Mateu 12:49 - ꞌRe Ihâimana Uꞌâsi Mono Zadawa Wasuꞌu

⁴⁹ Tawamhã tinhiptõmo na tisiré 're inomro mono norĩ hã te te wasu'u za'ra sina, te duré dama tinha, ãne: — Ãhãta, ĩna. Duré ãhãta ĩsisãnawã norĩ.

Mateu 12:49 ပူးပေါင်းရင်းမြစ်များ

Mateu 12:48

Tawamhã Zezusi hã te ãne ãma da'mazadanha: — E 'wa hã ĩna. Duré e 'wam norĩ hã ĩno norĩ.

Mateu 12:50

Ni'wam norĩ hã Ĩmama, hâiwa ãma 're isãmra mono te te sima 're iwẽ za'ra mono zéb zarina, te te tãma ãma 're i'uwaimrami za'ra mono norĩ si, te za ĩsisãnawã na hã, duré ĩna na hã 're hâimana za'ra.

Mateu 28:7

Taha parip si, te za sa'ẽtẽ ane wa'wa za, isiré 're inomro mono norĩ ma, wasu'u wa'aba da. Ãne te za tãma iwasu'u za'ra wa'wa za: “Ma tô hâiwa'udu. Galiléa u ma tô duré asõwab za'ra wa'aba hã mo. Tamep si te za asiwi i'madâ'â 'wa za.” Ãne na ĩmreme na hã ãma aipo're simrami aba tõ za. Tô'ã!

Marcu 3:34

Tawamhã siwi i'uirĩ'wa norĩ 'madâ'â sina, te ãne tinha: — Ãhãta ĩna. Ãhãta ĩno norĩ. Ãhãta ĩhidiba norĩ.

Zuwã 17:20

— Ĩmama, 're wasisawi pese mono wa, wa tô wanhimirosa'rata na 're wasisazei pese u'âsi. Ma'ãpé, uburé ĩzazei'wa norĩ hã 're apawaptob u'âsi mono, wasine 're sisawi pese za'ra mono wa, tinhimirosa'rata na 're sisazei pese za'ra mono da. Ã norĩ si 're pawaptob za'ra mono õ di za. Ã norĩ nhimirowasu'u zarina, za te te 're ĩzaze za'ra mono norĩ zama te za 're i'apawaptob u'âsi mo. Tawamhã wasine 're sisawi pese za'ra mono wa, te za duré tinhimirosa'rata na 're sisazei pese za'ra. Ãne wamhã, tô sena datẽme we ĩzatõrĩ na, te za da te 're ĩzaze za'ra.