Mateu 12:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã te te pese pari, ma tô farizeu norĩ hã wairé, te te sima ãma roti za'ra da, Zezusihi ãma, da te dasiwi wĩrĩ da, isadawa parab za'ra.

Mateu 12:14 ပူးပေါင်းရင်းမြစ်များ

Mateu 26:4

Tawamhã sitẽme si'rã'õtõ wamhã, ma tô sima ãma rosa'rata za'ra. Tahawa, te roti hã pi'uriwi siwi ãma 'manha, Zezusi hã pi'uriwi te te siwi âri da, da te oto dasiwi wĩrĩ da hã.

Mateu 27:1

Tawamhã mararé ma uburé sasedoti ipire norĩ hã, duré zudeu norĩ ma roti'wa norĩ hã si'rã'õtõ, te te sima ãma roti za'ra da, Zezusihi ãma, te te dama sõmri za'ra da, da te dasiwi wĩrĩ da. Taha da, te roti hã sima 'manharĩ za'ra, Zezusihi hâiba na.

Marcu 14:1

Maparane te oto sô rowaptâ bâtâ zô hã, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Tawapsi dasi'rã'õtõ ré, te za romhuri na i'u'ẽtẽ duptoi'õ hã huri ni. Tawamhã bâdâ iwa waptã'ã õ ré, te sasedoti ipire norĩ hã rowahutu'wa norĩ me, sima ãma rosa'rata za'ra, Zezusi hã pi'uriwi te te siwi âri da, da te dasiwi wĩrĩ da.

Marcu 3:6

Te te pese pari, ma awa'awi wairé, farizeu norĩ hã. Tawamhã Erodihi niwĩ 're ihâimana za'ra mono norĩ me, ma tô sima ãma roti za'ra, Zezusi te te sima hâiba za'ré za'ra da hã.

Luca 22:2

'Re ihâimana u'âsi mono ma, da'ãma romhuri'wa ipire norĩ hã, te rowahutu'wa norĩ me sima ãma rosa'rata za'ra, pi'uriwi te te siwi wĩrĩ da, Zezusi hã. Dama pahi za'ra wa, te ãne sima ãma rosa'rata za'ra.

Luca 6:11

Tawamhã rowahutu'wa norĩ hã ma tô sada tizahi za'ra, Zezusihi zada. Tawamhã te sima rosa'rata za'ra, marĩ hã te te tãma 'manharĩ za'ra da.

Zuwã 10:31

Tawamhã ta norĩ hã ma duré ẽne hã sada waibu, te te ãma siwi wĩrĩ da.

Zuwã 10:39

Tawamhã ma tô duré sima wẽ za'ra, te te siwi âri da, dama ipire norĩ hã. Tane nherẽ, tiwi simani za'ra wa, te te siwi âri õ di.

Zuwã 11:53

Tawamhã Caifasihi nhimiroti hawi te te sima ãma sé za'ra oto, te te siwi wĩrĩ da, dama ipire norĩ hã.

Zuwã 11:57

E marĩ wa. Zezusihi ãma te dama roti za'ra aré, dama ipire norĩ hã: — Ma'ãpé nimame isãmra na 'mai'madâ'â aba wamhã, wei wama wasu'u za'ra wa'aba za, wa te waihu'u za'ra da. Te te siwi âri da, ma tô ãne dama ãma nharĩ za'ra.

Zuwã 5:18

Tahawa, te ãma sima roti za'ra, te te siwi wĩrĩ da, romhuri zahârizé hã isimiroti za'ra zarina, te te 'madâ'â õ wa, duré 'Re ihâimana u'âsi mono hã Timama na te te wasu'u wa, aiwa iwaihu'u pese zahuré na hã.

Zuwã 7:30

Tawamhã ma tô duré sima ãma roti za'ra, te te siwi âri da, dama ipire norĩ hã. Tane nherẽ, te te siwi âri õ di. E marĩ wa. Zahadu bâdâ hã 'Re ihâimana u'âsi mono te te ãma ipisutuzé hã, iwa waptã'ã õ wa.

Zuwã 7:32

Tawamhã farizeu norĩ hã ma tô Zezusihi ãma dawapari za'ra. Tahawa, ma tô sô satõrĩ za'ra, Zezusi hã te te siwi âri da, 'ri 'madâ'â'wa norĩ hã, 'Re ihâimana u'âsi mono nhorõwa 'madâ'â'wa norĩ hã. 'Re ihâimana u'âsi mono ma, da'ãma romhuri'wa ipire norĩ me, duré sasedoti ipire norĩ me, ma tô sô satõrĩ za'ra.

Zuwã 7:44

Ãhã wa, ni'wam norĩ si ma tô sima wẽ za'ra, te te siwi âri da hã. Tane nherẽ, duré ta norĩ hã te te siwi âri waihu'u õ di.

Zuwã 8:59

Tawamhã te te sadawa 'ru za'ra wa, ma ẽne hã pa pâ sada waibu za'ra, te te siwi ãma wĩrĩ da. Tane nherẽ, te te siwi wĩrĩ õ di, rob u watobro da, tiwi si'wahi za'ra wa, 'ri 'wawi wa'ra hawimhã.