Marcu 9:30 - ꞌRe Ihâimana Uꞌâsi Mono Zadawa Wasuꞌu

^30-31 Tawamhã Zezusi norĩ hã ta hawi te oto ai'aba'ré. Galiléa na danhipti'a nho'õmo nhisi wa'wai baba, ma ro'rahâri za'ra. Zezusi hã ma tô sima wẽ, ihâimanazém na a'â da te sa'rese za'ra tõ da, tisiré 're inomro mono norĩ ma, a'â hâiba pisutu tãma siwasu'u za'ra da. Tawamhã ma tô tãma siwasu'u za'ra, ãne: — Dasiré Ipodo hã te za dasima hâiba nhomri ni. Te za duré dasiwi wĩrĩ ni. Da te dasiwi wĩrĩ wamhã, bâdâ maparane ãma si'utõrĩ õ ré, te za apâ hâiwa'udu ab're hawi, dâ'â uptabi nherẽ.

Marcu 9:30 ပူးပေါင်းရင်းမြစ်များ

Marcu 9:29

Tawamhã asa ma Zezusi hã ãne tãma waihu'u za'ra: — 'Re ihâimana u'âsi mono ma, te za a'â 're damreme zusi ãma. Taha parip si, dama waihu'u pese di za, wa'uburé hã dama 're iwairébé mono zéb da hã.

Luca 24:6

Ãme nomro õ di oto. Ma tô hâiwa'udu. Galiléa ãma 're sãmra mono ré, ma tô romhâ ré aima siwasu'u siromo za'ra wa'wa aré, ãne: “Ti'ai ãma Dasiré Ipodo hã te za dama hâiba nhomri ni, aibâ iwasété norĩ ma. Wedepo'o nhonhi'rãmi na te za dasiwi sasõmri ni, dâ'â da. Bâdâ maparane ãma si'utõrĩ õ ré, te za apâ hâiwa'udu.” Ãne ma tô romhâ ré aima siwasu'u siromo za'ra wa'wa.