Mateu 12:34 - ꞌRe Ihâimana Uꞌâsi Mono Zadawa Wasuꞌu

³⁴ A norĩ wa'wa hã te wahi ne 're anomro aba mo. Dapẽ'ẽ 're, da te 're irosa'rata za'ra mono zéb zarina te za 're damreme zusi. Tahawa, aiwasété na 're aihâimana za'ra wa'aba mono wa, marĩ iwẽ na 're aimreme zusi waihu'u aba mono õ di. Aipẽ'ẽ 're, 're irosa'rata wasété za'ra wa'aba mono zéb zarina si, te a norĩ wa'wa hã marĩ iwasété na si hã 're aimreme zusi aba mo.

Mateu 12:34 ပူးပေါင်းရင်းမြစ်များ

Salmu 53:1

Isimiza'rese'õ norĩ te 'râwi tipẽ'ẽ na te te sima 're nharĩ u'âsi za'ra, ãne: “'Re ihâimana u'âsi mono, ĩma hã 're hâimana mono õ di.” Ta norĩ hã te iwasété si 're hâimana za'ra. Tahawa, te marĩ iwasété uptabi si te te duré 're 'manharĩ za'ra. Ni'wa hã iwẽ si te te 're i'manharĩ mono hã ihâimana waihu'u õ.

Provébiu 16:23

'Rãi waihu'u wẽ na 're ihâimana za'ra mono norĩ hã te te 're nharĩ za'ra mono wana ré, te za te te sima 're rosa'rata pese za'ra a'â, waimri na. Tahawa te te dama 're i'awaihu'u mono zém na hã te za da te ãma 're saze su'u.

Provébiu 4:23

Ma'ãpé marĩ na asimirosa'rata na hã ãma 're pibui pese mono. E marĩ wa. Asimirosa'rada hã aihâimanazé zaprõni'wai wa.

Mateu 12:35

Ni'wa hã 're morĩ wẽ wamhã, tipẽ'ẽ 're tinhimirosa'rata wẽ hawim na te za 're mreme wẽ u'âsi. Duré ni'wa hã 're morĩ wasété wamhã, tinhimirosa'rata wasété hawim na te za duré 're mreme wasété u'âsi.

Mateu 15:18

Tazahã oto, dapẽ'ẽ hawi da te 're isani za'ra mono na si hã, te za 'râwi ãma 're dasiwasété za'ra.

Mateu 23:33

Farizeu norĩ, a norĩ wa'wa hã wahi nhipãrĩ pese ne, te tô 're anomro aba mo. E ropipa u, 'Re ihâimana u'âsi mono te te 're asatõrĩ za'ra wa'aba mono wa isimihâzé wi, tiwi 're aiwairébé aba mono da bâ.

Mateu 3:7

Tawamhã Zuwã, farizeu norĩ, saduseu norĩ me ahâ uptabi na hã ma tô 'madâ'â za'ra, itẽme isi'aba'ré, â dawabzuri te te dame 'manharĩ za'ra da. Tawamhã Zuwã, te te 'madâ'â za'ra wamhã, te ta norĩ ma nharĩ za'ra ãne: — A norĩ wa'wa hã wahi ne te 're anomro aba mo. E 'wa simiroti zarina, te we ĩtẽme ai'aba'réi wa'wa bété, â dawabzuri si i'manharĩ za'ra wa'aba zém na, 'Re ihâimana u'âsi mono nhimihâzé wi, asisõ'reptu za'ra wa'aba da hã, aiwasédé rẽme za'ra wa'aba õ nherẽ.

Luca 3:7

Tawamhã da'ahâ na ma tô Zuwãhã u 're dasihutu, â dawabzuri hã te te dama 're ab'manharĩ mono da. Tawamhã â dawabzuri hã te te dama 're ab'manharĩ mono õ ré, te ãne te te dama 're anharĩ: — A norĩ wa'wa hã wahi ne, te 're anomro aba mo. E 'wa simiroti zarina, te we ĩtẽme ai'aba'réi wa'wa bété, taré â dawabzuri hã 'manharĩ za'ra wa'aba wa, 'Re ihâimana u'âsi mono nhimihâzé wi, asisõ'reptu za'ra wa'aba da ne, aiwasédé hã rẽme za'ra wa'aba õ nherẽ.

Zuwã 8:44

Aimama za'ra wa'wa hã, Wa'uburé. A norĩ wa'wa hã i'ra te 're anomro aba mo. Te te sima 're iwẽ mono zém na si, te asima 're iwẽ za'ra wa'aba mo, tãma ãma 're uwaimrami za'ra wa'aba mono da. Ta hã dapoto na'rata hawi dapãrĩ'wa te 're mo. Sadawa nhipese u'âsi wa, tô sena te te dama 're rowasu'u mono õ di. Tizadawa nhipese na ma tô sãna'rata. Simirosa'rata wasété u'âsi wa, sadawa nhipese u'âsi di. Tahawa, i'ra 're anomro aba mono wa, ĩnhimirowasu'u hã tô sena nherẽ, ãma 're ĩzaze za'ra wa'aba mono õ di.

Éfézu 4:29

Aimreme wasété na dama 're aimreme zusi aba mono õ di za oto. Aimreme wẽ na si te za oto dama 're aimreme zusi aba mo, asimiroti wẽ na si 're dapawaptob za'ra wa'aba mono da ãma.

Éfézu 5:4

Duré aimreme nhiséb'õ na asima 're rowasu'u wasété za'ra wa'aba mono õ di za. Aimreme to na duré asima 're rowasu'u wasété za'ra wa'aba mono õ di za, ãne hã i'uwaibaba õ wa, Wamama nhib'a'uwẽ 're iwanomro mono norĩ ma hã. Wama 're isõpru mono zém na si, te za oto asima 're irowasu'u za'ra wa'aba mo, Wamama ãma si 're aiwata za'ra wa'aba mono da.

Tiagu 3:2

Uburé wa norĩ hã wa wahâimanazém na wa te 're upa za'ra. Ni'wa hã timreme na te te 're upai mono õ 'wa'âhã, aré 're hâimana wẽ mono di. Duré tiwasédé hã te te 're 'manharĩ tõ mono da hã, te aré 'râwi siwi 're simi'rãmi, tãma waihu'u pese wa.

1 Zuwã 3:10

E niha wa za bété waihu'u za'ra ni, 'Re ihâimana u'âsi mono 'ra norĩ hã, duré Wa'uburé 'ra norĩ hã. Ni'wam norĩ hã 're hâimana wẽ za'ra mono õ wamhã, duré te te 're dazawi pese za'ra mono õ wamhã, ta norĩ hã 'Re ihâimana u'âsi mono 'ra, 're nomro mono õ di za. Ãne na wa za ta norĩ hã Wa'uburé 'ra na wa te 're waihu'u za'ra.

1 Samuéu 24:13

Duréihã wahi'rata norĩ te te sima 're inharĩ za'ra mono zé hã ãne: “Iwasété norĩ hawip si rowasété pusizé hã.” Tane nherẽ, wa hã ĩwasédé hã te aima i'manharĩ da hã mare di.