Mateu 12:2 - ꞌRe Ihâimana Uꞌâsi Mono Zadawa Wasuꞌu

² Tawamhã farizeu norĩ hã te te ãma 'madâ'â za'ra wamhã, Zezusihi ma, te nharĩ za'ra, ãne: — E 'madâ'â za'ra ãna, asiré 're inomro mono norĩ hã. Ta norĩ hã ma tô trigu hã te te sima 'rãnhinarĩ za'ra, sabadu na 're iwawa'utu za'ra mono zém na nherẽ. Tahawa, wahi'rata nhimiroti hã ma tô ãma upa za'ra, dawa'utuzé bâtâ na romhuri, wa te dawi 're isawi za'ra mono zém na roti hã.

Mateu 12:2 ပူးပေါင်းရင်းမြစ်များ

Mateu 12:10

Tame te aibâ hã nhamra, isimizu'rã're isib'rata rési waihu'u'õ hã. Tawamhã ni'wam norĩ hã ma tô sima wẽ za'ra, duréihã 'Re ihâimana u'âsi mono nhimiroti na Mozési te te ãma irob'ui'éré na hã sabadu na romhuri zahârizém na roti hã, te te ãma upai wa, Zezusihi ãma iwasédé te te ãma hiri za'ra da. Tahawa ma tô ãne Zezusi hã ãma siwi sadanha: — Dawa'utuzém na idapesezé romhuri zahârizém na hã, e Mozésihi nhimi'ui'éré zarina.

Mateu 12:3

Tawamhã Zezusi hã te asa tãma nharĩ za'ra, ãne: — E apito Dawihi wasu'u na rob'ui'éré hã 're sõré za'ra wa'aba mono ã bâ, te te irob'manharĩzém na hã tisiré norĩ me, mra te te simroi wamhã.

Marcu 2:24

Tawamhã farizeu norĩ hã te Zezusihi ma nharĩ za'ra, ãne: — E niha, romhuri zahârizém na nherẽ, te te sima 'rãnhinarĩ za'ra, asiré 're inomro mono norĩ hã, wahi'rata norĩ hã romhuri zahârizém na te te dawi 're sawi za'ra mono nherẽ.

Luca 14:3

Tahawa, ma tô Zezusi hã rowahutu'wa norĩ hã azadanha, farizeu norĩ me, ãne: — E romhuri zahârizém na, wa za wa te 're dapese za'ra, sabadu na hã. E ma tô wawi sawi, 'Re ihâimana u'âsi mono hã, sabadu na, wa te 're dapese tõ za'ra mono da. E niha isimiroti na rob'ui'éré hã.

Luca 23:56

Tawamhã 'ri tẽme te apâ ai'aba'ré. Tahawa, ma tô marĩ hã sada wa'u za'ra, wedewa'u isadaze hã, te te siwi ãma hâiba u'ré da. Romhuri zahârizém na hã ma tô tiwa'utu za'ra, 'Re ihâimana u'âsi mono te te ipisutuzéb zarina.

Luca 6:2

Tawamhã farizeu norĩ hã te tãma nharĩ za'ra: — Wahi'rada Mozési hã ma tô wama roti za'ra, sabadu na hã wa te 're romhuri za'ra mono tõ da. E marĩ da, te bété iromhuri za'ra wa'wa, ãne te te wama roti za'ra õ nherẽ.