ hã, da te tãma 'manharĩ za'ra õ di, isihâiwata nhihâri za'ra zé hã.

1 Samuéu 15:22

Tawamhã Samuéu ma duré ãma tãma wa'rã ãne: — E ma hã tawamhã tãma iwẽ, Wanhib'apito 'Re ihâimana u'âsi mono ma hã. E dapo're pe. E abaze da te tãma 're izata za'ra mono na tãma danhoprubzé. 'Re ihâimana u'âsi mono, da te 're iwapari pese za'ra mono zé hã iwẽ uptabi, pone'ẽrebâ zéré mapure si'aibâ iwẽ na tãma 're idanhoprub za'ra mono zém nhipai u.