Marcu 9:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Pedru te Zezusihi ma tinha, ãne: — Rowahutu'wa, e niha irowẽ, ãme iwahâimana za'ra zém na hã. Si'ubdatõ, wa za aima 'ri za'ra wa'aba ni aihâiba bâ wa'aba, ate da hã, duré Mozésihi te da hã, duré Eliasihi te da hã.

Marcu 9:5 ပူးပေါင်းရင်းမြစ်များ

Mateu 17:4

Tahawa Pedru te Zezusihi ma tinha, ãne: — Wanhib'apito, ãme wama rowẽ za'ra di. Aima wẽ wamhã, si'ubdatõ uridi hã wa za aima sõré wa'wa, aima hã, duré Mozésihi ma hã, duré Eliasihi ma hã.

Mateu 23:7

Te duré te te sima 're wẽ za'ra, dama ipire norĩ hã damreme ipire na da te 're isawi za'ra mono ne, dahâimana prédup sina da te 're sawi za'ra mono da, da'ahâ na 'ri nhi'riti wa, da te dasima 're irowede za'ra mono zéb ãma hã. Te duré te te sima 're wẽ za'ra, da te 're sawi za'ra mono wamhã, rowahutu'wa na da te 're sisi za'ra mono sina, da te 're sawi za'ra mono da, dama 're idapire za'ra mono norĩ 'mahârâzém na. Ãne te ta norĩ hã uburé marĩ hã te te sima 're wẽ za'ra, dama ipire zarina, da te 're 'madâ'â wẽ za'ra mono da.

Mateu 23:8

Tane nherẽ, te a norĩ wa'wa hã simisutu asisãnawã 're anomro aba mo, asiré isazei'wai wa. Duré misire Asib'apito wa'wa hã. Tahawa, “rowahutu'wa” na dama aiwaptẽrẽ pire na da te 're asisi za'ra wa'aba mono da, 're asi'madâ'â ze za'ra wa'aba mono õ di za, a norĩ wa'wa hã.

Marcu 9:4

Tawamhã dahi'rata norĩ hã ma tô 'madâ'â za'ra, Eliasi norĩ hã Mozésihi me. Zezusihi me, te sima rowasu'u za'ra.

Marcu 9:6

Ãne te Pedru hã tãma tinha, atãma na te te rosa'rata ãna a'â. Ãhã wamhã, te te 'madâ'â za'ra wa, ma tãma tipahi za'ra, Pedru norĩ hã.

Luca 9:33

Aibâ norĩ hã oto apâ tiwi neb zahuré da wa, te Pedru hã Zezusihi ma tinha, ãne: — Rowahutu'wa, ãme wama rowẽ za'ra di. Si'ubdatõ, wa za aima 'ri za'ra wa'aba ni, aihâiba bâ wa'aba, ate da hã, duré Mozésihi te da hã, duré Eliasihi te da hã. — Ãne te tãma tinha, te te rosa'rata ãna, Pedru hã.

Zuwã 4:31

Taha ré, te isiré 're inomro mono norĩ hã pi'õ morĩ za'u si, ĩsa tãma 'ru za'ra, a'â sa da.

Filipu 1:23

Ĩnhimirosa'rada hã maparane te 're si'wapé zahuré, ĩpẽ'ẽ 'remhã. Ti'ai ãma 're ĩmorĩzé hã te rẽme da hã, wa ĩsima te 're wẽ tô, Cristuhu siré 're ĩhâimana mono da oto, hâiwa ãma. Ãne wamhã, ĩma 're rowẽ uptabi mono di aré, ti'ai ãma 're ĩhâimana mono zém nhipai u hã.

1 Zuwã 3:2

Ĩsisãnawã norĩ, ĩma asawi pese za'ra wa'aba norĩ hã, 'Re ihâimana u'âsi mono 'ra, wa oto 're wahâimana za'ra. Tane nherẽ, za 're iwahâimana za'ra mono zéb da hã, zahadu wama waihu'u prã za'ra di. Cristu hã apâ wei wazô morĩ wamhã, isine wa za oto 're wahâimana za'ra. Ãhã si wama waihu'u pese za'ra di. E marĩ wa, wa za isine 're wahâimana za'ra. Tô sena Cristu hã 're ihâimana mono zém na 'râwi wa te oto wasiwi 're waihu'u za'ra mono wa, wa za oto tô isine 're wahâimana za'ra.