Marcu 9:32 - ꞌRe Ihâimana Uꞌâsi Mono Zadawa Wasuꞌu

³² Tawamhã te te siwi sadaihu'u za'ra õ di, tãma isiwasu'u za'ra zém na hã. Tane nherẽ, tãma pahi za'ra wa, te te siwi ãma sadanharĩ õ di oto. Ari'iwi te oto asimro.

Marcu 9:32 ပူးပေါင်းရင်းမြစ်များ

Marcu 16:14

Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã.

Marcu 7:18

Tawamhã ma tô tãma nharĩ za'ra, ãne: — E niha a norĩ wa'aba ma zama, aima waihu'u za'ra wa'aba õ di bété. Dasa hã da te 're huri mono wamhã, taha na 're dasiwasété za'ra mono õ di za 'râwi.

Marcu 8:33

Tawamhã te te sina wapari wamhã, tisiré 're inomro mono norĩ u, ma aipi'ra. Tawamhã Pedruhu ma, te ãne tinha: — Satanasi, mo oto aimorĩ, ĩnhiti. 'Re ihâimana u'âsi mono nhimirosa'rata zarina rosa'rata õ di, a hã. Danhimirosa'rata zarina si, te ĩ'ãma irosa'ra, a hã.

Marcu 9:10

Tawamhã imreme ma tô wapari za'ra, Pedru norĩ hã. Tahawa, te 'râwi sima rowasu'u za'ra, ãne: — E niha isiwasu'uzé hã ab're hawi, za te te ihâiwa'utu na. Wa norĩ hã wama waihu'u za'ra õ di.

Luca 18:34

Tazahã, tãma pibu prã za'ra di, te te tãma sina irob'rãzarõtõ za'ra zé hã. Tãma waihu'u za'ra õ di, te te tãma iwaihu'u za'ra zé hã.

Luca 2:50

Tane nherẽ, te te waihu'u zahuré õ di, te te inharĩzém na hã.

Luca 24:45

Tawamhã ma tô ãne tãma waihu'u za'ra, ibaihâ na rob'ui'éré zarina: — Romhâ ré ma tô ãne ĩ'ãma rob'ui'éré za'ra ni: “Danho'reptui'wa te za robzépata za'ẽtẽ, 'Re ihâimana u'âsi mono te te ipisudu hã. Tane nherẽ, bâdâ maparane ãma si'utõrĩ õ ré, te za hâiwa'udu apâ, ab're hawi.

Luca 9:45

Tane nherẽ, te te siwi waihu'u za'ra õ di, te te sina irowasu'uzém na hã. Ma tô tiwi sawi za'ra Zezusi hã, te te waihu'u pese za'ra tõ da a'â, te te sina irowasu'uzé hã. Tahawa, te te sina irowasu'uzé ma, pahi za'ra wa, te te siwi sadanharĩ za'ra õ di, ãma. Tahawa, te ari'iwi ai'ubumro.

Zuwã 16:19

Zezusihi mreme hã te te siwi waihu'u õ wa, te te siwi sadanharĩ ze ti oto. Ãne ma tô sina waihu'u za'ra, Zezusi hã. Tahawa, te tãma nharĩ za'ra, ãne: — Wa tô aima ĩsiwasu'u za'ra wa'wa, ãne: “Suru na wa oto ai'rata ĩnhamra 'wa. Taha parip si, a'â duré asiwi ĩ'madâ'â aba õ di za. Taha pari nimahã na si te za duré oto asiwi ĩ'madâ'â na isahu za'ra wa'wa.” Ãne wa tô aima ĩsiwasu'u za'ra wa'wa. E ĩmreme hã aima pibu prã za'ra wa'aba di. E aima pibu prã za'ra wa'aba wa, te ãne asima irowasu'u za'ra wa'wa.

Zuwã 4:27

Tawamhã pi'õi ma siwasu'u ré, ma tô isiré 're inomro mono norĩ hã itẽme aihutu. Pi'õi ma nherẽ, siwasu'u wa, ma te ãma titob'uzu za'ra, tinhimirosa'rata za'ra na si. Tane nherẽ, pi'õ hã te te siwi sadanharĩ õ di, ãne: “E marĩ zô te i'rata asa.” Duré Zezusi hã ãne te te siwi sadanharĩ õ di ãma: “E niha te pi'õi ma nherẽ, asiwasu'u. E marĩ da, te pi'õi ma nherẽ, irowasu'u.” Ãne, te te siwi sadanharĩ za'ra õ di.