Tawamhã Zuwã Batistaha siré 're inomro mono norĩ hã apâ si'aba'réi wamhã, ma tô Zezusi hã dama rowasu'u, Zuwã Batistaha hâimanazém na. Da'ahâ na idasi'ubumroi mono norĩ ma, te ãne tãma rowasu'u za'ra: — Zuwã hã a'ubuni wi 're sãmra mono ré, ma tô itẽme 're anomro aba mo, 're sabu za'ra wa'aba mono da. E tawamhã du teihi 'rãihâ hã uware wa, rowa'u te te 're ihâpâ za'ra mono ne, Zuwã Batista hã roti da, sib'uware na 're hâimana mono wa, ma tô itẽme 're anomro aba mo. Mare di. Ta hã roti da, siptete na hã ma tô 're hâimana.
Mateu 11:8 - ꞌRe Ihâimana Uꞌâsi Mono Zadawa Wasuꞌu8 E uza wẽ na 're si'uza mono wa, ma tô itẽme 're anomro aba mo, 're sabu za'ra wa'aba mono da. Mare di. Uza wẽ na 're si'uza mono õ di. Uza wẽ ré 're inomro mono norĩ si hã, te danhib'apito nhorõwa ãma 're si'ubumro, 'ri 'rãihâ ãmap si. အခန်းကိုကြည့်ပါ။ |
Mateu 11:8
11 ပူးပေါင်းရင်းမြစ်များ
Wa norĩ hã bété, iwasu'uwẽ na si, wa te dama 're irowasu'u za'ra mono norĩ hã. E niha 're iwahâimana za'ra mono zé hã. Ãhã na zama wa mra hã wa te 're sépata za'ẽtẽ za'ra, 'rubu zama. Wa'uza hâ'ratare ré si, wa duré 're wanomro. Te duré da te 're wahâ za'ra danhib'rata na, da te 're iwa'ruiwapari za'ra mono zéb zarina. Daro mono bâ 're wanomro mono ré, 're iwanhimi'wara mono zéb da, duré da te wama 're pisutu za'ra mono õ di. Hâiwi si, wa 're wanomro u'âsi.
Duré ãma 're ĩhâimana mono zéb da hã, wa tô te ĩsima 're romhuri pese, ĩnhib'rata na. Bâtâ ahâ na wa tô duré ĩnhotõ ãna hã ĩza'wari. Mram na zama hã te duré robzépata ahâ di, duré 'rubu na zama. Ĩsai ãna te 're iromhuri mono zém na hã, wa tô duré te 're robzépata. Ĩ'uza ãna 're ĩhâimana mono zém na zama, wa tô duré te 're robzépata.
ကြော်ငြာတွေ