Mateu 1:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã aibâ hã Mariaha ãma imro da hã 're morĩ wẽ di, Zuzé na isisi hã. Ta hã marĩ iwẽ si te te 're 'manharĩ u'âsi. Tahawa, ma tô sima rosa'rata, za ãma imro da na ropisudu pi'uriwi te te siwi ipari na hã, duré danho'a iwasété na te te ãma hiri wa, da te dasiwi waihu'u za'ra tõ da.

Mateu 1:19 ပူးပေါင်းရင်းမြစ်များ

Zenezi 38:24

Tawamhã a'amo si'ubdatõ ãma si'utõrĩ wamhã, ma tô Zudaha ma tãma 'maiwasu'u ni ãne: — Asani'wa, te siwa'ru dahâimanazém na hã 're hâimana. Tahawa, ma tô tiwasã. Tawamhã Zuda te ãne asa tãma tinha: — Hâiba ré, pré asiwi 'rãmi aba da, te za 'ri nho'õmo 'wawi wa'ra nhiti rob u we asiwi iwazere 'wa, pi'õ hã.

Zenezi 6:9

à hã Nowéhé wasu'u. Ta hã ãne si'ubdatõ i'ra norĩ nhisi mama na ma tô 're hâimana: Sẽ, Cã, Zafé. Nowé, sena na i'uwaibaba na si, duré õne u'â 'Re ihâimana u'âsi mono mreme te te 're iwapari pese mono na si ma tô 're hâimana. Duré isiré 're idahâimana za'ra mono norĩ nhimi'manharĩ siwaprã, ma tô siwaprosi 'Re ihâimana u'âsi mono ãma si 're mo.

Marcu 10:4

Tawamhã asa ma duré ãma sada'âbâ za'ra: — Mozési hã ãne ma tô dama roti: Aibâ norĩ hã timro me, siwi 're siwanhizari za'ra mono õ ré, te za rob'ui'éré hã timro ma te te 're sõmri za'ra pi'õi ma, da te ãma 're waihu'u za'ra mono da, te te imezém na hã. Taha parip si, te za oto pi'õi ma, te te 're rob'ru za'ra.

Luca 2:25

Tawamhã aibâ hã te 're sãmra Zeruzalẽ ãma, Simiã na isisi hã. Wẽ na te 're mo, Simiã hã. 'Re ihâimana u'âsi mono nhimiroti hã te te 're 'madâ'â pese. Danho'reptui'wa zô, te 're simipari u'âsi, Izaraéu nhihudu norĩ te te sõ'reptu za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:22

Tawamhã asa te tãma nharĩ za'ra, ãne: — Da'wapéi'wa norĩ wada'uri'wa hã ma tô wei wazatõrĩ za'ra atẽme, Coneliu na isisi hã. Ta hã aibâ iwẽ, 'Re ihâimana u'âsi mono ãma 're iwata u'âsi mono. Duré zudeu norĩ te te 're i'awẽsãmri mono. Hâiwa ãma 'Re ihâimana u'âsi mono ma romhuri'wa hã ma tô po're pu'u Coneliu hã, asô hârâ da, asimirowasu'u hã te te wapari da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:39

Tawamhã rowa'a pese wamhã, ro hã te te waihu'u za'ra õ di, uba're na romhuri'wa norĩ hã. Taré ma tô supara hã siwi tisã, ẽtẽ 'rãihâ papara inomro hã, â zaihâ na. Tawamhã ma tô ãma siwada'uri za'ra, rowa'u'u na uba'rene hã tame te te siwi hiri da.

2 Corĩtu 1:15

'Re ĩhâimana mono zém na, ĩwẽsãmri za'ra wa'aba newa, wa tô aré ĩsima rowẽ, ã hawi Masédonia na danhipti'a nho'õmo nhisi hawi, apâ ĩmorĩ wamhã, ãma atẽme ĩmorĩ aba na, te sahu da duré. Masédonia u we ĩmorĩ 'rata wa, ãma atẽme ĩmorĩ aba ne, duré ãma atẽme ĩwisi aba da, te asabu na sahu za'ra wa'aba da, wa tô ĩsima rowẽ aré. Ãhã wamhã, te aré asiwi ĩpawapto wa'wa, Zudéa u ĩmorĩzéb da hã. Ãhã 'wa'âhã, te aré tô oto maparane ĩnhimipawapto wẽ zé hã tihâiba aima za'ra wa'aba, ĩnhimiromhuri na hã.