Mateu 10:3 - ꞌRe Ihâimana Uꞌâsi Mono Zadawa Wasuꞌu

^3-4 Duré Filipi, duré Batolomeu, duré Tome, duré Mateu. Ta hã rob'uiprazé arĩ ubumroi'wa aré. Duré Tiagu, Afeuhu 'ra. Duré Tadeu, duré Sima ihâiba amo. Ta hã ma tô aré dame 're hâimana, romanu norĩ zada, tirom hawi apâ te te 're satõrĩ za'ra mono da. Duré Zuda Icarioti, Zezusi te te dama ihâiba nhomri'wa da hã.

Mateu 10:3 ပူးပေါင်းရင်းမြစ်များ

Mateu 18:17

Tawamhã asiré isazei'wa norĩ nho'a tãma 're roti za'ra wa'aba mono nherẽ, te te 're aiwapari za'ra wa'aba mono õ wamhã, te za oto uburé asiré isazei'wa norĩ ma 're irowasu'u za'ra wa'aba mo, asada 're iwasété za'ra wa'aba mono zém na hã. Tawamhã uburé asiré isazei'wa norĩ hã te te 're wapari za'ra mono õ wamhã, isazei'õ'wa hâimanazém ne ihâimana na hã, te za oto ãma 're irosa'rata za'ra wa'aba mo, ta hã tiwasété na 're siwaihu'u za'ra mono õ wa oto.

Mateu 27:56

Ta norĩ me, te Maria Madaréna hã za. Mariaha hâiba amo zama te duré isiré za'ra hã za. Taha 'ra hã Tiagu, duré Zuzé. Zebedehe mro zama te duré pi'õ norĩ me hã za.

Mateu 9:9

Tawamhã Zezusi hã ma tô mo, dahawi. Morĩ ré, ma tô tisã, danhib'apito ma, rob'uiprazé arĩ ubumroi'wa hã, Mateu na isisi hã. Tinhimiromhurizéb ãma te nhamra, rob'uiprazé te te dawi 're i'a'ubumroi mono zéb ãma. Tawamhã Zezusi hã te 'mahâ ãne: — We aimorĩ, ĩsiré 're aimorĩ da oto. Tawamhã awa'awi ma tô wahudu, isiré 're morĩ da oto.

Marcu 15:40

Pi'õ norĩ zama, romhâ hawi te Zezusi hã 'madâ'â za'ra. Nima norĩ nhisi hã ãne: Maria Madaréna, duré Salomé, duré Maria, Zuzé norĩ na hã Tiaguhu me. Tiagu hã ihâiba té.

Marcu 2:14

Tawamhã morĩ ré, ma tô aibâ tisã, danhib'apito ma, dawi rob'uiprazé arĩ ubumroi'wa hã, Levi na isisi hã, Afeuhu 'ra hã. Tinhimiromhurizéb ãma te nhamra, rob'uiprazé te te dawi 're i'a'ubumroi mono zéb ãma. Tawamhã Zezusi hã te 'mahâ, ãne: — We aiwahutu, ĩsiré 're aimorĩ da oto. Tawamhã awa'awi ma wahudu Levi hã, isiré oto 're morĩ da.

Marcu 3:18

Duré isiré norĩ hã ãne isisi za'ra hã: Ãdré, duré Filipi, duré Batolomeu, duré Mateu, duré Tome, duré Tiagu, Afeuhu 'ra hã, duré Tadeu, duré Sima, Zeroti norĩ niwĩ aré 're ihâimana mono hã, duré Zuda Icarioti, si'uihâ na Zezusihi hâiba nhomri'wa da hã dama. Ãne isisi za'ra hã.

Luca 18:10

— Aibâ norĩ hã ma tô tizasi zahuré, 'Re ihâimana u'âsi mono nhorõwa 'ri u, tãma mreme zahuré da. Aibâ norĩ hã, farizeu, duré danhib'apito ma, rob'uiprazé arĩ ubumroi'wa.

