Mateu 11:11 - ꞌRe Ihâimana Uꞌâsi Mono Zadawa Wasuꞌu

¹¹ Tô sena wa aima waihu'u za'ra wa'wa. Uburé iwana 're inomro mono norĩ hã te te siwi ãma wabzu za'ra õ di Zuwã Batista hã, isimiromhuri pire na hã. Tane nherẽ, 'Re ihâimana u'âsi mono te te 're ida'azawi mono zéb zarina te te 're ida'apawapto mono zé hã, hâiba ré, te te waihu'u õ di za, Zuwã Batista hã. Ni'wam norĩ si, 'Re ihâimana u'âsi mono nhib'a'uwẽ norĩ si te za te te sina 're waihu'u za'ra, i'uirĩ na. Tahawa, ta norĩ hã te za pire na 're hâimana za'ra, Zuwã Batistaha nhipai u. Duré ni'wam norĩ hã 'Re ihâimana u'âsi mono nhib'a'uwẽ norĩ hã, tisiré norĩ ma, wapu na 're hâimana za'ra mono nherẽ, te za pire na 're hâimana za'ra, Zuwã Batistaha nhipai u, ta norĩ si i'uirĩ na te te sina 're waihu'u za'ra mono wa za, 'Re ihâimana u'âsi mono te te 're ida'apawapto mono zé hã.

Mateu 11:11 ပူးပေါင်းရင်းမြစ်များ

Salmu 51:5

Sena ĩpotozém hawim haré, te ĩwasédé hã ĩma 're hâimana. Ĩna wasãzém hawim haré, wa tô ĩwasété ré hã 're ĩnhamra tô.

Mateu 11:10

Duréihã ma tô 'Re ihâimana u'âsi mono zadawa 'mahârâ'wa hã ãne ãma rob'ui'éré, Zuwãhã ãma, 'Re ihâimana u'âsi mono mreme na: “Ĩzadawa wasu'u'wa, wa za aiwana satõ, te te asô ropese mono da.” Ãne duréihã 'Re ihâimana u'âsi mono mreme na rob'ui'éré, ibaihâ na hã.

Mateu 11:12

Zuwã Batista hã, 'Re ihâimana u'âsi mono te te dama 're isadawa wasu'u mono zém na te te dama ãma isãna'ratazém hawim haré, te oto ni'wam norĩ hã sib'ru na 're hâimana za'ra, 'Re ihâimana u'âsi mono hã da'ãma 're sib'a'uwẽ mono tõ da. Da te dasima 're wẽ za'ra mono nherẽ, te ta norĩ hã te te dawi 're ro'wa'rutu za'ra, 'Re ihâimana u'âsi mono hã ãma 're sib'a'uwẽ za'ra mono tõ da.

Mateu 3:1

Tawamhã wahub ahâ na ãma wahu pari, ma tô Zuwã Batista hã mo a'ubuni u, Zudéa ãma, 'Re ihâimana u'âsi mono zadawa wasu'u na te te dama ãma sãna'rata da.

Mateu 3:11

Te duré dama tinha: — Wa hã wa tô â uptabi na si, â dawabzuri hã te aima 're ab'manharĩ 'wa, aiwasété wi 're aipizari za'ra wa'aba mono zém na, da te oto ãma 're aiwaihu'u za'ra wa'aba mono da. Tane nherẽ, ĩza'u si te za ĩma ipire uptabi hã wei wi. Taha si te za oto 'Re ihâimana u'âsi mono pẽ'ẽzani na te te duré 're aihâiba ubu za'ra wa'wa, unhama ne na zama, â na te aima 're i'ab'manharĩ aba mono ne hã. Ta hã ĩma pire uptabi wa, ipara'uza hã te tãma mrami waihu'u õ di za, tãma ĩwapure wa, wa hã.

Mateu 5:19

Duré, ni'wam norĩ hã 'Re ihâimana u'âsi mono nhimiroti 'rata na rob'ui'éré hã nima hã roti hã taré dama 're 'maihâimana mono newa, te te 're 'madâ'â za'ra mono õ wamhã, duré isine da te 're 'madâ'â tõ za'ra mono da, te te dama ãma 're roti za'ra mono wamhã, ta norĩ si te za dama wapu na 're hâimana za'ra, 'Re ihâimana u'âsi mono, da'ãma 're isib'a'uwẽ mono zéb ãma hã. Tane nherẽ, ni'wam norĩ si isimiroti na rob'ui'éré 'rada hã te te 're 'madâ'â pese za'ra mono wamhã, duré isine da te 're 'madâ'â pese za'ra mono da, te te dama ãma 're roti za'ra mono wamhã, ta norĩ si te za dama pire na 're hâimana za'ra, da'ãma 're isib'a'uwẽ mono zéb ãma hã.

