Mateu 12:17 - ꞌRe Ihâimana Uꞌâsi Mono Zadawa Wasuꞌu

¹⁷ Ãne ma tô Zezusi hã sina da'azadawa uwati, duréihã 'Re ihâimana u'âsi mono mreme na, Izaia hã isadawa 'mahârâ'wa te te ãma irob'ui'érézé hã te te ãma uwaimrami da. Ãne duréihã 'Re ihâimana u'âsi mono mreme na rob'ui'éré hã:

Mateu 12:17 ပူးပေါင်းရင်းမြစ်များ

Mateu 12:16

Te te da'apese parimhã, ma tô duré sina da'azadawa uwati, da te dasina 're wasu'u za'ra mono tõ da.

Mateu 12:18

“Ãhãta te ipisudu ĩma romhuri'wa da, te 're isawi pese mono hã. Taha ãma si wa ãma 're ĩpẽ'ẽ toi u'âsi. Taha ma, wa za ĩpẽ'ẽzani hã tãma tisõ. Tawamhã daro mono bâ te 're ida'anho'reptui mono zé wasu'u na te za te te dama 're rowasu'u, da te 're iwaihu'u za'ra mono zéb da hã.

Mateu 13:35

Duréihã 'Re ihâimana u'âsi mono zadawa 'mahârâ 'rata 'wa te te ãma irob'ui'érézéb zarina te te sina uwaimrami da, ma tô romnhimiré'é na si te te dama 're rowasu'u, Zezusi hã. Ãne duréihã ãma irob'ui'éré siro hã: “Te dama 're rowasu'u mono wamhã, wa za te dama ãma 're aromnhimiré'é. Wa za duré te dama 're awaihu'u, ropoto na'rata hawimhã dama iwaihu'u'õ hã.”

Mateu 21:4

Duréihã 'Re ihâimana u'âsi mono zadawa 'mahârâ 'rata 'wa te te ãma irob'ui'éré siromo zéb zarina te te sina uwaimrami da, ma tô Zezusi hã ãne tãma pisutu zahuré, awaru po'repore te te itẽme saprõni zahuré da. Ãne duréihã ãma irob'ui'éré siro hã:

Mateu 8:17

Ãne ma tô Zezusi hã te te 're da'apawapto, Izaia hã duréihã te te ãma irob'ui'érézéb zarina te te sina uwaimrami da. Ãne Izaiaha nhimi'ui'éré hã ãma: “Wahâzé mono bâ, ma tô te te wawi 're awaibu.”

Luca 21:22

'Re ihâimana u'âsi mono te te dama 're arob'manharĩ mono wa, te za rowasété si a'â 're sa'wari. Taha ré, te za marĩ hã uburé dazô pusi, romhâ ré, 'Re ihâimana u'âsi mono zadawa 'mahârâ'wa norĩ hã te te ãma irob'ui'éré za'ra zéb zarina.

Luca 24:44

Tahawa, te Zezusi hã tãma nharĩ za'ra, ãne: — Romhâ ré wa tô aima rowasu'u za'ra wa'wa, ai'rata 're ĩnhamra za'ra wa'aba mono ré hã, marĩ hã za ĩzô iwairébé mono na, Mozésihi nhimi'ui'éré zarina, duré 'Re ihâimana u'âsi mono zadawa 'mahârâ 'rata 'wa norĩ nhimi'ui'éré zarina, duré isõ're na rob'ui'éré zarina.

Zuwã 12:38

Da te isaze za'ra õ zarina, ma tô dasina uwaimrami za'ra ni, Izaiaha mreme hã. Duréihã ma tô ta hã 'Re ihâimana u'âsi mono ma dawasu'u, isadawa 'mahârâ'wa hã. Ãne ma tô tãma dawasu'u: “Wanhib'apito, wa te dama 're asadawa wasu'u za'ra mono wamhã, e ma tô ai'ãma da te 're wazaze za'ra. Mare di. Ai'ãma, da te 're wazaze za'ra mono õ di. Duré aiwaihu'u pese na 're da'apawapto mono wamhã, e ma tô aiwaihu'u pese na da te 're aiwaihu'u za'ra. Mare di. Da te 're aiwaihu'u za'ra mono õ di.”

Zuwã 19:28

Tawamhã Zezusi hã sa'o ré, ma tô sina uwaimra, Imama te te ãma irotizé hã. Ãne na ma tô sina waihu'u, Zezusi hã. Tawamhã ãma irob'ui'éré 'rata zéb zarina, te tinha, ãne: — 'Rubu di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:27

Zeruzalẽ ãma 're isi'ubumroi mono hã, duré tame dama ipire norĩ zama, Zezusi hã Danho'reptui'wa na te te waihu'u za'ra õ di. Sabadu sidâpâsi, 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã da te dasima 're sõré za'ra mono nherẽ, iwasu'u hã te te waihu'u za'ra õ di, ta norĩ hã. Tahawa, Zezusi hã dâ'â da, te te siwi ãma roti wamhã, te te waihu'u za'ra ãna, ma tô 'Re ihâimana u'âsi mono zadawa 'mahârâ 'rata 'wa norĩ nhimirowasu'u hã siwi ãma uwaimra, si'uihâ na.