Mateu 1:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã ãne na te te sima rosa'rata wamhã, ma tô hâiwa hawi Wanhib'apito ma romhuri'wa hã tãma sihâi'ré, sõtõ 'rowim na. Ãne te taha wamhã tãma tinha: — Zuzé, Dawihi nhihudu, asina aihâtâ'â tõ, Mariaha ãma aimro tõ da hã. Ta hã ma tô tiwasã, 'Re ihâimana u'âsi mono pẽ'ẽzani na.

Mateu 1:20 ပူးပေါင်းရင်းမြစ်များ

Zenezi 31:11

Tawamhã taha ré ma tô 'Re ihâimana u'âsi mono ma, Hâiwa ãma Romhuri'wa ĩnhisi na hã ĩ'mahâ. Ãhã wa, wa tô sada'â ãne: “E marĩ! Ãhãta wa ãme ĩhâiba.”

Zenezi 46:3

Tawamhã 'Re ihâimana u'âsi mono, te ãne tãma tinha: — Wa hã 'Re ihâimana u'âsi mono, aimama te, 'Re ihâimana u'âsi mono na 're ĩhâimana mono. Tahawa aipahi ãna ma'ãpé aimorĩ, Ezitu u hã. Tame wa za asihudu norĩ, ahâ uptabi na sitébré da hã tãma pisutu za'ra, a'uwẽ misi ãma isitom na dama siptete na 're hâimana za'ra mono da.

Salmu 119:125

Wa hã aima romhuri'wa. Tahawa, ma'ãpé ĩ'rãiwaihu'u wẽ ĩma 're sõmri mono, asimiroti te ãma 're iwaihu'u mono zéb da hã sena na.

Salmu 94:19

Ĩpẽ'ẽ 're ĩhâtâ'â za'ẽtẽ na 're ĩhâimana mono wamhã, te a hã 're ĩpẽ'ẽ tété u'âsi mo. Te duré sa'ẽtẽ na ĩpẽ'ẽ to ĩma 're isõmri mo, ĩpẽ'ẽ 'remhã.

Provébiu 12:5

Sena na 're ihâimana za'ra mono norĩ nhimirowa'õno hã i'uwaibaba na si te 're hâimana. Tane nherẽ, iwasété norĩ nhimiroti hã da'rãiwamnarĩ da si te 're hâimana.

Zuéu 2:28

Uburé Danhib'apito te tinha ãne, tinhib'a'uwẽ norĩ ma: “Ãhã parimhã, wa hã wa za ãma ropé Ĩpẽ'ẽzani na, uburé pese dama. Ai'ra si'aibâ norĩ hã duré ai'ra sipi'õ norĩ hã te za te te dama 're ĩzadawa wasu'u za'ra. Duré ihi norĩ hã te za te te 're rosawẽrẽ za'ra. Ipréduptém norĩ hã te za duré marĩ hã sõ'awi te te 're 'madâ'â za'ra, sõtõ 'rowim ne.

Mateu 1:18

Tawamhã ãne Zezu Cristuhu potozé hã: Maria hã Zezusi, ãma ina da hã ma tô sima ropisutu zahuré Zuzéhé me, sina mro zahuré da. Tane nherẽ, sina mro zahuré õ ré, ma tô 'Re ihâimana u'âsi mono pẽ'ẽzani na tiwasã Maria hã, te te sa'rese õ nherẽ.

Mateu 2:12

Tawamhã rosawẽrẽ na ma tô 'Re ihâimana u'âsi mono hã tãma waihu'u za'ra, bâtâ pusizém hawi isihutu norĩ ma, apâ si'aba'ré tõ da, Erodihi u. Tahawa, te bâdâdi amo na apâ hã ai'aba'ré, tirob u.

Mateu 2:13

Tawamhã aibâ norĩ si'aba'ré za'u si, ma tô hâiwa hawi Wanhib'apito ma romhuri'wa hã Zuzéhé ma sihâi'ré, sõtõ 'rowi. Taha wamhã, te ãne tãma rowasu'u: — Apito Erodi hã ma tô dama rob'ru, ai'uté zô danhopré mono da, isadawa para da te wĩrĩ da. Tahawa, te za oto ai'u. Ai'uté hã, ma'ãpé duré sa'ra na. Ina hã iré saprõni da Ezitu u, tame a'â iré aimasisi aba da, dawi. Tawamhã apâ we i'ane wa'aba zéb da hã, wa hã te aima iwaihu'uzéb zô si, te za a'â duré asina asimipa za. — Ãne ma tãma waihu'u, hâiwa ãma romhuri'wa hã.