Luca 1:15

Prédu wapsi, isimiroti hã pire di za. Tahawa, te za isimiroti pire na waihu'u, 'Re ihâimana u'âsi mono hã. Uwa 'rãi wa'u isé hã te te 're hâsi mono õ di za, duré âzé hã. Waptã'ã hawim haré, te za 'Re ihâimana u'âsi mono pẽ'ẽzani ré 're mo. Taha si, te za te te 're wapari pese. Tahawa, te za tisiré Izaraéu nhihudu norĩ hã te te 're apawapto tinhimiroti na, 'Re ihâimana u'âsi mono nhimiroti si, da te 're 'madâ'â pese za'ra mono da oto.

Luca 7:28

— Uburé iwana 're inomro mono norĩ hã te te siwi ãma wabzu za'ra õ di Zuwã hã, isimiromhuri pire na hã. Tane nherẽ, 'Re ihâimana u'âsi mono te te 're ida'azawi mono zéb zarina, te te 're ida'apawapto mono zé hã, hâiba ré, te te waihu'u õ di za, Zuwã hã. Ni'wam norĩ si, 'Re ihâimana u'âsi mono nhib'a'uwẽ norĩ si te za te te sina 're waihu'u za'ra, i'uirĩ na. Tahawa, ta norĩ hã te za pire na 're hâimana za'ra, Zuwã Batistaha nhipai u. Duré ni'wam norĩ hã 'Re ihâimana u'âsi mono nhib'a'uwẽ norĩ hã, tisiré norĩ ma, wapu na 're hâimana za'ra mono nherẽ, te za pire na 're hâimana za'ra, Zuwã Batistaha nhipai u, ta norĩ si i'uirĩ na te te sina 're waihu'u za'ra mono wa, 'Re ihâimana u'âsi mono te te 're ida'apawapto mono zé hã.

Luca 9:48

Te duré tãma nharĩ za'ra, ãne: — Ni'wam norĩ hã te te 're ĩzawi pese za'ra mono wa, ai'uté zô 're tob'uzu za'ra mono wamhã, ta norĩ u'âbâ te duré ĩzô 're tob'uzu za'ra. Tawamhã e ĩzô si te 're tob'uzu za'ra. Mare di. We ĩzatõrĩ'wa zô zama te duré sô 're tob'uzu za'ra. Dama iwapu norĩ hã 're sawi pese za'ra wa'aba mono wamhã, asima ai'maipire zô asõpré wa'aba ãna, wa za aipire na te 're ai'awaihu'u 'wa.

Zuwã 1:15

Ta hã ma tô Zuwã Batista hã te te dama 're wasu'u, 'Re ihâimana u'âsi mono 'ra na, da te 're waihu'u za'ra mono da. Ãne itẽme wisi wamhã, te dama 'mahâ, Zuwã Batista hã: — Õhõta aibâ hã te wei mo. Iwana, wa tô te aima 're wasu'u za'ra wa'wa: “Õ hã ĩza'u si wei morĩ nherẽ, ĩma pire di. E marĩ wa. Ĩpoto õ ré, 're morĩ u'âsi wa.”

Zuwã 10:41

Tame sãmra ré, te da'ahâ na nasi itẽme aihutu ni. Nasi itẽme dasihutu wamhã, ãne te dasima rowasu'u za'ra ni: — Zuwã Batista hã, imreme na da te 're saze za'ra mono da, marĩ dama i'manharĩ waihu'u'õ hã te te dama 're ab'manharĩ mono õ di. Tane nherẽ, tô sena ma tô Zezusi hã te te dama 're wasu'u.

Zuwã 3:30

Taha wasu'u hã, wasu'u za'ẽtẽ uptabi di za oto, dama. Wa hã oto ĩwasu'u surure di za. Tane nherẽ, ĩma rowẽ uptabi di.

Zuwã 7:39

 u'â te te dama wasu'u wamhã, Tipẽ'ẽzani te wasu'u, Zezusi hã. Niwapsi te za te te tãma 're anhomri, tizazei'wa norĩ ma. Dâ'â wa, hâiwa'utu parip si, te za Tipẽ'ẽzani hã te te tãma 're anhomri.

