Mateu 11:18 - ꞌRe Ihâimana Uꞌâsi Mono Zadawa Wasuꞌu

¹⁸ Duré Zuwã Batista te te dama 're sadawa wasu'u mono ré, 'Re ihâimana u'âsi mono 'madâ'â sina ma tô sai ãna te te 're romhuri, misi bâtâ na. Duré uwa 'rãi wa'u hã te te dame 're hâsi mono õ di. Tahawa, ma tô da te tãma 're nharĩ wasété za'ra. Ãne ma tô da te tãma 're nharĩ za'ra: “Õ hã te wa'uburé hã te te 're pibui u'âsi.”

Mateu 11:18 ပူးပေါင်းရင်းမြစ်များ

Mateu 3:4

Zuwã hã awaru ba'õmore zéré 'manharĩ na te 're si'uza. Duré romhâ 'manharĩ hâiwaré na te 're si'usisi. 'Riti na si te duré 're sa. Rom na ropĩni na zama hã te duré 're sai mono.

Mateu 9:34

Tane nherẽ, ma tô farizeu norĩ hã taré iwasédé hã ãma hiri za'ra, ãne: — Wa'uburé norĩ nhib'apito zadawa para, te õ hã wa'uburé hã te te dama 're anhamra, Satanasihi zadawa para.

Marcu 3:22

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã, Zeruzalẽ hawi datẽme isihutu norĩ hã, ãne te taré sima rowasu'u za'ra, Zezusihi hâiba na: — Õ hã Bezebuhu zadawa para te 're mo, wa'uburé norĩ nhib'apito zadawa para. Bezebu hã romhõsi na te te 're pawapto, wa'uburé te te dama 're anhamra mono da.

Luca 1:15

Prédu wapsi, isimiroti hã pire di za. Tahawa, te za isimiroti pire na waihu'u, 'Re ihâimana u'âsi mono hã. Uwa 'rãi wa'u isé hã te te 're hâsi mono õ di za, duré âzé hã. Waptã'ã hawim haré, te za 'Re ihâimana u'âsi mono pẽ'ẽzani ré 're mo. Taha si, te za te te 're wapari pese. Tahawa, te za tisiré Izaraéu nhihudu norĩ hã te te 're apawapto tinhimiroti na, 'Re ihâimana u'âsi mono nhimiroti si, da te 're 'madâ'â pese za'ra mono da oto.

Zuwã 7:20

Tawamhã ãne hã da te wapari za'ra wamhã, te asa tãma nharĩ za'ra ni, ãne: — E 'wam norĩ hã ma tô sima aiwẽ za'ra, te te siwi aiwĩrĩ da hã. Wa'uburé te te aima nharĩ wa, te asimiza'rese ãna wama inharĩ za'ra.

Zuwã 8:48

Tawamhã dama ipire norĩ hã ma tô asa tãma nharĩ za'ra, ãne: — A hã, samaritanu. Wa'uburé ré, 're aimorĩ wa, te asimiza'rese ãna ãne na hã wama asiwasu'u za'ra. Tô sena, wa tô nasi ãne na aima nharĩ za'ra ni.

Zuwã 8:52

Sõ'awi te te tãma rowasu'u za'ra õ wa, imreme hã tãma pibu prã za'ra di. Tahawa, asa te duré Zezusihi ma nharĩ za'ra, ãne: — Wa'uburé ré, 're aimorĩ na, wama aiwaihu'u pese za'ra di oto. Wahi'rada Abra'ã hã ma tô dârâ. Uburé 'Re ihâimana u'âsi mono zadawa 'mahârâ'wa norĩ zama ma tô duré tidâ'â za'ra. Tane nherẽ, ma tô inha, da te 're asaze za'ra mono wamhã, 're dadâ'â za'ra mono ãna, za 're idahâimana u'âsi za'ra mono na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:24

Ãne siwasu'u ré, ma tô apito Festu hã sadawa 'razâ. Mreme 'rãihâ na te tãma tinha, ãne: — Paulu, ma tô aiwamna, ai'rãzadâ'â wa. Asimirosa'rata ahâ wa, ma tô ai'rãsiwamna.

1 Corĩtu 9:27

Ni'wa hã dame wara da, te te sima wẽ wamhã, te za 're siwasutu u'âsi, dazada siptete da. Tane, wa duré wa hã 'râwi 're ĩsi'wapéi u'âsi, ĩwasété na 're ĩhâimana 'rata mono zéb zarina, 're ĩhâimana tõ mono da oto. Ĩpẽ'ẽ 're, te ĩsima 're irosa'rata wasété mono zé hã wa tô oto 'râwi te ĩsima 're a'uprosi. Tahawa, wa tô ãne si te ĩsima 're ab'manharĩ, ĩnhimirowasu'u zarina, da'ahâ na da te 're saze za'ra mono nherẽ, 'Re ihâimana u'âsi mono, iwẽ uptabi hã te te ĩma pisutu nherẽ, 'râwi te ĩsiwi simini tõ da.