Luca 18:11

Zasi wamhã, hâiwi te oto za, farizeu hã, rob'uiprazé arĩ ubumroi'wa nhiti. Ãne ma tô mre: “'Re ihâimana u'âsi mono, ãhã na, wa za ai'ãma ĩwata. E marĩ wa. Wa hã ĩsiré aibâ norĩ ne, ĩwasété na 're ĩmorĩ õ di. Danhibrob zô, te 're rob'ruiwapari mono õ di. Wa hã rob'uiprazém na, dawi 're ĩnhipsaihuri mono õ di. Duré pi'õ na zama, dawi 're ĩnhipsaihuri mono õ di. Tahawa, wa za duré ai'ãma ĩwata, õhõ ne, rob'uiprazé arĩ ubumroi'wa ne, 're ĩmorĩ õ wa.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Luca 19:2

Zerico ãma, te aibâ isibro pe hã 're hâimana, Zaqueu na isisi hã. Danhib'apito ma, rob'uiprazé arĩ ubumroi'wa norĩ 'madâ'â'wa, Zaqueu hã.

Luca 5:27

Tawamhã rob u, ma tô watobro, Zezusi hã. Watobro wamhã, ma aibâ hã 'madâ, danhib'apito ma, dawi rob'uiprazé arĩ ubumroi'wa hã, Levi na isisi hã. Isimiromhurizéb ãma sãmra ré, ma tô 'madâ. Tame te da te tãma 're sõmri za'ra rob'uiprazé hã, i'ubumrozéb ãma, danhib'apito nhimiwada'uri zarina. Tawamhã Zezusi hã ma tô ãne 'mahâ: — We aimorĩ, ĩsiré 're aimorĩ da oto.

Zuwã 1:48

Tahawa, te Natãnaéu hã asa tãma tinha, ãne: — E niha ma tô ĩwaihu. Tawamhã te duré Zezusi asa tãma tinha, ãne: — Filipi hã te te ai'mahârâ õ ré, wa tô ai'madâ, figuera wede 'rowi asãmra ré.

Zuwã 11:16

Tahawa, Tome hã isi'ubza na da te 're isisi za'ra mono hã te tãma nharĩ za'ra, ãne: — Oto ime wasi'aba'réi wa'aba, isu da te wa'uprosi da nherẽ. Didimo na isisi hã dasi'ubza, te wasu'u.

Zuwã 14:22

Tawamhã Zuda te duré tãma tinha, ãne: — E marĩ da, te za bété wa norĩ ma si 're asiwaihu'u mo. E marĩ wa, asazei'õ'wa norĩ ma zama, 're asiwaihu'u za'ra mono õ di bété. Zuda aimawi hã. Icarioti õ di.

Zuwã 14:5

Tawamhã Tome te tãma tinha, ãne: — Wanhib'apito, nimomo wawi aimorĩzé hã wa te waihu'u za'ra õ di. E niha wa za tawamhã bâdâdi hã waihu'u za'ra ni, ãma 're iwanomro mono zéb da hã.

Zuwã 14:9

Tawamhã Zezusi te asa tãma tinha, ãne: — Filipi, e zahadu ĩwaihu'u õ di, ai'rata 're ĩnhamra hâ za'ra wa'aba mono nherẽ. Ni'wam norĩ hã te te 're ĩ'madâ'â za'ra mono wamhã, ĩ'u'âbâ te za Ĩmama hã te te 're 'madâ'â za'ra. E niha te bété a hã ĩma inha, Ĩmama zô ĩhârâ da, 'madâ'â za'ra wa'aba da.

