Mateu 11:19 - ꞌRe Ihâimana Uꞌâsi Mono Zadawa Wasuꞌu

¹⁹ Duré ti'ai ãma Dasiré Ipodo hã te to sina dasiré 're sa, mram na. Uwa 'rãi wa'u isé hã te duré dame te te 're hâsi. Tahawa, ma tô ãne na da te tãma 're nharĩ wasété za'ra: “Ma'ãpé 'madâ'â za'ra wa'aba. Õhõta te aibâ hã sa za'ẽtẽ na 're sai u'âsi. Ta hã uwa 'rãi wa'u zei'wa duré. Rob'uiprazé arĩ ubumroi'wa norĩ siwadi ta hã, uburé siwa'ru 're idanomro mono norĩ siwadi.” Ãne ma tô da te tãma 're nharĩ wasété za'ra. Ni'wam norĩ hã 'Re ihâimana u'âsi mono nhimiroti zarina 're nomro mono wamhã, te za marĩ iwẽ si te te 're 'manharĩ u'âsi za'ra. Ãne wa, te za iwaihu'u pese za'ra wa'wa, tô sena 'Re ihâimana u'âsi mono nhimiroti iwẽ uptabi na hã.

Mateu 11:19 ပူးပေါင်းရင်းမြစ်များ

Provébiu 17:24

Isimiza'rese wẽ, te za ti'rãi waihu'u wẽ zô si sima 're sõpré. Tane nherẽ, isimiza'rese'õ te za titõmo na marĩ te te sima 're wẽ ahâ za'ra, misi haré te te sima 're pisutu za'ra mono ãna.

Provébiu 23:21

E marĩ wa. Âzézei'wa norĩ hã, duré mra'wa norĩ hã 're sisibrob'õ za'ra mono wa. Duré aptâ'â si te te 're i'manharĩ u'âsi za'ra mono zarina, te ti'uza waima na si 're si'uza za'ra.

Mateu 5:46

Rob'uiprazé arĩ ubumroi'wa norĩ hã bété. Ta norĩ hã dawi 're simisaihuri u'âsi za'ra mono wa, te 're nomro wasété. Ta norĩ hã te tizawi pese 'wa norĩ si te te 're sawi za'ra. Tawamhã asawi pese 'wa norĩ si, 're sawi pese za'ra wa'aba mono wamhã, e te za 'Re ihâimana u'âsi mono hã iwẽ hã te te aima 're sõmri za'ra wa'wa. Mare di. Iwẽ hã te te aima 're sõmri za'ra wa'aba mono õ di za.

Luca 14:1

Zudeu norĩ te, romhuri zahârizém na ma tô Zezusi hã ãzé, aibâ nhorõwa u, isiré sa da. Aibâ hã, farizeu. Isiré farizeu norĩ ma, pire di, aibâ hã. Tawamhã tame 'ri para, isi'ubumro norĩ hã ma tô Zezusi hã 'madâ'â za'ra.

Luca 19:7

Tawamhã isõrõwa u sébré wamhã, te dasima nharĩ za'ra ni, Zezusihi za'u, ãne: — Zapre, ma bété isõrõwa u ãzé, aibâ iwasété nhorõwa u.

Luca 7:29

Tawamhã uburé ma tô isimirowasu'u hã wapari za'ra ni. Danhib'apito ma, rob'uiprazé arĩ ubumroi'wa norĩ zama, ma tô dame wapari za'ra. Ta norĩ hã ma tô oto wapari pese za'ra, 'Re ihâimana u'âsi mono nhimiroti hã. Tahawa, ma tô Zuwã hã â dawabzuri hã tãma 'manharĩ za'ra.

Zuwã 2:2

Zezusihi zô zama, te tahârâ ni, isiré 're inomro mono norĩ zô zama, dasina damro u si'aba'ré da. Tahawa, te duré ta norĩ hã dame asimro.

Roma 15:2

Wasiré isazei'wa norĩ hã marĩ te te sima 're iwẽ za'ra mono zéb zarina, wa za wa te ãma 're sazei pese za'ra, marĩ iwẽ na si, wa te ãma 're pawaptob u'âsi za'ra mono da, hâimana prédub sina oto ãma 're hâimana u'âsi za'ra mono da.

Apocalipsi 7:12

Ãne te ãma tiwata za'ra: — Tô sena, wa ai'ãma si 're wawata u'âsi za'ra. Tô sena, aiwaihu'u pese uptabi di. Duré aiwẽ uptabi di. Duré asõprub uptabi di. Tô sena danhipai u uptabi dama aipire na te 're aihâimana mo. Tô sena, wa ãne ai'ãma wawata za'ra ni.