Mateu 2:19

Tawamhã apito Erodi dâ'â parimhã, ma tô hâiwa ãma Wanhib'apito ma romhuri'wa hã Zuzéhé ma sihâi'ré, sõtõ 'rowi, Ezitu ãma sãmra ré.

Mateu 2:22

Tane nherẽ, ma tô wapa Aterazu, apito Erodihi 'ra wasu'u hã, timama nhowa're're isébré na hã Zudéa ãma te te 're ida'ab'madâ'â mono da hã. Tahawa, pahi di, tame iré 're ihâimana zahuré mono da hã. Tawamhã sõtõ 'rowi ma tô tãma waihu'u na sahu, hâiwa ãma 'Re ihâimana u'âsi mono ma romhuri'wa hã, Zuzéhé ma, Zudéa u neb zahuré tõ da, Galiléa na danhipti'a nho'õmo nhisi u si neb da. Tahawa, ma tô tamomop si tineb zahuré, Zuzé norĩ hã.

Mateu 27:19

Tawamhã Pilatu hã te te 're ida'awaihu'u mono zéb da, roti ma, 're isimasisi mono zéb ãma sãmra ré, ma tô imro hã timreme hã tãma tisõ. Ãne ma te ihâiba na hã tãma waihu'u: — Ma'ãpé ãma rosazâri, aibâ ãma. Ta hã tiha te te 're ab'manharĩ mono õ di. Bara na hã ĩnhotõ 'rowi te isawẽrẽzém na hã wa tô ãma robzépata za'ẽtẽ, taha na hã. Ãma ĩpẽ'ẽzé uptabi di. Tahawa, te za ãma irosazâ.

Mateu 28:5

Tawamhã hâiwa ãma romhuri'wa hã ma tô tãma nharĩ zahuré, pi'õ norĩ ma, ãne: — Ĩma aipahi wa'aba tõ. Zezusi hã da te dasiwi wĩrĩ wa, wedepo'o nhonhi'rãmi na da te dasiwi isasõmri zô robzabui wa'aba da, te we ane wa'wa. Wa hã wa tô aiwaihu'u 'wa, we sô irobzabui wa'aba mono na hã.

Luca 1:19

Tawamhã te duré asa tãma tinha, ãne: — Wa hã Gabriéu, 'Re ihâimana u'âsi mono ma romhuri'wa. Ta hã ma tô we ĩzatõ, rowasu'uwẽ hã te aima wasu'u da.

Luca 2:4

Tahawa, Zuzé hã te mo, tihi'rata za'ru u. Apito Dawi hã ihi'rata wa, tihi'rata za'ru u te mo, Belẽ u. Zudéa ãma, Belẽ hã. Nazaré hawi te mo, Belẽ u. Galiléa ãma, Nazaré hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:19

Tawamhã bara na hã Wanhib'apito ma, hâiwa ãma romhuri'wa hã ma tô itẽme si'ra za'ra, te te tãma 'ridawa za'ra da. Ta hã te te tãma 'ridawa za'ra wamhã, ma tô sani za'ra, rob u. Ãne te ãhã wamhã tãma nharĩ za'ra:

Apocalipsi 19:7

Bâdâ hã ma tô iwa waptãrã, Pone'ẽrebâ imrozéb da hã. Duré ãma imro da hã ma tô sima apese. Tahawa, ãma 're watoi u'âsi za'ra wa'aba mono. Duré 'Re ihâimana u'âsi mono hã wẽ uptabi wa, ãma 're wawata u'âsi za'ra wa'aba mono.

Zuize 13:3

Tawamhã Hâiwa ãma Romhuri'wa ma tô itẽme wi. Ta hã itẽme wisi wamhã, ma tô ãne tãma tinha: — Ai'ra waihu'u ãna te aré 're aimo. Tahawa aré niwamhã dana na hã 're aihâimana waihu'u mono õ di. Tane nherẽ, te za ãhã na hã oto aiwasã, ai'ra aima poto da.