— Ãté ni'wa hã te za ĩzazei'wai ma, â wahâ hã tãma õ, te te hâ'rẽne da, isiré ĩzazei'wa norĩ ma wapu na, 're imorĩ na hã te te waihu'u wa. Ãne hã ĩzazei'wa norĩ hã marĩ 'rare na nherẽ, ni'wam norĩ hã te te 're pawaptob za'ra mono wamhã, 'Re ihâimana u'âsi mono, za te te tãma 're i'awa'âbâ mono zé hã te za te te sina 're uwaimrami za'ra. Tô sena, wa aima waihu'u za'ra wa'wa.
Marcu 9:41 - ꞌRe Ihâimana Uꞌâsi Mono Zadawa Wasuꞌu41 Tawamhã ma tô duré tãma nharĩ za'ra, ãne: — Ma'ãpé, ĩwapari pese za'ra wa'aba asina. A norĩ wa'wa hã ĩzazei'wa 're aihâimana za'ra wa'aba mono wa, â hã ni'wam norĩ hã te te aima 're sõmri za'ra wa'aba mono wamhã, 'Re ihâimana u'âsi mono, za te te tãma 're i'awa'âbâ mono zé hã tiwi 're simani za'ra mono õ di za. Te za te te sina 're uwaimrami za'ra. အခန်းကိုကြည့်ပါ။ |
Marcu 9:41
11 ပူးပေါင်းရင်းမြစ်များ
— Tawamhã Uburé Danhib'apito hã te za ta norĩ ma ãne tãma rowasu'u za'ra: “Tô sena wa aima rowasu'u za'ra wa'wa. Ĩsisãnawã norĩ hã ti'ab ré ãne na te te 're robzépata za'ra mono wamhã, dama wapu na 're hâimana za'ra mono nherẽ, marĩ iwẽ hã tô õhõ na hã tãma 're 'manharĩ wẽ za'ra wa'aba mono wamhã, ta norĩ hâiba u'âbâ ma tô ĩma 're i'manharĩ wẽ za'ra wa'aba mo.” Ãne na te za ta norĩ ma waihu'u za'ra.
Ãté marĩ dasa hã te za 're ihuri aba mo, asiré isazei'wa norĩ te te siwi 're iwẽ'õ za'ra mono hã. Tawamhã 're huri aba mono wamhã, 'Re ihâimana u'âsi mono te te dawi 're awẽ'õ mono newa, ãté te za ãne na tiwi 're irobzei'õ za'ra wa'aba mo, tô õ norĩ wi hã. Ãne wamhã, asimizawi pese zé hã tãma ãma 're uwaimrami za'ra wa'aba mono õ di za. Tãma sawi uptabi za'ra wa, ma tô Cristu hã sada tidâ'â za'ra. Tahawa, romnhi hã asiré isazei'wa norĩ te te 're iwẽ'õ za'ra mono hã, 're huri aba mono õ di za, 're huri aba mono wa, ta norĩ hã asa na tiwi 're irobzei'õ za'ra mono zéb zarina, tiwasété na 're isi'marõpãrĩ za'ra mono na 're si'utõrĩ tõ mono da.
Tane nherẽ, a norĩ wa'wa hã aipẽ'ẽ 're, aiwasédé hã aima 're ihâimana za'ra wa'aba mono zéb zarina, 're anomro aba mono õ di oto. 'Re ihâimana u'âsi mono pẽ'ẽzani te te aima 're ipisutu za'ra wa'aba mono zéb zarina si, te oto 're aihâimana wẽ za'ra wa'aba mo, Ipẽ'ẽzani hã sena na aipẽ'ẽ 're, 're sãmra za'ra wa'aba mono wa. Ni'wam norĩ ma, Ipẽ'ẽzani, ipẽ'ẽ 're, tãma 're hâimana za'ra mono õ wamhã, ta norĩ hã Cristuhu nhib'a'uwẽ 're hâimana za'ra mono õ di za.
Duré a norĩ wa'wa hã te Cristuhu ma si 're aihâimana za'ra wa'aba mo, isib'a'uwẽ na hã. Ta hã, 'Re ihâimana u'âsi mono te te pisutu wa, ma tô wei mo ti'ai u, Danho'reptui'wa da hã. Tahawa, Cristuhu nhib'a'uwẽ na si, te za asima 're asiwasu'u za'ra wa'aba mo. Wanhib'a'uwẽ na, asima 're asiwasu'u za'ra wa'aba mono õ di za.
Atõmo na wahâiba mana wawi, asiwi 're iwa'madâ'â za'ra wa'aba mono zéb zarina si, ma tô asiwi 're iwawẽ'õ za'ra wa'aba mo. Ni'wam norĩ hã asiré wa'aba, 're ihâimana za'ra mono norĩ hã te ãne na te te si'ãma 're rosa'rata upa za'ra 'râwi: “Wa norĩ si, wa Cristuhu zadawa para, wa te 're romhuri za'ra.” Ãne na asi'ãma rosa'rata za'ra wa'aba ze te bâ, ma'ãpé apâ asi'ãma rosa'rata pese za'ra wa'aba. E marĩ wa. Wa norĩ zama, Cristuhu zadawa para dama romhuri'wai wa.
ကြော်ငြာတွေ