Mateu 1:25 - ꞌRe Ihâimana Uꞌâsi Mono Zadawa Wasuꞌu

²⁵ Tane nherẽ, Zuzé hã te te ãma sima rosa'rata upai õ di, a'â ãma panomro da hã Mariaha ãma, i'ra hã tãma waptã'ã õ ré. Taré te iré pibui wẽ. Tawamhã i'ra tãma waptã'ã wamhã, Zuzé hã ma tô sisi, Zezusi na.

Mateu 1:25 ပူးပေါင်းရင်းမြစ်များ

Ezodu 13:2

— Aibâ na aima 're ipoto 'rata za'ra wa'aba mono norĩ hã te za ĩma 're isõmri za'ra wa'aba mo, aimawi ĩte na ĩma 're hâimana za'ra mono da. Uburé Izaraéu nhihudu norĩ ma, i'ra hã aibâ na tãma 're ipoto 'rata za'ra mono norĩ hã duré isimizama norĩ 'ra zama aibâ na tãma 're irere'e mono norĩ hã ĩte hã za.

Mateu 1:21

I'ra hã 'watébrémi na te za tãma podo. Tawamhã Zezusi na te za isisi. Danho'reptui'wa te wasu'u, isisi hã. Taha si te za tinhib'a'uwẽ hã te te 're anho'reptu, iwasété hawi, duré 'Re ihâimana u'âsi mono te te 're idahâ za'ra mono zém hawi.

Mateu 1:24

Tawamhã Zuzé hã utu wamhã, hâiwa hawi Wanhib'apito ma romhuri'wa te te tãma iwaihu'uzéb zarina, ma tô ãma timro oto, Mariaha ãma, awa'awi.

Luca 1:31

Tahawa, te za aiwasã. Ai'ra te za aibâ na aima podo. Ai'ra hã poto wapsi, Zezusi na te za isisi.

Luca 2:21

Romhuri misi ãma si'utõrĩ pari, ai'uté iwaptã'ãzém na hã, ma tô oto sihâiwata nhizâri ni. Ma tô duré sisi zahuré ina norĩ hã, Zezusi na. Ã hã isisi hã waptã'ã õ ré, hâiwa ãma romhuri'wa te te tãma iwaihu'uzéb zarina, ma sisi zahuré.

Roma 8:29

Duréihã marĩ õ ré hã, 'Re ihâimana u'âsi mono te te sima ãma irotizéb zarina, te te sima 're iwa'apisutu mono norĩ hã, i'ra ne, tô Zezusihi ne, oto 're wahâimana za'ra mono da, ma tô duré te te 're wa'apisutu siro. Ta hã uburé isazei'wa norĩ dub'rada, 're hâimana mono da, ma tô ãne te te 're wa'apisutu siro, sima.