1 Corĩtu 15:9

Wa hã uburé ĩsiré Zezusihi zadawa wasu'u'wa norĩ zapari, wa 're ĩhâimana, tãma ĩwapu za'ra na. E marĩ wa. Te sazei õ ré, wa tô 'Re ihâimana u'âsi mono nhib'a'uwẽ ma, te tãma 're rob'manharĩ wasété u'âsi za'ra. Tahawa, ibâi õ di aré, isadawa wasu'u'wa na, da te 're ĩwaptẽrẽ za'ra mono zé hã.

1 Corĩtu 6:4

Tahawa, marĩ hã asiré isazei'wai wi 're 'mai'manharĩ wasété aba mono wa, asisada 're ai'maihâimana za'ra wa'aba mono wamhã, e marĩ wa, te isazei'õ'wa norĩ u 're asisimroi wa'aba mo, ta norĩ si aiwasété na te te 're aiwaihu'u za'ra wa'aba mono da hã, ta norĩ hã asiré isazei'wa na 're hâimana za'ra mono õ nherẽ, dawasété na dawaihu'u'wa norĩ hã.

Éfézu 2:3

Tane wa norĩ hã, wa aré tô wanhimirosa'rata wasété zarina 're wanomro. Wa te wasima 're iwẽ za'ra mono zéb zarina, wa tô aré wa te wasima ãma 're uwaimrami za'ra. Ãne 're wahâimana wasété za'ra mono wa, te aré tô duré dazu wahâ za'ra, 'Re ihâimana u'âsi mono hã.

Éfézu 3:8

Ĩwana isazei'wa norĩ hã ĩwẽ na te sipa za'ra õ di. Ta norĩ si ma tô tiwẽ na ĩnhipa za'ra. Tane nherẽ, ma tô ĩpisutu, zudeu'õ norĩ ma te tãma 're wasu'u za'ra mono da, iwẽ hã sa'ẽtẽ na Cristuhu ma 're ihâimana mono hã dama ãma 're isõpru mono zéb da hã.

2 Timotiu 1:10

Wanho'reptui'wa Cristu Zezusi we datẽme iwisizém na, ma tô oto wama sihâi'ré za'ra, tinhimipawaptobzém na. 'Re idadâ'â za'ra mono zé hã, siptete nherẽ, ma tô wama uprosi za'ra. Duré Wanho'reptui'wai wasu'uwẽ hã wa te 're isaze za'ra mono zéb zarina, ma tô wama waihu'u za'ra, rowẽ na 're idahâimana u'âsi za'ra mono zé wasu'u na hã.

Hebreu 11:40

'Re ihâimana u'âsi mono hã iwẽ uptabi hã niwamhã za te te wama isõmri za'ra na, te te sima wa'ãma roti siromo za'ra wa, ti'ab ré ta norĩ hã te te sima 're waibui mono õ di tô, 'Re ihâimana u'âsi mono te te tãma iropisutu za'ra zé hã. Uburé wasiré si te za rowẽ uptabi na i'rata 're ihâimana u'âsi za'ra mono zé hã sima waibu za'ra, ta norĩ hã.

1 Pedru 1:10

Duréihã aibâ norĩ hã te 're hâimana za'ra, 'Re ihâimana u'âsi mono zadawa 'mahârâ 'rata 'wa hã. Ta norĩ hã danho'reptuzé wasu'u te te waihu'u pese za'ra da, ma tô te te sô 're rosa'rata za'ra. Iwana ré ma tô te te dama 're rowasu'u siromo za'ra, danho'reptuzém na, 'Re ihâimana u'âsi mono za te te aima ãma 're i'a'uwaimrami za'ra wa'aba mono zém na.

1 Samuéu 2:30

Wa hã Izaraéu nhihudu norĩ te, 'Re ihâimana u'âsi mono Uburé Danhib'apito hã wa tô ropisutu duréihã aihi'rata norĩ ma hã za isihudu norĩ hã õne u'â te te ĩma 're iromhuri za'ra mono na hã sasedoti na. Tane nherẽ, ãhã na hã wa za tinha, õne u'â 're ihâimana mono õ na hã za oto. E marĩ wa. Wa hã za oto te 're da'awazé mono dâ'âsina, da te 're ĩwazéb za'ra mono norĩ hã, duré za oto te 're da'awazé mono õ dâ'âsina, da te 're ĩwazéb za'ra mono õ norĩ hã.