Mateu 10:8 - ꞌRe Ihâimana Uꞌâsi Mono Zadawa Wasuꞌu

⁸ Ihâzé ré norĩ hã te za duré 're ipese za'ra wa'aba mo. 'Re dadâ'â za'ra mono nherẽ, te za duré 're idahâiwa'utu za'ra wa'aba mo. I'wa're ré norĩ zama te za duré 're ipese za'ra wa'aba mo. Wa'uburé hã te za dama 're isãmra za'ra wa'aba mo. Wa'âbâ ãna wa tô ĩwaihu'u pe hã aima sõmri za'ra wa'wa. Tahawa, wa'âbâ ãna te za duré ãne uburé dama ãma 're i'uwaimrami wẽ za'ra wa'aba mo.

Mateu 10:8 ပူးပေါင်းရင်းမြစ်များ

Mateu 10:1

Tawamhã Zezusi hã ma tô sitẽme sô tihârâ za'ra, 12 na ihâiba na isiré 're inomro mono norĩ zô. Sô hârâ za'ra wamhã, ma tô tãma pisutu za'ra, iwaihu'u pese zarina isadawa para, wa'uburé norĩ te te 're idawamnarĩ za'ra mono hã te te dama 're sãmra za'ra mono da. Duré ihâzé ré norĩ hã dahâzé mono bâ isadawa para, te te 're dapese za'ra mono da, duré hâzé u'âsi 're hâimana za'ra mono wa, 're isib'uwa pese za'ra mono norĩ zama te te 're dapese za'ra mono da hã, ma tô duré tãma pisutu za'ra.

Mateu 10:7

Ãne te za dama 're irowahutu za'ra wa'aba mo: “'Re ihâimana u'âsi mono, da'ãma 're isib'a'uwẽ mono zéb u hã romhuture di oto.”

Mateu 10:9

Rob'uiprazé isapotore hã asiré 're 'wasari aba mono õ di za, duré ẽtẽ waipo pré oru hã duré ẽtẽ waipo prã prata zama.

Marcu 16:18

Sa'rese ãna, wahi hã te te 're waibui mono nherẽ, duré dapãrĩzé hã te te 're âhuri mono nherẽ, tãma 're rowẽ za'ra mono di za. Duré, tinhib'rata na ihâzé ré norĩ hã te te 're upi za'ra mono wamhã, te za 're séptâ'â za'ra, ihâzé ré norĩ hã.

Luca 10:9

Tame 're ai'ubumroi wa'aba mono ré, te za 're idapese za'ra wa'aba mo. Duré te za ãne dama 're irowasu'u za'ra wa'aba mo: “Ãhã na bâdâ hã ma tô oto iwa waptãrã, 'Re ihâimana u'âsi mono hã da'ãma 're isib'a'uwẽ mono zéb da hã.” Ãne te za dama 're irowasu'u za'ra wa'aba mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:6

Ãhã wamhã, te Pedru duré tãma tinha, ãne: — Wa hã ĩnhimarĩ õ di. Rob'uiprazé hã duré ĩma hâimana õ di, ĩte hã. Tane nherẽ, 'Re ihâimana u'âsi mono te te ĩma isõmri na wa za aipawapto. Zezu Cristu, Nazaré ãma aré 're isãmra mono zadawa para, wa za aima tinha: Aiwahutu, aipara na 're aimorĩ da oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:30

Zezusihi zadawa para, wa te 're dapese za'ra mono da, wei wapawaptob za'ra na. Zezusi hã aima romhuri wẽ 'wa, taha zadawa para, marĩ iwẽ hã dama i'manharĩ waihu'u'õ hã wa te dama 're 'manharĩ za'ra mono da, wei wapawaptob za'ra na.