Marcu 9:35 - ꞌRe Ihâimana Uꞌâsi Mono Zadawa Wasuꞌu

³⁵ Tawamhã Zezusi hã ma tô nhamra oto. Tisiré 're inomro mono norĩ zô, te duré ãhã wamhã sitẽme sô tihârâ za'ra. Ãne te taha wamhã tãma nharĩ za'ra: — Ni'wam norĩ hã dama pire da, 'râwi te te si'ãma 're rosa'rata za'ra mono wamhã, dama iwapu ne, te za dama 're si'ai'uté za'ra.

Marcu 9:35 ပူးပေါင်းရင်းမြစ်များ

Provébiu 13:10

'Râwi 're idasi'madâ'â ze za'ra mono zé hã te za damreme na dasi'wapézép si hã te te 're poto za'ra. Tane nherẽ, rowaihu iwẽ hã te roti iwẽ wapari zei 'wa norĩ ma si hã 're hâimana.

Mateu 23:11

Asiré norĩ ma ai'maipire wa'aba da, asina 'mairob'ruiwapari aba wamhã, te za 're i'maipawaptob u'âsi aba mo, marĩ zô 're ai'manhimnhasi aba mono ãna.

Marcu 9:36

Taha pari, ma ai'uté hã pa'â, tisiré 're inomro mono norĩ wa'wa, te te sãrĩ da, tipa. Tawamhã tipa te te sãrĩ sina, ma ãne tãma waihu'u za'ra: — Ni'wam norĩ hã te te 're ĩzawi pese za'ra mono wa, ai'uté zô 're tob'uzu za'ra mono wamhã, ta norĩ u'âbâ te duré ĩzô 're tob'uzu za'ra. Tawamhã e ĩzô si te 're tob'uzu za'ra. Mare di. We ĩzatõrĩ'wa zô zama te duré sô 're tob'uzu za'ra.

Luca 18:14

Tahawa, ma tô Zezusi hã dama tinha, ãne: — Tô sena, wa aima waihu'u za'ra wa'wa. Rob'uiprazé arĩ ubumroi'wa si, rowẽ na te apâ mo tinhorõwa u, farizeu upana. E marĩ wa. 'Re ihâimana u'âsi mono te te wẽsãmri wa, tãma isiwasu'uzém na, duré wasété nherẽ, marĩ te te 're i'manharĩ wasété mono na, te te 're 'madâ'â mono õ wab zama. Ni'wam norĩ hã danhipai u wẽ newa, tiwẽ na sina 're wata za'ra mono wamhã, 'Re ihâimana u'âsi mono, te za tãma pisutu za'ra, wapu na dama 're hâimana za'ra mono da. Duré ni'wam norĩ hã tiwẽ na sina 're wata za'ra mono õ wamhã, 'Re ihâimana u'âsi mono, te za tãma pisutu za'ra, pire na dama 're hâimana za'ra mono da.

Luca 22:26

Tane asima 're aihâimana za'ra wa'aba mono õ di za, a norĩ wa'wa hã. Asiré norĩ ma, aipire wa'aba nherẽ, te za tãma 're asi'ai'uté za'ra wa'aba mo. Duré dawada'uri'wa, 're anomro aba mono nherẽ, aiwapu na te za dama 're iromhuri za'ra wa'aba mo.

Tiagu 4:6

Ãne wa, Wamama zawi'wa 're wanomro mono da, te za te te 're wa'apawaptob u'âsi. Duréihã ma tô taha wasu'u na rob'ui'éré, isadawa wasu'u'wa hã, ãne: “Si'uihâ na 'râwi tinhimirosa'rata na 're isi'madâ'â ze za'ra mono norĩ zada, te za 're hâimana, Wamama hã. 'Râwi tinhimirosa'rata na 're isi'madâ'â za'ra mono õ norĩ si, te za te te 're apawapto.” Ãne ãma irob'ui'éré hã.