Mateu 10:31 - ꞌRe Ihâimana Uꞌâsi Mono Zadawa Wasuꞌu

³¹ Sire hã tãma sawi pese za'ra nherẽ, sire zawi nhipai u, tãma asawi uptabi za'ra wa'aba di, 'Re ihâimana u'âsi mono ma hã. Tahawa, asina 're aihâtâ'â za'ra wa'aba mono õ di za.

Mateu 10:31 ပူးပေါင်းရင်းမြစ်များ

Salmu 8:5

A hã, a'uwẽ asahâpâp si pire prã na 're hâimana za'ra mono da hã, ma tô i'a'manha. Duré marĩ ma, pire na siptete na sidanhib'ihâ'a za'ra da hã, ma tô tãma isõmri za'ra.

Mateu 6:26

Sire norĩ hã bété. Ta norĩ hã te te sima 're robzuri za'ra mono õ di. Duré te te sima 're rob'rãihâri za'ra mono õ di. Robza'razéb ãma te te duré sisa hã 're robza'wari za'ra mono õ di, ãma 're isaihuri mono zéb da hã. Tane nherẽ, te Aimama 'wa hã hâiwa ãma 're isãmra mono hã isa hã te te tãma 're anhomri u'âsi. E tawamhã sire si te te 're azawi pese, 'Re ihâimana u'âsi mono hã. Mare di.

Luca 12:24

Õhõta, si norĩ hã. Ma'ãpé, 'madâ'â za'ra wa'aba. Si norĩ hã te te sima 're robzuri mono õ di. Te te duré sima 're roptehâri za'ra mono õ di. Duré romnhimi'warazé hã 'ri õ di, isazéb za'ra nhimi'warazéb da hã. Tane nherẽ, te isa hã te te tãma 're anhomri u'âsi, 'Re ihâimana u'âsi mono hã. E si norĩ si, te te 're azawi pese. Mare di. Si hã tãma sawi pese za'ra nherẽ, si zawi nhipai u, tãma asawi uptabi za'ra wa'aba di.