Mateu 1:3 - ꞌRe Ihâimana Uꞌâsi Mono Zadawa Wasuꞌu

³ Zuda hã Peresihi mama, duré Zeraha mama. Ina zahuré hã Tama na isisi hã. Duré Peresi hã Esrõhõ mama. Duré Esrõ hã Arãhã mama.

Mateu 1:3 ပူးပေါင်းရင်းမြစ်များ

Zenezi 38:11

Tawamhã Zuda, tisani'wa Tamahã ma, ma tô tãma tinha ãne: — Aimama nhorõwa u te za apâ aimo, aimro ãna a'â tame 're aihâimana mono da, ĩ'ra Sela hã isi'aibâzéb u. Ãne ma tô tãma tinha, Selaha zama dâ'â õ'umnhasite, isisãnawã norĩ ma tãma iromhâimana zahuré ne hã. Tahawa, Tama hã ma tô apâ mo, timama nhorõwa u, tame 're hâimana mono da.

Zenezi 38:6

Tawamhã Zuda, ti'ra poto'rada Er na isisi hã ma tô Tama na pi'õ nhisi na hã mro.

Zenezi 46:12

Zuda, ti'ra norĩ ãne isisi za'ra norĩ me: Sela, Peresi, duré Zera. (Duré maparane i'ra hâiba amo norĩ hã, Er, duré Ona, Cana'ã ãma tiwi isi'ré zahuré hã.) Duré Peresihi 'ra norĩ hã, Hezirõ, duré Hamul.

Mateu 1:2

Abra'ã hã Izaquihi mama. Izaqui hã Zacoho mama. Zaco hã Zuda norĩ mama, isisãnawã norĩ me.

Mateu 1:4

Arã hã Aminadabehe mama. Duré Aminadabe hã Nasõhõ mama. Duré Nasõ hã Salmohõ mama.

Luca 3:33

Nasõhõ poto'wa nhisi hã, Aminadabe na isisi hã. Aminadabehe poto'wa nhisi hã, Ademi na isisi hã. Ademihĩ poto'wa nhisi hã, Arini na isisi hã. Arinihi poto'wa nhisi hã, Esrõ na isisi hã. Esrõhõ poto'wa nhisi hã, Peresi na isisi hã. Peresihi poto'wa nhisi hã, Zuda na isisi hã.