Mateu 12:38 - ꞌRe Ihâimana Uꞌâsi Mono Zadawa Wasuꞌu

³⁸ Tawamhã farizeu norĩ, 'Re ihâimana u'âsi mono nhimiroti na rob'ui'éré na dama rowahutu'wa norĩ me, ma tô Zezusihi ma, nharĩ za'ra, ãne: — Rowahutu'wa, wa wasima wẽ za'ra ni, marĩ dama i'manharĩ waihu'u'õ hã aiwaihu'u pese na wanho'a za'ra 'manharĩ da, wa te wasiwi 'madâ'â da, 'Re ihâimana u'âsi mono zadawa para dama 're i'ab'manharĩ mono na, sena na hã wa te ãma aiwaihu'u za'ra da.

Mateu 12:38 ပူးပေါင်းရင်းမြစ်များ

Mateu 12:37

Tahawa, ti'ab ré uburé marĩ na 're i'aimreme zusi aba mono zéb zarina, te za 'Re ihâimana u'âsi mono hã aima rowairébé za'ra wa'wa, za da'ãma isipo'ozéb ãma hã. Ti'ab ré, marĩ iwẽ na 're i'aimreme zusi aba mono zéb zarina si, te za aiwẽsãmri za'ra wa'wa. Duré, marĩ iwasété na 're i'aimreme zusi aba mono zéb zarina si, te za siwi aiwẽ'õ za'ra wa'wa, 'Re ihâimana u'âsi mono hã. — Ãne ma tô Zezusi hã tãma waihu'u siromo za'ra, farizeu norĩ ma.

Luca 11:16

Ihâiba amo norĩ hã te duré wada'uri za'ra, ãne: — Ma'ãpé wanho'a, marĩ dama i'manharĩ waihu'u'õ hã wama 'manharĩ za'ra na, aiwaihu'u pese na, 'Re ihâimana u'âsi mono zadawa para, wa'uburé, dama 're i'anhamra mono na, wa te ãma aiwaihu'u za'ra da.

Luca 11:29

Tawamhã Zezusihi tẽme ma oto dasina tahâ'â ni. Tahawa, te dama tinha, ãne: — E niha ã nimosi hã aipoto tém norĩ i'aihâimana wasété za'ra wa'wa. Ma tô ĩma i'ru za'ra wa'wa, marĩ dama i'manharĩ waihu'u'õ hã te 'manharĩ da, asõ'a za'ra wa'aba, ĩwaihu'u pese na, 'Re ihâimana u'âsi mono te te ĩwẽsãmri na, ĩwaihu'u za'ra wa'aba da. Tahawa, taré 'madâ'â za'ra wa'aba da, niha hã marĩ te 'manharĩ õ di za. 'Re ihâimana u'âsi mono hã, tiwaihu'u pese na niha Zonahã ma, te te i'manharĩ wẽ ne, te za niwapsi 'manha, dama i'manharĩ waihu'u'õ hã. Duréihã, Zonahã ma, te te 'manharĩ wẽ wamhã, isadawa para datẽme imorĩ na, ma tô waihu'u za'ra, Niniwé ãma 're idasi'ubumroi mono norĩ hã. Tane, wa hã ti'ai ãma dasiré ĩpoto ma, te za niha ĩma 'manharĩ wẽ, isadawa para atẽme ĩmorĩ aba na, ĩwaihu'u za'ra wa'aba da.

Zuwã 2:18

Tahawa, te dama ipire norĩ hã tãma nharĩ za'ra, ãne: — E 'wa sadawa para, ma tô idazate mo, rob u. 'Re ihâimana u'âsi mono zadawa para, sate mono wamhã, e marĩ te za i'manha, dama i'manharĩ waihu'u'õ hã wa te ãma aiwaihu'u za'ra da.

Zuwã 4:48

Tawamhã Zezusi te asa tãma tinha, ãne: — E niha te za marĩ dama i'manharĩ waihu'u'õ hã te dama 're i'ab'manharĩ mono zéb zarina si 're ĩzaze za'ra wa'aba mo.

Zuwã 6:30

Tawamhã te asa tãma nharĩ za'ra ni, ãne: — Wahi'rata norĩ hã a'ubuni wi 're nomro mono ré, ma tô te te 're huri mana na dasa nhisi hã. Ãne ma tô daza'u ãma rob'ui'éré ibaihâ na, 'Re ihâimana u'âsi mono zadawa 'mahârâ'wa hã: “Ma tô te te dama 're anhomri, hâiwa hawi dasazé hã.” A hã bété. E marĩ te za wanho'a duré wama i'manha, dama i'manharĩ waihu'u'õ hã, wa te ãma aiwaihu'u pese za'ra wa, wa te asaze za'ra da.

1 Corĩtu 1:22

Zudeu norĩ hã marĩ dama i'manharĩ waihu'u'õ hã, 'Re ihâimana u'âsi mono te te 're i'ab'manharĩ mono zéb zô si, te 're sõpré. Duré zudeu'õ norĩ hã uburé marĩ te te 're iwaihu'u pese za'ra mono zéb da si, te sima te te 're wẽ u'âsi za'ra.