Zuwã 21:2

Tawamhã Zezusi siré 're inomro mono norĩ nima norĩ hã te siré asimro, Sima Pedru, duré Tome isi'ubza na da te 're isisi mono hã, duré Natãnaéu hã, duré Zebedehe 'ra zahuré hã, duré aibâ maparane isiré 're ine zahuré hâiba amo norĩ hã. Cana na 'ri nhisi ãma 're ihâimana mono, Natãnaéu hã. Galiléa ãma, Cana hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:13

Ãhã wamhã, ma tô oto aihutu, Zeruzalẽ u. Sihutu wamhã, 're idanhimi'wara mono zéb u te oto ai'aba'ré. Hâimo te sai'uri za'ra, tisi'ubumrozéb u sisisi da, 'ri nhisi u. Isadawa wasu'u'wa norĩ hã ãne isisi za'ra hã: Pedru, duré Zuwã, duré Tiagu, duré Ãdré, duré Filipi, duré Tome, duré Batolomeu, duré Mateu, duré Afeuhu 'ra Tiagu na isisi, duré Sima zeroti norĩ me aré 're imorĩ, duré Zuda Tiaguhu 'ra. Ta norĩ hã ma tô hâimo sai'uri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:17

Tawamhã Pedru hã ma tô tinhib'rada hã tãma wẽ za'ra hâimo, ari'iwi si'ubumro da. Taha pari, ma tô tãma siwasu'u za'ra, Wanhib'apito hã dazazém hawi, te te iwazere na. Te duré tãma nharĩ za'ra: — Tiaguhu ma, te za ĩwasu'u za'ra wa'wa, duré isiré isazei'wa norĩ ma zama. Taha pari, ma tô tiwi timorĩ za'ra nimomo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:13

Ta norĩ hã te te dama rowasu'u zahuré parimhã, te duré Tiagu hã dama rowasu'u, ãne: — Wasisãnawã norĩ, ĩwapari za'ra wa'aba.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:18

Tawamhã awẽm na si ma tô Paulu hã wame timorĩ za'ra, Tiaguhu u hã. Tame, ma tô uburé pese ubumro, isazei'wa 'madâ'â'wa norĩ hã.

Galata 1:19

Ãhã wamhã, Pedruhu siré norĩ hã aihĩni te sõpẽtẽ za'ra õ di, Cristuhu zadawa wasu'u'wa norĩ hã. Tiaguhu si, wa tô tawamhã sõpẽtẽ. Wanhib'apito sisémemhã ta hã.

Galata 2:9

Tahawa, ma tô oto Tiagu norĩ hã ĩ'ãma waihu'u za'ra, tãma ĩzawi pese wa, 'Re ihâimana u'âsi mono te te sima ĩpisutuzém na hã. Õ norĩ hã isimiroti pire na ma tô Wanhib'apito zazei'wa norĩ hã ãma waihu'u za'ra, Tiagu hã, Pedru hã, duré Zuwã. Tawamhã ta norĩ hã 'Re ihâimana u'âsi mono te te ĩpisutuzém na te te ĩ'ãma waihu'u za'ra wa, ma tô tinhib'rata na siwi wazawi za'ra, Banabéhé me. Wama wẽ za'ra di, wa norĩ hã zudeu'õ norĩ u si 're waneb da, Cristuhu wasu'uwẽ na, wa te tãma 're romhuri za'ra mono da. Duré wama wẽ za'ra di, Tiagu norĩ si, tisiré zudeu norĩ u si 're inomro mono da hã, Pedru norĩ me. Ãne na wa tô wanhimirosa'rata na wasisaze za'ra ni.

Tiagu 1:1

Wa hã Tiagu, 'Re ihâimana u'âsi mono ma romhuri'wa, duré Wanhib'apito Zezu Cristuhu ma romhuri'wa, wa 're mo. Uburé 'Re ihâimana u'âsi mono nhib'a'uwẽ norĩ, daro mono bâ 're aihâimana za'ra wa'aba mono norĩ hã, wa za ĩnhimi'ui'éré na ãma asawi za'ra wa'wa.

Zuda 1:1

Wa hã Zuda, Zezu Cristuhu ma romhuri'wa, Tiaguhu no, wa aima ãma rob'ui'éré za'ra wa'wa. 'Re ihâimana u'âsi mono hã ma tô te te 're aipisutu za'ra wa'wa, isib'a'uwẽ na oto tãma 're aihâimana za'ra wa'aba mono da. Tahawa, tãma asawi pese za'ra wa'aba di, Wamama ma hã. Duré Zezu Cristu hã te te oto 're ai'madâ'â pese za'ra wa'wa.