Mateu 10:27 - ꞌRe Ihâimana Uꞌâsi Mono Zadawa Wasuꞌu

²⁷ Uburé pi'uriwi te aima 're iwaihu'u za'ra wa'aba mono hã te za oto sõ'awi dama ãma 're irowasu'u za'ra wa'aba mo.

Mateu 10:27 ပူးပေါင်းရင်းမြစ်များ

Mateu 24:17

Ni'wam norĩ hã 'ri nhisi hâpâ ãma si'ubumroi wamhã, tinhibrob zô sisisi õ di za a'â, 'ri para u hã. Õne haré te za dame sisa're, ẽtẽ 'rãihâ u, ta norĩ hã.

Luca 8:10

Tawamhã Zezusi asa te tãma nharĩ za'ra: — 'Re ihâimana u'âsi mono hã ma tô dawi sawi, a'â da te waihu'u tõ za'ra da, da'ãma 're isib'a'uwẽ mono zé wasu'u hã. A norĩ wa'aba ma si, ma tô oto iwasu'u hã aima waihu'u za'ra wa'wa, waihu'u za'ra wa'aba da, dama iwaihu'u'õ hã. Tahawa, wa tô ĩnhimiromnhimiré'é na si, te dama 're arowasu'u. Tawamhã dapo're na, da te 're wapari za'ra mono nherẽ, da te waihu'u za'ra õ di za, ãma isimiré'ézé hã.

Zuwã 16:1

Ãne te duré tãma nharĩ za'ra, Zezusi hã: — Ĩnhimiroti hã 're rẽme za'ra wa'aba mono tõ da, wa tô ãne na aima roti za'ra wa'wa.

Zuwã 16:13

Zahadu wapsi aipawaptob za'ra wa'aba 'wa da hã, te za we atẽme timorĩ za'ra wa'wa, 'Re ihâimana u'âsi mono pẽ'ẽzani hã. Tô sena uptabi, isimiroti hã. We atẽme wisi za'ra wa'aba wapsi, te za uburé roti tô sena uptabi hã te te aima 're waihu'u pese za'ra wa'wa. Si'uihâ na te te aima 're waihu'u za'ra wa'aba mono õ di za. Ĩnhimirowasu'u zarina si te za te te aima 're waihu'u za'ra wa'wa. Romhâ ré te za duré za iromhâimanazé hã te te aima 're waihu'u siromo za'ra wa'wa.

Zuwã 16:25

— Ãhã na sõ'awi, Ĩmama hã te aima wasu'u za'ra wa'aba õ di. Romnhimiré'é na si wa tô te aima 're rowasu'u za'ra wa'wa. Niwapsi, wa za sõ'awi te aima 're rowasu'u za'ra wa'wa, romnhimiré'é ãna.

Zuwã 16:29

Tahawa, te tãma nharĩ za'ra, ãne: — Sõ'awi ma tô oto wama asiwasu'u za'ra, romnhimiré'é ãna. Wanhimirosa'rata za'ra hã ma tô asina iwaihu'u siro. Tahawa, wa te wasiwi asadanharĩ da, asina wazô asimipari õ di. Ãne wama waihu'u pese za'ra di oto. Tahawa, wa tô asaze za'ra ni, tô sena 'Re ihâimana u'âsi mono hawi we aimorĩ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:17

Tahawa, zudeu norĩ te, rowahutuzéb ãma ma tô awẽ sidâpâsi marĩ wasu'u na te te azada'âbâ, zudeu norĩ hã duré zudeu'õ norĩ, 'Re ihâimana u'âsi mono ãma 're iwata za'ra mono norĩ zama. 'Ri nhi'riti nho'õmo na da te 're i'ubumroi mono zéb u te te da'anhopẽtẽ mono sidâpâsi, ma tô duré marĩ wasu'u na te te da'azada'âbâ, Paulu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:20

— Mo oto ai'aba'réi wa'aba, 'Re ihâimana u'âsi mono nhorõwa 'ri u, 're idanomro mono zép tém na, dama rowasu'u za'ra wa'aba da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:28

— Wa tô aré aiwi sawi za'ra wa'aba ni, Zezusihi nhimiroti na dama 're rowahutu tõ za'ra wa'aba mono da. Tazahã dama 're wasu'u za'ra wa'aba mono wa, iwasu'u hã ma tô te te ropé 'ri pâ, ãme Zeruzalẽ ãma hã. Tahawa, ma tô da te dasima 're wawasu'u za'ra. Wa norĩ hã, u, Zezusihi wĩrĩ'wa.

2 Corĩtu 3:12

'Re ihâimana u'âsi mono te te dama iropisutuzép té hã, niwamhã wawi 're si'utõrĩ za'ra mono dai õ wa, wa taha umnhasi sina, wa te 're 'madâ'â u'âsi. Tahawa, wapahi ãna, wa tô wa te dama 're wasu'u u'âsi.