Mateu 11:30 - ꞌRe Ihâimana Uꞌâsi Mono Zadawa Wasuꞌu

³⁰ Marĩ iwapure, da te 're 'wasari mono wa, 're idazadâ'â wairébé mono õ ne, te za aipẽ'ẽ wapu na oto 're anomro aba mo, ĩnhimiroti zarina si.

Mateu 11:30 ပူးပေါင်းရင်းမြစ်များ

Provébiu 3:17

Te za dapẽ'ẽ 'remhã dahâimanazé iwẽ ise hã te te dama 're anhomri. Te za duré rowẽ na dasima iwẽ na 're idahâimana za'ra mono zé hã te te 're da'anhimro.

Mateu 12:1

Tawamhã suru na ronomro pari, sabadu na ma tô Zezusi hã ro'razâ, buru nho wa'wai baba, zudeu norĩ te, romhuri zahârizém na. Tawamhã isiré 're inomro mono norĩ hã mrap te, ma tô amnho trigu, da te 're izuri mono hã te te sima 'rãnhinarĩ za'ra trigu 'rã hã, te te huri mono da.

Zuwã 16:33

Ãne na wa tô aima rowasu'u za'ra wa'wa, ĩ'ãma 're aihâimana za'ra wa'aba mono wa, rowẽ na 're aihâimana za'ra wa'aba mono da. Tane nherẽ, ĩzazei'õ'wa norĩ hã te za tô te te 're ai'ruiwapari u'âsi za'ra wa'wa. Tahawa, te za 're irobzépata za'ra wa'aba mo. Tane nherẽ, te za asiptete sina ĩ'ãma 're anomro aba mo. Wa hã ĩzazei'õ'wa norĩ ma, ĩnhiptete uptabi wa, wa tô ãma ai'uté za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:10

E marĩ da, ma tô bété asima iwẽ za'ra wa'wa, 'Re ihâimana u'âsi mono hã pibu za'ra wa'aba da, niha te te aima irob'manharĩ za'ra wa'aba õ zéb zô. 'Re ihâimana u'âsi mono nhimiroti 'rata na Mozési te te ãma irob'ui'éré hã wa te tãma ãma 're uwaimrami waihu'u za'ra mono õ di, taha zarina 're iwasisõ'reptu za'ra mono da hã. Wahi'rata norĩ zama te te duré tãma ãma 're uwaimrami waihu'u za'ra mono õ di. Tahawa, e marĩ da, wa za bété wasiré isazei'wa norĩ ma, wa te 're roti za'ra, Mozésihi nhimi'ui'éré zarina 're nomro mono da, zudeu'õ nherẽ. Ni'wa hã marĩ ipire uptabi hã te te danhoihi waptob ãna, te te dama isibu 'rãihâ ne, ma tô a norĩ wa'wa hã ipire uptabi hã tãma ipisutu za'ra wa'wa, zudeu'õ isazei'wa norĩ ma hã. Tane nherẽ, tinhoprubzém na si ma tô Wanhib'apito Zezusi hã te te 're wa'anho'reptu. Õhõ na si te duré ta norĩ zama te te 're anho'reptu, zudeu'õ norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:28

'Re ihâimana u'âsi mono pẽ'ẽzani hã ma tô wanhimirosa'rata waihu'u pe hã wama sõmri za'ra, isimirosa'rada hã wa te waihu'u za'ra da. Tawamhã wa tô ãma saze za'ra ni, wanhimiroti ahâ na wa te aima 're roti za'ra wa'aba mono tõ da. Ãne si wa za aima roti za'ra wa'aba ni:

2 Corĩtu 4:17

Ti'ab ré, wa za tô wa te 're robzépata a'â. Tane nherẽ, ta hã wama wapure di. E marĩ wa. Taha wa'rãmi, te za 'Re ihâimana u'âsi mono iwẽ uptabi na hã duré ipire uptabi na hã te te wama 're wa'âbâ, isi'utõrĩ'õ na. Ti'ab ré, wa te 're robzépata za'ẽtẽ mono nherẽ, taha nhipai u wẽ uptabi di za, iwẽ na te te wama iropisutu siromo zé hã.

Galata 5:1

Zezu Cristu hã ma tô wa'anho'reptui pa, rowẽ na ãma 're wahâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré zarina, wa te 're irob'manharĩ za'ra mono zém na, 're wanhopré mono õ di za oto, taha zarina te te õ hã 're wa'anho'reptui mono õ wa oto. Ãne wa, tô senai'õ na rowasu'u'wa norĩ wi 're asiptete za'ra wa'aba mono za oto, isimiroti na 're aihâimana za'ra wa'aba mono wa, apâ robzei'õ na 're anomro aba mono tõ da.

Galata 5:18

Ãne 'Re ihâimana u'âsi mono pẽ'ẽzani nhimiwada'uri zarina si, 're aihâimana za'ra wa'aba mono wamhã, isimiroti na rob'ui'éré 'rata zarina 're irob'manharĩ 'rata za'ra wa'aba mono zém na, 're asõpré wa'aba mono õ di za oto, taha zarina 'Re ihâimana u'âsi mono te te 're asõ'reptu za'ra wa'aba mono dai õ wa.

Filipu 4:13

Ãne hã niha ĩma 're romhâimana mono nherẽ, wa sada 're ĩnhiptete mono. E marĩ wa. Cristu hã ĩnhiptetezé te te ĩma sada 're anhomri u'âsi mono wa.

1 Zuwã 5:3

Tawamhã 'Re ihâimana u'âsi mono hã wa te wasiwi 're sawi pese za'ra mono wamhã, e niha wa za tawamhã 're wahâimana za'ra. Isimiroti si wa za wa te 're 'madâ'â pese za'ra. E isimiroti hã wama pire za'ra di, wa te 're i'madâ'â pese za'ra mono zéb da hã. Mare di. 'Re ihâimana u'âsi mono 'ra, oto 're wanomro mono wa, wama waihu'u pese za'ra di, wa te tãma ãma 're i'uwaimrami za'ra mono zéb da hã. Tahawa, wanhiptete na wa za 'Re ihâimana u'âsi mono wẽ'õ'wa norĩ da, 're wahâimana za'ra, uburé marĩ iwasédé hã ti'ai ãma 're ihâimana za'ra mono wi. E niha wa za wanhiptete sina ãma 're wahâimana za'ra. Zezusi hã Wanho'reptui'wa na wa te wasina 're i'umnhasi pese za'ra mono zém na wa za wanhiptete sina dawi 're wahâimana za'ra.