Mateu 10:11 - ꞌRe Ihâimana Uꞌâsi Mono Zadawa Wasuꞌu

¹¹ — Nimomo daza'rui u 're anomro aba mono wamhã, asô 're itob'uzu za'ra wa'aba mono norĩ u si te za 're asisisi aba mo. Tawamhã tame te za isiré 're aihâimana za'ra wa'aba mo, 'ri tede'wa siré, nimomo 're i'anomro aba mono zéb u.

Mateu 10:11 ပူးပေါင်းရင်းမြစ်များ

Mateu 10:10

Dama romhuri'wai ma, te za dasa hã da te tãma 're sõmri za'ra, tiwi sô robaba wa. Tahawa, nimomo 're anomro aba mono wamhã, romramizé hã asiré 're 'wasari aba mono õ di za. Ai'uza misire ré si te za duré 're anomro aba mo. Aipara'uza misire ré si te za duré 're anomro aba mo. Wedehu hã asiwazusizé hã misire te za duré asiré 're i'wasari aba mo.

Mateu 10:12

Danhorõwa u 're asisisi aba mono wamhã, ãne te za 're idazawi za'ra wa'aba mo: “Rowẽ na 're aihâimana za'ra wa'aba mono.” Ãne te za 're idazawi za'ra wa'aba mo.

Marcu 6:10

Ãne ma tô duré tãma waihu'u za'ra: — Darob u, 're aihutu aba mono wamhã, te te 're i'aiwaibui wẽ wa'aba mono norĩ nhorõwa ãma si, te za a'â 're asimroi wa'aba mo, darob amoi u, duré 're aiwairébé aba mono õ ré.

Luca 19:7

Tawamhã isõrõwa u sébré wamhã, te dasima nharĩ za'ra ni, Zezusihi za'u, ãne: — Zapre, ma bété isõrõwa u ãzé, aibâ iwasété nhorõwa u.

Luca 9:4

Tawamhã asô ihârâ 'rata aba nhorõwa ãma si, te za 're ai'ubumroi wa'aba mo, 're aiwairébé aba mono õ ré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:15

Tahawa, ma tô â dawabzuri hã 'manharĩ za'ra, Lidia norĩ hã isiré isõrõwa ãma 're isi'ubumroi mono norĩ me. Taha pari, te duré wazô tihârâ za'ra, i'rata wasi'ubumro da a'â. Ãne te wazô tihârâ za'ra: — Wa hã, Wanhib'apito zazei'wa na sena na ĩwaihu'u za'ra wa'aba wamhã, ĩnhorõwa ãma te za asimroi wa'wa a'â. Ãne wama siwaihu'u za'ra zawi te, wa tô itẽme ai'aba'ré ni, i'rata wasi'ubumro da a'â.